2 SAMUELA 13:20 - Mara Bible RV (BSI)

²⁰ A rilâhpa Absalaw ta a hnohta, “Na rilâhpa Amanaw ma châ ykhei haw? Chatahrasala ei sietanô y, a chalih ha mah y, na rilâhpa a châ khawh, pachâ tu hlei khah y,” tah ta. Chatanachata Tâmâri cha a rilâhpa Absalaw o liata yru vâsâhpa ta y ta.

2 SAMUELA 13:20 ပူးပေါင်းရင်းမြစ်များ

ÂTHAONA 34:2

Cha râh bei Hivi chyhsa Hamô sawchapawpa Sekhe ta vaw hmô ta, patu ta, a ziakhei ta, a noh pazao ha ta.

ÂTHAONA 46:15

Chazy cha Liah ta Pâdâ-Aramia liata Zakaw châta a sapa sawchapawzy châ ei ta, a sawchanô Dinâ chhaota, a sawchapawzy nata a sawchanôzy cha ama zydua ta sythôh nata pathôh ama châ.

2 SAMUELA 13:19

Tâmâri cha a luh buchâh a mia ta, a viahkao pasipa chapaipa â kypa cha hrie ta, a kuzy a luh liata khaih ta, aoh tlili ta cha laihpa ta a di ha ta.

2 SAMUELA 13:21

Cha hmo zydua cha Bei Dâvi ta a thei nahta, a hiehâh ngaita ta. Châhrasala Amanaw cha a sawchapaw uhtheipa a châpa vâta dao kaw ta, hrie a chhuah leipa ta.

2 SAMUELA 14:24

Abei ta, “Ano o lâ a di sala, ei hmia na hmô khah sy,” tah ta. Absalaw cha a o lâ a di ta, abei hmia cha hmô leipa ta.

BIESOZY 26:24

Ahaona a hneipa cha a hmao liata nyuthu tyh ta, A palôh liata deikua cha dôveina a paveih tyh.

RAWMA 12:19

Kho ngaitapa saih u, nama phuh a la leipa u la, Khazohpa pathiiana tlei hri teh u. “Phuh cha keima la awpa châ ta, kei ta viari ei thô aw, Abeipa ta a tah,” tahpa ta ropa a châ.