2 SAMUELA 14:21 - Mara Bible RV (BSI)

²¹ Chatawhcha abei ta Zôabâ hnohta, “Pachâ teh, tahmâ na khozie hawhta ei tao aw. Sie la, thyutliapa Absalaw cha a vaw chhi mah y,” tah ta.

2 SAMUELA 14:21 ပူးပေါင်းရင်းမြစ်များ

2 SAMUELA 14:11

Chanô ta, “Ei châ haw na, thisaih phuh a latuhpa ta chyhsa thie khao leipa sala, ei sawchapawpa cha pahleipadiapa ta a y lei nawpa ta, abei heta Abeipa na Khazohpa rie a thei mah y,” tah ta. Abei ta, “Abeipa hrona reipa ta ei reih, na sawchapawpa sâbu miakha chhao alei liata tla aw vei,” tah ta.

2 SAMUELA 14:22

Zôabâ cha a hmia alei lâ a khupa ta pao ta, a naoh ta, abei cha byhnâ awpa ta. Zôabâ ta, “Hy ei zibeipa abei y, abei ta a chakaotuhpa hiapa hlao a patlohna liana heta, tanoh cha châ chakaotuhpa he na modypa ei châ tahpa ei pahno,” tah ta.

MÂKA 6:26

Abei cha a pachârôh ngaita ta, châhrasala chyhsa peimawhpa a hruapazy hmiakô liata bie â taih hapa vâta, laihsa hnohta bie a rei hapa cha parao khoh leipa ta.

1 SAMUELA 14:39

Izarei pachhatuhpa Abeipa hrona reipa ta ei reih, ei sawchapawpa Zawnathâ chô liata a tlupa chhao rai châ sala, a thi thlyu awpa a châ,” tah ta. Châhrasala a bie â chhy ngâhpa pheisaih zydua hry tawhta pakha hmahta y leipa ei ta.