2 SAMUELA 12:13 - Mara Bible RV (BSI)

¹³ Dâvi ta Nâthâ hnohta, “Abeipa chô liata hmo ei parao haw,” tah ta. Nâthâ ta Dâvi hnohta, “Abeipa chhao ta na moleina a pahlei haw, thi aw va chi.

2 SAMUELA 12:13 ပူးပေါင်းရင်းမြစ်များ

ÂTHAONA 39:9

he o liata keima hlâta a lai viapa ahy hmah y veih ei. A lapinô na châpa vâta, nâma dei leipa ta cha, ei châta a pasai leipa khâpa hmah y vei. Chavâta kheihta ma, he moleina lai ngaitapa he taopa ta Khazohpa chô liata hmo ei parao thei aw?” tah ta.

2 SAMUELA 24:10

Châhrasala chyhsa maluh a rei khai nahta, Dâvi cha a palôh liata thata a tymâ ta. Dâvi ta Abeipa hnohta, “Ei hmo taopa liata thata ei vaw molei haw. Châhrasala tahmâ he, Hy Abeipa y, ei châ haw na, châ chakaotuhpa paraona he rie pahlei ha mah y. Hru ngaitapa ta na ei vaw tao haw,” tah ta.

2 SAMUELA 24:17

Dâvi ta chyhsa a thietuhpa vâlyuhchâpa a hmô nahta, Abeipa bie a chho ta, a hnohta, “Pachâ teh, ei vaw molei haw, a do lei ngaitapa ta hmo ei vaw tao haw. Châhrasala he mietakuzy heta khâpa hmo ma ama tao tly? Ei châ haw na, na ku cha keima chô liata tla sala, ei paw chhôhkha chô liata tla mawh sy,” tah ta.

1 ABEIZY 13:4

Khazohpa chyhsa ta Bethel liata maisâh awsaopa ta, bie a reipazy cha abei ta a thei nahta, Zerôbaw cha maisâh tawhta a ku pazawh ta, “Kha chyhsa kha patu teh u,” tah ta. Châhrasala Khazohpa chyhsa lâta a ku a pazawhpa cha eikhapi ta vaw sy ha ta, a ku cha ano lâ a dao thei khao leipa ta.

1 ABEIZY 21:20

Ahabâ ta Elaizâh hnohta, “Eina vaw hmô ha chi ma, nâ ei khakhaipa?” tah ta. Elaizâh ta a chhy ta, “Abeipa mohmô liata hmo pha leipa tao awpa ta nâmasasyh ta nâ zua hapa vâta, ei cha hmô ha heih hih.

1 ABEIZY 22:8

Izarei bei ta Zehôsaphâ hnohta, “Abeipa miah a saohiahpa awpa chyhsa pakha cha y ta, ano cha Imlâ sawchapawpa Mikai a châ. Châhrasala ano la ei hao kaw, keima kyh a phana lâta hrohsona bie reih beih vei, a chhiena lâ sai ta a reih tyhpa a châ,” tah ta. Zehôsaphâ ta, “Abei ta cha hawhta tah khah sy,” tah ta.

2 ABEIZY 1:9

Abei ta pheisaih sypangawh hyutuhpa cha a pheisaih sypangawh chhaota Elaizâh lâ tuah ta. Tlâh laki liata a tyuhpa Elaizâh lâ khy ta, a hnohta, “Nâ, Khazohpa chyhsa y, abei ta, ‘A zu mawh sy,’ a cha tah,” tah ta.

1 THÂTIHZYRONA 21:8

Dâvi ta Khazohpa hnohta, “Ei hmotaopa vâna heta ei vaw molei ngaita kaw na. Châhrasala tahmâ ei châ haw na, châ chakaotuhpa paraona he rie a ngiahthai mah y. Hru kawpa ta hmo ei vaw tao haw,” tah ta.

2 THÂTIHZYRONA 16:10

Âsâ cha hrohsopa chô liata a hiehâh ta, patâhna o liata khô ta. A biereipa vâta a chô liata a hie a hâh ngaitapa a châ. Âsâ cha chyhsa hropazy chhao pasa pataosa lymâ ta.

2 THÂTIHZYRONA 25:16

Hrohsopa ta bie a rei hai nota, abei ta a hnohta, “Abei ryhraokheituhpa ta eima cha tao ma? A chalih teh! Khazia na thi aw,” tah ta. Hrohsopa ta, “He hmo he tao chi ta, ei ryhraokheina nâ pyh leipa vâta, Khazohpa ta pahleipadia a châ chhuah haw tahpa ei pahno,” tah ta, chatawhcha a chalih ha ta.

ZAWBÂ 33:27

Chyhsapa cha chyhsazy hmiakô liata a phuah ta, ‘Hmoparaopa ta biedopa pako na ta, Châhrasala viarithôpa châ va na.

HLAZY 103:12

Nochhi nata notla â hlapa tlu ta, Eima paraonazy cha keimo tawhta lâhlapi lâta a pasie haw.

HLAZY 51:16

Atheihna liata a ly leipa chi ta, A lypa châ la, ei cha hlâ ha awpa tlai; Raopa hlâna ta na palôh patlâh hra aw vei.

HLAZY 51:4

Na chô liata, nâma chô lia tlai ta vaw molei na ta, Na mohmô liata hmo pha leipa ei vaw tao haw; Na biezy liata thaichâ chi ta, Na pachiana liata seina y vei.

HLAZY 51:6

Pachâ teh, chhôh lâta hmeiseihna khoh chi ta, Palôh chhôh liata sona eina pachu chi.

PUASAINA 9:27

Phiraoh ta Mawsi nata Arawna cha paawsa ta, ama hnohta, “Tahmâ la ei vaw molei ha tlai na. Abeipa cha a do ta, kei nata ei phopi tlai he moleipa cha eima châ.

BIESOZY 25:12

Ngôh rahy nata ngôh suapa atobina kho â chhihpa hawhta, Chyhsa sopa chhoreina chhao, Reingiahpa nakhaoh liata kho â chhih.

BIESOZY 28:13

A moleinazy a phihtuhpa cha vânoh to leipa aw ta, A moleinazy palâhâh ta a siesaipa deikua cha zawngiahna a hmô aw.

ISAI 38:17

Pachâ tua, nôpona thata ei tyhpa kha, Keima pha nawpa châta tlao a vaw châ. Châhrasala kyhpachâna ta ei hrona na pachha chi ta, Raona khaohtlô tawhta eina pachha ha chi; Ei moleina zydua kha, Na hnohky lâ na thy khai haw.

ISAI 43:24

Tâkâ ta basuh thlôhpa na chaleipa beih leipa chi ta, Atheihnazy na hlâna thawzy ta Lôhrâ na patlô beih hra va chi. Na moleinazy ta phaohri tlao na pavi chi ta, Na paraonazy ta ei rie tlao eina pathei chi.

ISAI 44:22

Na paraonazy meihdo hawhta papai ha na ta, Na moleinazy ameih hawhta ei papai haw. Cha chatlai ha na ta, Chavâta kei lâ vaw kua ha mah y.

CHAPHÔHTUNA 3:32

Ama pachâ parôhsa ha hra sala, A kyhpachâna tleih beih leipa vâta zawh â ngiah heih aw ei.

THEIHTHAINA 20:10

“Ahy rai chyhsa lapinô liata tlyma, a vaih lapinô liata tlyma â phei khiahta cha, apheipaw nata apheinô cha ama pano ta thie thlyu awpa a châ.

THEIHTHAINA 24:17

“Thina taihta chyhsa chô liata ku a pathlapa cha thie thlyu awpa a châ.

ZEKARIA 3:4

Vâlyuhchâpa ta, Zawsua chakaotuhpazy hnohta, “A chysia puapazy kha pahluhpa teh u,” tah ta. Zawsua hnohta, “Moh teh, na moleina ei cha lapa haw. Chysia rônahpazy ta ei cha tobi aw,” tah ta.

MATHAI 14:10

Chyhsa tuah ta, Zawhâna luh cha patâhna o liata kei pataisa ta.

LUKA 15:21

A sawchapawpa ta a paw hnohta, ‘Ei pâ y, Khazohpa chô liata nata na hmiakô liata hmo ei parao haw. Na sawchapawpa ta bi tlâh chhao châ khao va na. Na hnohta hria hlaopa pakha hawhta rie na tao hra mah y,’ tah ta.

LUKA 18:13

Chhiekheituhpa deikua cha, lâhlapi ta a duah ta, avâ lâ chhao ua ngâh leipa ta, a chachôhna a chô ta, ‘Khazohpa y, kei moleipa he na ngiachhie mah y,’ tah ta.

HMOTAOPAZY 2:37

Cha biezy cha ama thei nahta, ama palôh chhô ha ta, Pity nata lyuhchâ hropazy hnohta, “Unawh saih u, khâpa eima tao aw,” tah ei ta.

HEBRAI 9:26

Cha hawhta châ leipa sala, leilô y tua no tawhta pasa a tao chanei ngâ thlâh ha aw. Châhrasala daihti chhâna lâ liata, chhâzaw châta ei kha a vaw luah ta, anosasyh ta atheihna ta a hlâpa ta moleina a pahlei haw.

1 ZAWHÂNA 1:7

Khaihna liata eima y khiahta deikua cha, ano cha khaihna liata a ypa hawhta, a kao raihrie thei pi ta, a Sawchapawpa Zisu thisaih ta eima moleina zydua tawhta miah a pathaisa tyh.

BIEPHUAH 1:5

Zisu Krista, pahnokheituhpa ngâchhihpa, athihpa hry liata a thyu heih tua chaipa nata lei beizy chô liata ryureituhpa tawhta ngiachhiena nata thlalôhna nama hnohta y mawh sy. Kyh miah pachâ ta, a thisaih ta eima moleinazy tawhta miah papuapa ta,

1 SAMUELA 15:20

Sawla ta Samuela hnohta, “Abeipa ao cha ei nathlie mâh tâh. Abeipa ta raihria awpa ta eina tuana lâ sie na ta, Amale bei Akâ a vaw chhi na ta, Amale mo cha tlokhuh ei pahleipadia khai ha ei mâh tâh.

1 SAMUELA 15:30

Sawla ta, “Ei vaw molei ha tlai na. Chatahrasala ei châ haw na, ei chiheih machâzy nata Izarei hmiakô liana heta tahmâ na palyupalih la, Abeipa na Khazohpa hmiakô liata ei bôh thei nawpa ta, rie na kuakhei mah y,” tah ta.