2 SAMUELA 11:8 - Mara Bible RV (BSI)

⁸ Dâvi ta Uria hnohta, “O lâ a di la, na pheizy a zâ si teh,” tah ta. Uria cha abei o tawhta pua ta, abei tawhta kuhria ta ano cha pazi ta.

2 SAMUELA 11:8 ပူးပေါင်းရင်းမြစ်များ

ÂTHAONA 18:4

Ti chyhta cha vaw lapa aw ei na ta, nama pheizy a si u la, tho ry liana he a pahâ chy teh u.

ÂTHAONA 19:2

Lawta ta, “Ei zibeipa saih u, ei châ haw ei, ngiachhiepa ta châ chakaotuhpa o liata vaw tlô u la, a rie u la, nama pheizy a si teh u. Mydi ta thyu aw ei chi ta, nama sie nawpa lâ cha si lah vâ ei chi,” tah ta. Âmo ta, “Châ vei, khiliah liata tlao eimâ rie aw,” tah ei ta.

ÂTHAONA 43:24

Zawsi o avaotuhpa ta âmo cha Zawsi o chhôh lâ a chhi ta, âmo cha ti pie ta, ama pheizy a si ei ta, ama alâzy châta sahroh laozy pie ta.

ÂTHAONA 43:34

Ama nie vyuhzy cha Zawsi tlâhkhai tawhta rai ei ta, Benzami vyuh cha mohropazy vyuh hlâta a lie pangawh ta a hluh via. Chatanachata niepa ta doh ei ta, Zawsi hnohta a ly ngaitapa ta y ei ta.

HLAZY 12:2

Chyhsa to ta ama vaihzy hnohta haipa bie reih ei ta, Reithai pakheina hmao ta reithaipa ta, Haidihaiduahna palôh ta bie ama reih tyh.

HLAZY 44:21

Khazohpa ta hmô aw vei ma? Ano cha palôh liata bieru chhao, A pahno theipa châ tlôh ta.

HLAZY 55:21

A pakah cha sâhpiti kuapa hawhta pahnia ta, A palôh lia deikua adyuhna ta a bie. A biezy sathaw hlâta nai via ta, Châhrasala zaozi phia hapa a châ.

ISAI 29:15

Ama ryhraopa Abeipa tawhta nyu awpa ta, Su a thu ngaitapa lâ a pangaipazy cha, Ama hu a po na! Zohna ry liata hmo tao ei ta, “Ahy ma miah a hmô aw? Ahy ma miah a pahno aw?” Ama tah tyh.

LUKA 12:2

A lâ lei awpa ta khupa khâpa hmah y leipa ta, pahno lei awpa ta nyupa khâpa hmah y vei.

LUKA 7:44

Chanô lâ a heih ta, Saimaw hnohta, “He chanô he na hmô ma? Nâ ta la na o liata a vaw ngia na ta, ei phei a si nawpa ti chhao na pie va chi. He chanô deikua heta a mothlih ta ei pheizy padâ ta, cha cha a sâ ta a hru.

HEBRAI 4:13

A mohmô tawhta a nyu theipa hmotaopa rai y vei. Eima thâtih eima tlôkhei nawpa mohmô liata cha, ato thluahruapa nata pahy chiehpa ta a y khai.