2 SAMUELA 13:21 - Mara Bible RV (BSI)

²¹ Cha hmo zydua cha Bei Dâvi ta a thei nahta, a hiehâh ngaita ta. Châhrasala Amanaw cha a sawchapaw uhtheipa a châpa vâta dao kaw ta, hrie a chhuah leipa ta.

2 SAMUELA 13:21 ပူးပေါင်းရင်းမြစ်များ

ÂTHAONA 34:7

Thâtih ama pahnopa nahta, Zakaw sawchapawzy cha râh lâ tawhta vaw tlô ei ta. Sekhe ta Zakaw sawchanô a ziakhei ta, Izarei sahlao chô liata hmo molei ngaitapa, hmo tao chachei lei awpa a taopa vâta, ama palôh pasapa ta, ama hiehâh ngaita ta.

ÂTHAONA 35:22

Cha râh liata Izarei a y nota, Rubena cha vawh ta, a paw nôtho Bilhâ a ziakhei ta. Izarei ta cha cha pahno ha ta. Zakaw cha sawchapaw pahrawh hleino hnei ta.

2 SAMUELA 12:10

Khâpasaw ta na rei leipa chi ta, Hiti chyhsa Uria lapinô cha na lapinô ta na hneipa vâta, zaozi ta na pathlazy puasai khao aw vei,’ tah ta.

2 SAMUELA 12:5

Dâvi cha cha chyhsa chô liata a hiehâh ngaita ta, Nâthâ hnohta, “Abeipa hrona reipa ta ei reih, cha hmo a taotuhpa cha thi tlâh a châ,

2 SAMUELA 13:20

A rilâhpa Absalaw ta a hnohta, “Na rilâhpa Amanaw ma châ ykhei haw? Chatahrasala ei sietanô y, a chalih ha mah y, na rilâhpa a châ khawh, pachâ tu hlei khah y,” tah ta. Chatanachata Tâmâri cha a rilâhpa Absalaw o liata yru vâsâhpa ta y ta.

2 SAMUELA 13:22

Absalaw deikua cha Amanaw hnohta bie chhiepa tlyma, bie phapa tlyma, khâpa hmah reih leipa ta, a sietanô Tâmâri noh a pazaopa vâta, Absalaw ta Amanaw cha a hao ngaita ta.

HLAZY 101:8

Râh liata moleipa zydua cha, My chareih ta pahleipadia aw ei na ta; Hmoparaopa zydua cha, Abeipa khihpi tawhta ei chhawh pathlah aw ei.

1 SAMUELA 2:29

Cha hawhta a châ nota, khazia ma ei pahrâna su châta bie ei piepa atheihna nata hmohlâpazy mohnao ei chi ta, kei hlâta na sawchapawzy palyupalih viapa ta, ei phopi Izarei sawzy hmohlâpa to tawhta a pahâh chaipazy cha nâmo a pathawhna châta nama hmâh?