2 SAMUELA 12:11 - Mara Bible RV (BSI)

¹¹ Abeipa ta hetana heta a tah, ‘Pachâ teh, na pathlazy cheingei tawhta na chô liata hmo pha leipa a tao awpa padua aw na ta, na mohmô liata na lapinôzy la aw na ta, na opapa pie aw na ta, nohchhô sawhvaw ta na lapinôzy cha â ziakhei aw ei.

2 SAMUELA 12:11 ပူးပေါင်းရင်းမြစ်များ

2 SAMUELA 15:10

Absalaw ta, “Chiahmie pyu nama theipa nahta, ‘Absalaw cha Hebraw liata bei a châ haw,’ tah muh vy,” tahpa ta Izarei chi zydua lâ arulâta lyuhchâpazy tuah ta.

2 SAMUELA 15:14

Chatawhcha Dâvi ta a hnohta Zerusale liata a ypa a chakaotuhpa zydua hnohta, “Thyu u la, a râ ei suh u, chataleipatala Absalaw tawhta ahy hmahta a boh aw ma pi. Pua para teh u, chataleipatala thlai ta miah vaw pha aw ta, eima chô liata chhiena patlôsa aw ta, zaozi ta khihpi he â vaw dyuh pathlei aw na,” tah ta.

2 SAMUELA 15:6

Cha hawhna chata Absalaw ta abei hnohta biepeipa a vaw tlôkheipa Izarei saw zydua chô liata tao tyh ta. Chatanachata Absalaw ta Izarei chyhsazy palôh cha ano lâta sy lymâ ta.

2 SAMUELA 16:11

Dâvi ta Abisai nata bei chakaotuhpa zydua hnohta, “Pachâ teh u, ei sawchapawpa, ei chhôh chhipa cheingei ta thie einâ chhuahpa châ ta, he Benzami chyhsa chhochhi heta cha, thie einâ chhuah pachai aw dia! Kheihta hmahta tah khah u. Chhie cha sa thlâh ha lah vâ. Abeipa ta a pataosapa na a châ aw.

ZAWBÂ 31:10

Ei lapinô ta chyhsa sâh daih sala, Mohropazy ta a khu thlu mawh ei sy.

EZEKIA 14:9

“Hrohsopa cha dôveipa ta ypa ta, bie a reih khiahta cha, kei Abeipa ta hrohsopa cha ei dôveipa châ ta, a chô liata ei ku hy aw na ta, ei phopi Izarei hry tawhta ei pahleipadia ha aw.

RYHPACHANEINA 17:17

Lapinô hluhpi a hnei awpa châ vei. Chataleipatala a lapinôzy ta a palôh ama paviasa pathlei aw. Tâkâ nata ngôh hluhpi a hnei awpa châ hra vei.

RYHPACHANEINA 28:30

“Lapinô a pahawh aw ei chi ta, chyhsa hropa ta â ziakhei aw. O sa aw ei chi ta, tlôh aw veih ei chi. Kre sadô tao aw ei chi ta, a thei nie aw veih ei chi.