2 SAMUELA 14:32 - Mara Bible RV (BSI)

³² Absalaw ta Zôabâ cha a chhy ta, a hnohta, “Pachâ teh, abei lâ cha tuahpa ta, a hnohta, ‘Khâpa­ vâta ma Kesu tawhta ei vy ngâ kawna tly? Kha liana kha vaw y thlâh ha aw sah la ei châta a pha via awpa tlai,’ tahpa ta kei chho awpa ta bie cha vaw ta na ta. Chavâta abei hmia cha tahmâ na pahmôsa teh. Paraona a hneipa ei châ khiahta cha, na thie thlâh ha mawh sy,” tah ta.

2 SAMUELA 14:32 ပူးပေါင်းရင်းမြစ်များ

ÂTHAONA 3:12

Âdâh ta, “Na ylâh awpa ta chanô eina piepa chi khata, tho thei cha na pie ta, ei nie haw,” tah ta.

2 SAMUELA 13:37

Absalaw deikua cha a râ ha ta. Amihu sawchapawpa Kesu bei Tâmai lâ sie ta. Dâvi cha noh ly chhi ki ta a sawchapawpa mâchhiesa ta.

2 SAMUELA 14:31

Zôabâ cha thyu ta, Absalaw cha a o liata a kei hmô ta, a hnohta, “Khâpa vâta ma châ chakaotuhpazy ta ei lyu mei ta ama rao?” tah ta.

2 SAMUELA 3:3

A panona cha Kâmel zuah Nâbâ ta a panôhmeipa Abikai liata a sapa Khilia châ ta, a pathôhna cha Kesuri bei Tâmai sawchanô Mâkâ sawchapawpa Absalaw châ ta;

HLAZY 36:2

A paraona hmôpa châ leipa aw ta, Chavâta chyhsa ta nâ hao bao aw veih ei tahpa ta, Anosasyh ta â dôvei.

PUASAINA 14:12

He kyh liata, ‘Miah patypamâ hlei khah y, Izi mo he eima chakao molo aw,’ tahpa ta Izi râh liata eima cha chho hapa kha châ vei ma? Râhchawhpa liata thi awpa hlâta cha, Izi mo kha vaw chakao molo thlâh ha sih la, a pha via awpa tlai,” tah ei ta.

PUASAINA 16:3

Izarei sawzy ta ama hnohta, “Izi râh liata sa beih kiah liata a tyuh pi ta, viahchhâ eima rih biena taihta eima nie no khata Abeipa ku ta vaw thi ha sih la a pha via awpa tlai. Zawpi zydua he nodipa ta miah thie awpa ta râhchawhpa lâ miah namâ vaw chhi he zaw,” tah ei ta.

PUASAINA 17:3

Zawpizy cha ama dâhphi ngaita ta, Mawsi chô liata paphôh ei ta, a hnohta, “Khazia keimo nata eima sawzy nata eima sahrohzy he dâhphipa ta miah thie awpa ta Izi râh tawhta miah nâ kaw chhi papua?” tah ei ta.

BIESOZY 28:13

A moleinazy a phihtuhpa cha vânoh to leipa aw ta, A moleinazy palâhâh ta a siesaipa deikua cha zawngiahna a hmô aw.

ZEREMIAH 8:12

Hmo pasichhihpa ama tao no khata, Nozana châh zy ama pahno tlyma i? Khâpa nozana châh cha ma ama pahno bao aw! Ama noza tiarâh leipa ta, Hmiachhie nawpa châh chhao pahno veih ei. Chavâta a paopazy hry liata pao hra aw ei ta, Âmo ei hriena daihti liata, Thy pathlahpa ama châ aw,” Abeipa ta a tah.

MATHAI 25:44

Âmo ta a chhy aw ei ta, a hnohta, ‘Abeipa, khati ta ma nodipa ta tlyma, dâhphipa ta tlyma, khichhaipa ta tlyma, tlâh leipa ta tlyma, patâhna o liata tlyma cha hmô pi ta, eima cha chakao vei?’ ama tah aw.

RAWMA 3:19

Ryhpa ta a reipa maih cha, ryhpa ry liata a ypazy hnohta reipa a châ tahpa eima pahno. Chatanachata pakah to hmao mopa ta y aw ei ta, khizaw zydua he Khazohpa ryureina ry liata a y thei aw.

1 SAMUELA 15:13

Samuela cha Sawla kô kei tlô ta, Sawla ta a hnohta, “Abeipa ta byhnâ cha pie mawh sy, Abeipa biepiepa cha ei tao haw,” tah ta.

1 SAMUELA 20:8

Châ chakaotuhpa he Abeipa biehrai liata a ngiakhei ha chi ta, chavâta châ chakaotuhpa chô liana he ngiachhiena rie palâsa mah y. Thaileichâna ei hnei khiahta deikua cha, nâma tlai ta na thie thlâh ha mah y, khazia na paw lâ cha einâ chhi ngâ kaw aw chi?” tah ta.