2 SAMUELA 13:36 - Mara Bible RV (BSI)

³⁶ A rei khaipa nahta, abei sawchapawzy cha vaw tlô pâ ha ei ta. Aoh tlili ta cha ei ta, abei nata a chakaotuhpazy chhao aoh tlili ta cha ei ta.

2 SAMUELA 13:36 ပူးပေါင်းရင်းမြစ်များ

2 SAMUELA 12:21

A chakaotuhpazy ta a hnohta, “He hmo na taopa he khâpa ma a yzie tly? Hawtipa a hro no kha ano châta kâhvileipa ta ypa ta thata cha chi ta, hawtipa a thi nahta hmâchhâh cha thyu chi ta pati tlao na nie bao,” tah ei ta.

2 SAMUELA 13:15

Cha khai tawhta Amanaw ta a sietanô cha a hao ngaita ta, â haona cha ano a kho nota a khona hlâ khata tha via syulyu ta. Amanaw ta a hnohta, “Thyu la, pua ha teh,” tah ta.

2 SAMUELA 13:35

Zônadâ ta abei hnohta, “Moh tua, abei sawchapawzy cha ama vaw tlô ha huh. Châ chakaotuhpa reipa hawhna tlai khata a vaw châ,” tah ta.

2 SAMUELA 13:37

Absalaw deikua cha a râ ha ta. Amihu sawchapawpa Kesu bei Tâmai lâ sie ta. Dâvi cha noh ly chhi ki ta a sawchapawpa mâchhiesa ta.

2 SAMUELA 18:33

Abei cha a palôh pasa ngaita ta, thokhy chhikao chô lâta chhôhpadâhpa lâ khy ta, cha ta. A khy pâ ta, “Hy ei sawchapawpa Absalaw, ei sawchapawpa, ei sawchapawpa Absalaw! Nâma vyuhpa ta keima tlao ei thi thlâh ha awpa tlai! Hy Absalaw, ei sawchapawpa, ei sawchapawpa y!” tah ta.