2 SAMUELA 15:2 - Mara Bible RV (BSI)

² Absalaw cha mydi ta thyu ta, thokhy chhikao lâpi kiah liata a duah tyh ta. Bie pachia awpa abei hnohta a vaw tlôkheipa maih Absalaw ta aw ta, a hnohta, “Khataih khihpa ma na châ?” tah ta. Ano ta, “Châ chakaotuhpa he Izarei chi, cha hawh kha hawhpa na ei châ,” a tah nahta,

2 SAMUELA 15:2 ပူးပေါင်းရင်းမြစ်များ

ÂTHAONA 34:20

Chatanachata Hamô nata a sawchapawpa Sekhe cha, ama khih thokhy chhikao lâ a vy ei ta, ama khihsawzy bie reikhei ei ta, ama hnohta,

2 SAMUELA 19:8

Chatawhcha abei cha thyu ta, thokhy chhikao liata a kei tyuh ta. “Moh teh u, thokhy chhikao liata abei â tyuh huh,” tahpa ta zawpi zydua cha chho ei ta. Zawpi zydua abei hmiakô lâ a vy ei ta. Izarei sawzy deikua cha ama poh o chyu lâta a râ ha ei ta.

2 THÂTIHZYRONA 10:7

Âmo ta a hnohta, “He zawpizy chô liata phana palâsa la, bie phapa chhopa ta na palysa khiah ei ta cha, chhâzaw ta ama cha chakao aw,” tah ei ta.

ZAWBÂ 24:14

Lianycheituhpa cha awhkho ta thyu ta, Dyhchhiepa nata phahlapazy thie ta, Parutuhpa hawh hra ta zâ ta a paru tyh.

PUASAINA 18:14

Mawsi puhpa ta zawpi châta Mawsi hmotaopa zydua a hmô nahta, a hnohta, “Zawpi châta khâpa hmo ma na taopa ei? Khazia nâma dei ta a tyuh chi ta, my tawhta zâlâ taihta chyhsa zydua na kiapâh liata amâ duah thlâh haw?” tah ta.

PUASAINA 18:16

Biepeipa ama hnei tita, kei lâ a vykhei ei ta, kei ta ama likah bie cha pachiapa ei na ta, Khazohpa bieraopa nata a ryhpazy ei pahnosa tyh ei,” tah ta.

PUASAINA 18:26

Âmo chata zawpi cha pachia ei ta, bie rupa maih Mawsi lâ tlôkhei ei ta, bie chynawhpa deikua cha, âmo ta ama pachia lymâ.

BIESOZY 4:16

Hmo ama parao ha tua leipa ta cha, A mô thei leipa ei ta; Chyhsa ama chapiasa ha tua leipa ta cha, Ama mo ku thei vei.

DÂNIAH 11:21

A su liata chyhsa reipachhie tlâhpa, abei châna pie leipa a vaw duah aw ta, thlalôh kawpa ta ama y daihti liata a vy aw ta, reikah thaina ta khinarâh cha a la aw.

MATHAI 27:1

My a vaw châ nahta, theihthai bei zydua nata khitlâh machâzy cha Zisu thie thei nawpa kyh ryhrao ei ta.

RYHPACHANEINA 17:8

“Thisaih a palona kyh tlyma, kheihawhpa vâta leihna kyh tlyma, atudaina kyh tlyma, nama yna khih liata biepeipa kheihawhpa rai châ sala, nâmo pachia awpa biepeipa rupa nama hnohta ama vaw tlôkhei khiahta cha, thyu aw ei chi ta, Abeipa nama Khazohpa ta â tlyh awpa su lâ nama sie aw.

RUTHI 4:1

Bôaza cha khihpi thokhy chhikao lâ khy ta, cha liata a tyuh ta. Bôaza reipa ama heinawh hniapa cha a vy ta. Bôaza ta a hnohta, “Unawh, he lâ a vy la, a vaw tyuh tua,” tah ta. Cha chyhsa cha vawh ta, a kei tyuh ta.