25 Izarei zydua hry liata Absalaw tlu ta a chhithaina ama reithaipa pakha hmah y veih ei. A phei padih tawhta a luh laki taihta sei nawpa rai ano liata y vei.
Adôniza he a paw ta, “Khazia cha ta kha ta na tao?” tahpa ta a palôh châ leina khati nota hmahta a vaw chho beih leipa a châ. Ano chhao he hmipha ngaitapa châ ta, uhtheina lâta Absalaw a pazipa a châ.
Pheipazah tawhta luh taih tlai ta, Pasa khai ha ta; Hmah nata thidôna nata hniahzy ta bie ta, Hniahzy cha pazâpa châ leipa ta, Chahrypa nata sathaw hniapa châ hra vei.
Cha nothlahpazy cha ama chai liata chaisaih a saihpa ta, khutho a ngia ngaitapa a khu ei ta, ama zydua ta beimachâ hmia phaoh ei ta, Kaldia râh liata a pahrâpa Babylaw mo ama lyu.
Âmo cha pizie liata seina hnei leipa satlia, hmiphapa, sona zydua a chu thei awpa duahmo liata â duahpa, hmo a pahno thaipa, pachâna pasohpa a hmâh thaipa nata abei o liata rai hria awpa ta a tlâh a châpazy ama châ awpa a châ. Aspenâza ta âmo cha Kaldia reih nata thainazy a pachu aw ei.
“Nâmo, ryhpa pachutuhpa nata Phârisaih phapakheipazy saih u, nama hu a po na! Hlyu râhpa hniapa thlâ, a chô lâ a ngia ngaitapa ta a lâ ta, a chhôh lâ deikua cha athipa rureih nata pathaih leipa to ta a biepa nata namâ lyu.
Chatanachata Awnanopa cha a puapa rai a kiah leipa, a vo a dao leipa nata cha hawhpa hmo rai a phaoh leipa châ thei aw ta, pathaihpa nata seina hnei leipa Awnanopa rônahpa châ awpa ta, Krista ano tlai ta a tao aw.
Châhrasala Abeipa ta Samuela hnohta, “A hmisâ tlyma, a pôraoh tlyma moh kha, ano kha khoh va na. Abeipa ta la chyhsapa hmôzie hawhta hmô vei. Chyhsapa ta cha khôtho lâ alânazie moh tyh ta, Abeipa deikua cha palôh tlao a moh tyh,” tah ta.
Kisâ ta sawchapaw hnei ta, a moh cha Sawla a châ. Ano cha satlia pôraoh a tlai ngaitapa châ ta, Izarei sawzy hry liata ano hlâta hmipha viapa rai y leipa ei ta, chyhsa ahy hmahta a ngiatlâh â khopa y veih ei.