2 SAMUELA 14:11 - Mara Bible RV (BSI)

¹¹ Chanô ta, “Ei châ haw na, thisaih phuh a latuhpa ta chyhsa thie khao leipa sala, ei sawchapawpa cha pahleipadiapa ta a y lei nawpa ta, abei heta Abeipa na Khazohpa rie a thei mah y,” tah ta. Abei ta, “Abeipa hrona reipa ta ei reih, na sawchapawpa sâbu miakha chhao alei liata tla aw vei,” tah ta.

2 SAMUELA 14:11 ပူးပေါင်းရင်းမြစ်များ

ÂTHAONA 14:22

Abarâ ta Sawdawmâ bei hnohta, “Lei nata vâ hneituhpa Khazohpa Chônôchaipa, Abeipa lâta bie a taih ha na ta,

ÂTHAONA 31:50

“Ei sawchanôzy he pasasapa ta, ei sawchanôzy thota lapinô hropazy na hnei khiahta cha, ahy hmahta eima hnohta ama y leipa chhao ta, moh teh, Khazohpa cha keima nata nâma likah liata pahnokheituhpa a châ,” tah ta.

2 SAMUELA 14:10

Abei ta, “Ahy rai na chô liata khâpa bie rai a reihpa maih cha, kei lâ a vaw chhi mah y, cha hria heih khao aw vei,” tah ta.

2 SAMUELA 14:12

Chanô ta, “Ngiachhiepa ta, na seichanô heta ei zibeipa abei hnohta bie kawh khata ei reih via tua aw,” tah ta. Abei ta, “Reih teh,” tah ta.

2 SAMUELA 14:21

Chatawhcha abei ta Zôabâ hnohta, “Pachâ teh, tahmâ na khozie hawhta ei tao aw. Sie la, thyutliapa Absalaw cha a vaw chhi mah y,” tah ta.

1 ABEIZY 1:52

Sawlawmaw ta, “Chyhsa ngâchhihpa a châpa a palâsa khiahta cha, a sâbu miakha chhao alei liata tla aw vei. Paraona ano liata hmôpa a châ khiahta deikua cha a thi aw,” tah ta.

ZEREMIAH 4:2

Ngâchhihna, adona nata siana ta, ‘Abeipa hrona reipa ta ei reih,’ Tahpa ta bie nâ taih khiahta cha, Phopizy cha Abeipa liata huhiehpa ta y aw ei ta, Ano amâ palaikhei aw.”

MALUHREINA 35:19

Thisaih phuh latuhpa ta lianycheihtuhpa cha a thie awpa châ ta, a hmô tita a thie aw.

MALUHREINA 35:21

cha leipa chhao ta, ahaona vâta a ku ta a chôpa ta, cha chyhsa cha a thi khiahta tlyma, kupathlatuhpa cha thie thlyu awpa a châ. Liany a cheihpa châ ta, thisaih phuh latuhpa ta a hmô tita a thie aw.

MALUHREINA 35:27

thisaih phuh latuhpa ta ano cha abohna khihpi râhri khô lâta hmô sala, thisaih phuh latuhpa ta lianycheihtuhpa cha a thie khiahta deikua cha, thisaih phuh latuhpa chô liata thisaih maoh y aw vei.

MATHAI 10:30

Nama luh liata sâ zydua chhao reih khaipa a châ.

HMOTAOPAZY 27:34

Chavâta pati nie awpa ta ei châ haw ei. Nama thatlô nawpa a châ. Nama hry liata ahy hmah a luh liata sâbu miakha chhao leidia aw vei,” tah ta.

1 SAMUELA 14:45

Châhrasala zawpizy ta Sawla hnohta, “He pachhana rônah ngaitapa Izarei hry liata a vaw tlôkheituhpa Zawnathâ he a thi aw ma? Châ bao va! Abeipa hrona reipa ta eima reih, a sâbu miakha chhao alei liata a tla awpa châ vei. Tanoh he ano cha Khazohpa a hrialâhpa a châ hih,” tah ei ta. Zawpi ta Zawnathâ cha pachha ha ei ta, thiepa châ khao vei.

1 SAMUELA 20:42

Zawnathâ ta Dâvi hnohta, “Thlalôhpa ta sie mah y, ‘Abeipa cha keima nata nâma likah nata ei pathlazy nata na pathlazy likah liata chhâzaw ta y mawh sy,’ tahpa ta Abeipa moh ta bie liahsa eimâ taih raihrie ha khaw,” tah ta. Chatanachata Dâvi cha thyu ta, sie ha ta. Zawnathâ chhao khihpi lâ a lie ha hra ta.

1 SAMUELA 28:10

Sawla ta Abeipa moh ta a hnohta bie a taih ta, “Abeipa hrona reipa ta ei reih, he hmo vâna heta na chô liata hriena tlô cheita aw vei,” tah ta.