2 SAMUELA 12:16 - Mara Bible RV (BSI)

¹⁶ Dâvi cha hawti châta Khazohpa pado ta. Dâvi cha kâhvileipa ta y ta, o chhôh lâ a ngia ta, azozâkhihdei alei liata a zia ta.

2 SAMUELA 12:16 ပူးပေါင်းရင်းမြစ်များ

2 SAMUELA 12:15

Cha bie cha a rei khai nahta, Nâthâ cha o lâ a di ha ta. Uria lapinô ta Dâvi châta a sapa hawtipa chô liata Abeipa ta a ku hy ta, hawti cha tlâh leipa ta vaw y ta.

2 SAMUELA 12:22

Dâvi ta, “Hawtipa a hro thlâh ha chy no kha cha, ‘Abeipa ta na ngiachhie aw ta, hawtipa he a hroh thei mâh tâh, ahy a pahno,’ tah na ta, kâhvileipa ta y na ta, ei cha tlai.

2 SAMUELA 13:31

Abeipa cha thyu ta, a chysiazy hrie ta, alei liata a zia ta. A kiapâh liata a duahpa a chakaotuhpazy chhaota ama chysiazy hrie ei ta.

1 ABEIZY 21:27

Ahabâ ta cha biezy cha a thei nahta, a chysiazy hrie ta, a sasaihpa ta latho poh a bu ta, kâhvileipa ta y ta, latho poh liata a zia ta, a thachhâ kaw ta.

NEHEMIAH 1:4

Cha biezy cha ei thei nahta, thlai a tyuh na ta, cha na ta, noh hluhpi mâchhiesa na ta, avâ Khazohpa hmiakô liata kâhvileipa ta thlahchhâ na ta.

ESTHERI 4:16

“Vawh la, Susâ liata a ypa Zu chyhsa zydua pakhy khai la, ei châta kâhvileipa ta y u la, noh thôh chhôh, chhô nah zâ ta khâpa hmah nie leipa u la, khâpa hmah doh hra khuh vy. Kei nata ei laihsazy chhao, nâmo taopa hawhta kâhvileipa ta y hra aw pi ta, cha khai tawhta abei lâ cha ei ngia aw. Ryhpa chakhiapa a châ awpa vâta, ei thi hapa chhao ta, thi lah vâ na,” tah ta.

HLAZY 50:15

Nôpona noh liata na pado la, Cha pachha aw na ta, Chatanachata eina parôhnasa aw chi,” Abeipa ta a tah.

HLAZY 69:10

Chana nata kâhvileipa ta ei hro ei panawh châh ta, Reipachhiena tlao ei hlao.

ISAI 22:12

Cha noh liata, Pheisaihzy Abeipa Zehôvâh ta, Cha awpa nata mâchhiesa awpa ta aw ta, Luh a papôlô awpa nata latho poh a bu awpa ta a aw.

ISAI 26:16

Hy Abeipa, ama nôpo nota cha pado ei ta, Na chhoreina ama chô liata a tla tita, Arulâta thlah ama chhâ tyh.

DÂNIAH 6:18

Chatawhcha abei cha abei o lâ a di ta, kâhvileipa ta azozâkhihdei y ta; â palypauasa nawpa khâpa hmah a châta taopa châ leipa ta, mokuh ta puasai ha ta.

DÂNIAH 9:3

Chavâta Zehôvâh Khazohpa lâ a heih na ta, kâhvileipa ta, latho poh a bupa ta buchâhzy a miapa ta, thlahchhâna nata hiana zy ta ano cha tlua na ta.

ZAWNA 3:9

Ahy ma a pahno tly? Eima leidia lei nawpa ta, Khazohpa cha a palie thei ta, a palôh pananopa ta, a hiehâhna ru ngaitapa tawhta â palie thei mâh tâh,” tah ta.

HMOTAOPAZY 9:9

Noh thôh chhôh cha hmô thei leipa nata khâpa hmah niedoh leipa ta y ta.

ZAWSUA 7:6

Zawsua cha a chysiazy hrie ta, ano nata Izarei machâzy cha, Abeipa Byh hmiakô liata zâlâ taih â khu lâta alei liata pao ei ta, ama luh liata buchâh mia ei ta.