2 SAMUELA 14:26 - Mara Bible RV (BSI)

²⁶ A sâ â hri kaw tyhpa vâta kô chhâna lâta a ngyu tyh ta, a sâ â ngyu nahta, a luh liata a sâ cha khopathliah tyh ta, abei khopathliahna hmâpa ta sekel za no a tloh ty.

2 SAMUELA 14:26 ပူးပေါင်းရင်းမြစ်များ

ÂTHAONA 23:16

Abarahâ ta Epharaw reipa cha a pyh ta, cha daihti liata sôdaohpazy khopathliahna hmâpa ta, tâkâ sekel 400 Epharaw hnohta pie ta.

2 SAMUELA 18:9

Absalaw cha Dâvi chyhsazy a kei tyh ta. Absalaw cha a sabaitu kiah ta. Sabaitu cha ôkâ tho chiah buh ru ngaitapa ry liata a ngia ta. Absalaw luh cha ôkâ tho chiah liata a taw ha ta, avâ nata alei likawh liata a bangiehpa ta y thlâh ha ta. A ry liata sabaitu cha a râ syulyu ha ta.

ISAI 3:24

Ropahâhpa vyuhpa ta hmo thupa vaw y aw ta, Chaisaihna vyuhpa ta chaori a y aw. Sâ mihpa vyuhpa ta luh pôlôna y aw ta, Poh ngiapa vyuhpa ta latho hnorâh y aw ta, Chhithaina vyuhpa ta nozana a y aw.

EZEKIA 44:20

“Ama luh amâ papôlô awpa châ leipa ta, ama sâ amâ paseih awpa châ hra vei. Â daih thaipa ta ama sâ amâ ngyu awpa a châ.

THEIHTHAINA 19:36

Khopathliahna dopa, khopathliahna lô dopa, kachu dopa, chhiehraôh dopa nama hmâ awpa a châ. Kei he Abeipa nama Khazohpa, Izi râh tawhta châ chhi papuatuhpa ei kha ei châ.

1 KAWRINI 11:14

Chapaw cha a sâ â paseih khiahta cha, ano châta nozachhihpa a châ tahpa nama pikheipa palôh chhao ta cha pahnosa veih ei ma?