2 SAMUELA 12:9 - Mara Bible RV (BSI)

⁹ Khazia ma Abeipa bie khâpasaw ta rei leipa chi ta, a mohmô liata hmo pha leipa na tao? Hiti chyhsa Uria cha zaozi ta thie chi ta, a lapinô cha na lapinô châta hnei chi ta, Amawna mo zaozi ta Uria cha na thie haw.

2 SAMUELA 12:9 ပူးပေါင်းရင်းမြစ်များ

2 SAMUELA 11:4

Dâvi ta chyhsa tuah ta, a vaw chhi ei ta, a vaw tlô nahta a ziakhei ta. Chanô cha a thaitlyh leina tawhta a pathai hapa châ ta. Dâvi ta â ziakhei khai tawhta Bâsebâ cha a o la a di ha ta.

2 SAMUELA 12:10

Khâpasaw ta na rei leipa chi ta, Hiti chyhsa Uria lapinô cha na lapinô ta na hneipa vâta, zaozi ta na pathlazy puasai khao aw vei,’ tah ta.

2 SAMUELA 16:7

Simei cha chhiesa ta, hetana heta tah ta, “Pua teh, nâ thisaih palo hmâhpa nata moleipa chyhsa chi kha, pua syulyu ha teh.

1 ABEIZY 15:5

Hiti chyhsa Uria kyh tah leipa khata cha, Dâvi kha Abeipa mohmô liata hmo dopa a tao tyhpa châ ta, Abeipa ta bie a piepa kheihawhpa hmah a hro chhôh zydua ta a tleisai beih leipa a châ.

1 ABEIZY 21:19

A hnohta, ‘Abeipa ta hetana heta a tah: “Thie chi ta, na hnei pâ ha aw ma?” a tah,’ tah ta. Chatawhcha a hnohta, ‘Abeipa ta hetana heta a tah: “Izy ta Nâbô thisaih ama paliena su liana tlai heta nâma thisai chhao izy ta ama palie aw,” a tah,’” tah ta.

2 THÂTIHZYRONA 33:6

A sawchapawzy cha raopa hlâna atheihna ta Hinô Sawchapawpa Saikao liata hlâ ta, kulâmopa, pachaopa nata molietaopa zy hmâh ta, peihthaipa nata athihpa bie a chho thaipazy â saohiah tyh. Cha hawhna chata Abeipa mohmô liata hmo molei ngaitapa taopa ta, Abeipa hie pahâh ha ta.

HLAZY 51:14

Hy Khazohpa, ei pachhana Kha­zohpa y, Thisaih maoh tawhta na pachha mah y; Chatanachata ei paleih ta a paropa ta na siana hla a sa aw.

HLAZY 51:16

Atheihna liata a ly leipa chi ta, A lypa châ la, ei cha hlâ ha awpa tlai; Raopa hlâna ta na palôh patlâh hra aw vei.

HLAZY 51:4

Na chô liata, nâma chô lia tlai ta vaw molei na ta, Na mohmô liata hmo pha leipa ei vaw tao haw; Na biezy liata thaichâ chi ta, Na pachiana liata seina y vei.

HLAZY 90:8

Eima paraonazy na hmiakô liata soh chi ta, Arulâta eima moleinazy chhao, Na hmia khaihna liata na soh tyh.

BIESOZY 14:2

 dopa ta a hrohpa cha Abeipa a chipa châ ta, Hrozie akopa deikua cha Abeipa a mohnaopa a châ.

ISAI 5:24

Chavâta mei ta sâhkô chuahmi charôh ta, Meipaleih vâta sibie raohpa â chahkaopa hawhta, Ama thari hmy aw ta, Ama paw chhao doh hawhta â zaw aw; Pheisaihzy Abeipa ryhpa dytha ei ta, Izarei Mo Pathaihpa bie ama mohnaopa vâta.

ZEREMIAH 18:10

ei reikah nathlie leipa ta, ei mohmô liata hmo pha leipa a tao khiahta cha, a chô liata hmo phapa tao ei chhuahpa cha ei pathleih aw.

AMÔSÂ 2:4

Abeipa ta heta na heta a tah: “Zudâh moleina miathôh vâta, Âh, miapalih vâ chhao rai ta, Hriena chalihsa aw va na; Abeipa ryhpa dytha ei ta, A bieraopazy ama zyh leipa vâta. Âmo pathlatuhzy lâpi a chhih ei ta, Ama haipa biezy ta a paviasa ei.

1 SAMUELA 15:19

Khazia Abeipa ao na nathlie vei? Khazia hraona sôh a zawhnao chi ta, Abeipa mohmô liata hmo pha leipa na tao?” tah ta.

1 SAMUELA 15:23

Chhoruna cha pachaopa moleina nata a lyu ta, Akhotlâhna chhao nothlah a chhypa thaileichâna hawh a châ. Abeipa bie na khoh leipa vâta, Ano chhao ta bei châta cha khoh khao vei,” tah ta.

1 SAMUELA 15:26

Samuela ta Sawla hnohta, “Châ liekhei aw va na. Abeipa bie na khoh leipa vâta, Abeipa ta nâ chhao Izarei chô liata bei châta cha khoh khao hra vei,” tah ta.