2 SAMUELA 13:22 - Mara Bible RV (BSI)

²² Absalaw deikua cha Amanaw hnohta bie chhiepa tlyma, bie phapa tlyma, khâpa hmah reih leipa ta, a sietanô Tâmâri noh a pazaopa vâta, Absalaw ta Amanaw cha a hao ngaita ta.

2 SAMUELA 13:22 ပူးပေါင်းရင်းမြစ်များ

ÂTHAONA 24:50

Lâbâ nata Bethua ta a chhy ei ta, “He hmo he Abeipa tawhta châ ta, a chhie a pha a reih thei awpa châ ma pi.

ÂTHAONA 31:24

Khazohpa ta Aramia chyhsa Lâbâ hnohta zâ ta a mâ lâta a vaw luah ta, a hnohta, “A phapa tlyma, a chhiepa tlyma, Zakaw hnohta khâpa hmah rei lei awpa ta a chado mah y,” tah ta.

ÂTHAONA 31:29

Châ parao thei awpa ei châ. Châhrasala châ pathlatuhpa Khazohpa ta zâhnia zâ ta, ‘A phapa tlyma, a chhiepa tlyma, Zakaw hnohta khâpa hmah reih lei awpa ta a chado mah y,’ tahpa ta eina chho.

2 SAMUELA 13:21

Cha hmo zydua cha Bei Dâvi ta a thei nahta, a hiehâh ngaita ta. Châhrasala Amanaw cha a sawchapaw uhtheipa a châpa vâta dao kaw ta, hrie a chhuah leipa ta.

BIESOZY 10:18

Ahaona a phihtuhpa cha hmao haihthaipa hnei ta, Kyh reina bie a papuapa cha ahrupa a châ.

BIESOZY 25:9

Biepeipa na hneipa cha na vaih nata reih khoh u la, Mohropa bieru phuah khah y.

BIESOZY 26:24

Ahaona a hneipa cha a hmao liata nyuthu tyh ta, A palôh liata deikua cha dôveina a paveih tyh.

BIESOZY 26:26

Ahaona a hneipa cha dôveina ta khupa a châpa chhao ta, A moleina cha tlâh pahnopa ta palâsapa a châ aw.

BIECHHOTUHPA 7:9

Hiehâhna cha ahrupazy palôh liata riehmo a paryhpa châ ta, Chavâta hiehâh awpa ta na palôh a para khah y.

MATHAI 18:15

“Na unawhpa ta na chô liata hmo a parao khiahta cha, ano lâ charei la, ano nata nâma deita pahnopa ta â do leina cha chho mah y. A cha nathlie khiahta cha, na unawhpa cha na pahnie hapa a châ.

EPHESI 4:26

Nama hiehâh sala, molei deikua molei khuh vy. Nama hiehâhna cha noh ta tlakhei leipa sala,

EPHESI 4:31

Ruchhôna, pathiiana, hiehâhna, paphôhna nata reipachhiena zydua nâmo tawhta thy khai teh u.

1 ZAWHÂNA 2:11

A unawhpa, a haotuhpa deikua cha zohna liata y ta, zohna liata a charei. Zohna ta a mo a pachaosapa vâta khataih lâ ma a sie tahpa chhao pahno vei.

1 ZAWHÂNA 2:9

Khaihna liata a ypa hawhta a reih tlôh ta, a unawhpa a haopa cha, zohna liata a y thlâh ha chy.

1 ZAWHÂNA 3:10

He liana heta ahyzy ma Khazohpa sawzy châ ei ta, ahyzy ma ahripa sawzy a châ ei tahpa â hno: Ahy rai siana a hrokhei leipa cha, Khazohpa tawhta a puapa châ vei. A unawhpa kyh a pachâ leipa chhao Khazohpa tawhta a puapa châ vei.

1 ZAWHÂNA 3:12

Moleipa tawhta a puapa, ano unawhpa a thietuhpa Kainâ hawhna khata eima y awpa châ vei. Khâpa vâta ma a unawhpa kha a thie? A hmotaopazy kha moleina hmo châ ta, a unawhpa hmotaopazy kha a siapa a châpa vâta a châ.

1 ZAWHÂNA 3:15

Ahy rai a unawhpa a haopa cha lianycheihpa châ ta, lianycheihpa ahy hmah chhâzaw hrona a chakaihpa y veih ei tahpa nama pahno.