2 SAMUELA 13:3 - Mara Bible RV (BSI)

³ Amanaw heta viasa pakha, a moh Zônadâ ama tahpa hnei ta, ano he Dâvi unawhpa Simei sawchapawpa a châ. Zônadâ he chyhsa so piehpie ngaitapa châ ta.

2 SAMUELA 13:3 ပူးပေါင်းရင်းမြစ်များ

ÂTHAONA 3:1

Zehôvâh Khazohpa ta râhsa a taopa zydua hry liata parih cha so piehpie chai ta. Parih ta chanô hnohta, “Khazohpa ta ‘Sadô liata tho thei kheihawhpa hmahta nama nie awpa châ vei’ a cha tah tlai ei ma?” tah ta.

ÂTHAONA 38:1

Cha daihti liata, Zudâh cha a unawhzy tawhta zu ta, Adulâ chyhsa pakha a moh Hirâh o lâ kei tlei ta.

ÂTHAONA 38:20

Zudâh ta sôhkâ a sopazy chanô ku tawhta la awpa ta, a viasapa Adulâ chyhsa ku liata mietaw paphao ta. Châhrasala Adulâ ta chanô kha hmô khao leipa ta.

2 SAMUELA 13:2

Amanaw cha a sietanô Tâmâri vâna chata a palôh rie thata theipa ta, pasakhei pâ ngâ kaw ta. Tâmâri he laihsa kôpa châ ta, chavâta a chô liata hmo kheihawhpa tlyma tao awpa cha Amanaw châta hmo ru ngaitapa a châ.

2 SAMUELA 13:32

Dâvi unawhpa Simei sawchapawpa Zônadâ ta a chhy ta, a hnohta, “Abei ta abei sawchapaw thyutliapa zydua ama thie khai hapa hawhta pachâ khah sy, Amanaw deita a thi. A sietanô Tâmâri noh a pazao noh tawhna khata, Absalaw ta he hmo he tao awpa â vaw chhuah hapa a châ.

2 SAMUELA 13:4

Amanaw hnohta, “Aw, nâ abei sawchapawpa pi tlai chi ta, kheihtazieta ma my chareih ta palôh rietheipa ta na y thlâh haw? Na chho aw va chi ma?” tah ta. Amanaw ta a hnohta, “Ei unawhpa Absalaw sietanô Tâmâri ei khoh kawpa vâta a châ,” tah ta.

2 SAMUELA 14:2

Chavâta Zôabâ ta Tekô khih lâ chyhsa tuah ta, cha liata chanô sopa pakha kei palasa ta, a hnohta, “Mâchhiesapa hawhta y pakhei la, mâchhiesana poh a bu la, sathaw chhao a thu khah y. Athipa châta bohpi mâchhie a sapa chanô hawhta y la,

2 SAMUELA 21:21

Cha chyhsa chata Izarei sawzy cha pahao ta, Dâvi unawhpa Simei sawchapawpa Zawnathâ ta a thie haw.

1 THÂTIHZYRONA 2:13

Zese ta sawchapaw uhtheipa Eliabâ sa ta, panona Abinadâ, pathôhna Simia,

1 THÂTIHZYRONA 27:32

Dâvi puhpa Zawnathâ cha chyhsa sopa nata châthaipa a châpa vâta, ryhraokheituhpa a châ. Ano nata Hâkamôni sawchapawpa Zehie cha abei sawchapawzy pachutuhpa ama châ.

ESTHERI 5:10

Châhrasala Hâmâ cha a sohsi lyliapa ta o lâ a di ta. A viasazy nata a lapinô Zeresi paawsa ta.

ESTHERI 5:14

A lapinô Zeresi nata a viasa zydua ta a hnohta, “Dy sypangawh a sâhpa paaosaona taopa châ sala, cha liata Môdekai cha paaosao awpa ta, mydi ta abei chho aw chi ta, chatanachata kyhchhina lâ cha abei hnohta a lypa ta vawh mah y,” tah ei ta. Cha bie chata Hâmâ cha palysa kaw ta, paaosaona cha pataosa ta.

ESTHERI 6:13

Hâmâ ta a chô liata hmo tlôpa zydua cha a lapinô Zeresi nata a viasa zydua chho ta. A chyhsa sopazy nata a lapinô Zeresi ta a hnohta, “A hmiakô liata na pao pathaopa Môdekai cha Zu chyhsa a châ khiahta cha, pahnie aw va chi, a hmiakô liata na pao thlyu aw,” tah ei ta.

BIESOZY 19:6

Chyhsa hluhpi ta riaphapa khokheina tlua ei ta, Hmosaipa a pietuhpa cha chyhsa to viasa a châ.

ZEREMIAH 4:22

“Ei phopi cha hru ha ei ta, Na pahno veih ei; Saw nokhih leipazy châ ei ta, Novâhna hnei veih ei. Hmo pha leipa taona liata so kaw ei ta, Hmo phapa taonazie deikua pahno veih ei,” Abeipa ta a tah.

1 KAWRINI 3:19

He khizaw sona he, Khazohpa pachâ ta hruna châ tlôh ta. “Khazohpa ta chyhsa sopazy cha, âmo so piehpiena ta a paao tyh,” tahpa ta ropa a châ.

ZÂMIE 3:15

Cha sona cha chô lâ tawhta a za tlôpa sona châ leipa ta, khizaw sona châ ta, thlahpa tawhta châ leipa ta, ahripa tawhtapa tlao a châ.

RYUREITUHPAZY 14:20

Sâsawna lapinô cha amâ hnei nota viasa ta â taopa hnohta pie ha ei ta.

1 SAMUELA 16:11

Samuela ta Zese hnohta, “Na sawchapawpa zydua amâ ki ma?” tah ta. Zese ta, “A seihnai chaipa y ta, châhrasala ano cha mietakuzy vaina liata na a y haw,” tah ta. Samuela ta Zese hnohta, “Kei paawsa teh, a vaw tlô hlâlei a tyuh aw ma pi,” tah ta.

1 SAMUELA 16:9

Zese ta Sâmâh pavawsa heih ta. Samuela ta, “He chhao he Abeipa ta â tlypa châ vei,” tah ta.