2 SAMUELA 11:21 - Mara Bible RV (BSI)

²¹ Zerubese sawchapawpa Abimele kha ahy ta ma a thie? Chanô ta sâh chariehna alô a chô lâtapa thokhy tawhta za pathla thlu ta, Thebe liata a thi hapa kha châ vei ma? Khazia thokhy namâ kei hnia?’ a tah khiahta cha, ‘Châ chakaotuhpa Hiti chyhsa Uria chhao kha a thi haw,’ na tah aw,” tah ta.

2 SAMUELA 11:21 ပူးပေါင်းရင်းမြစ်များ

2 SAMUELA 11:17

Khihpi chyhsazy vaw pua ei ta, Zôabâ cha a dyuh ei ta, Dâvi chakaotuhpazy hry liata chyhsa khazie tlyma thi ei ta, Hiti chyhsa Uria chhao cha thi ha hra ta.

2 SAMUELA 11:20

abei cha a hie vaw hâh sala, na hnohta, ‘Khazia khihpi cha cha tlu ta a hniapa ta namâ kei dyuh? Thokhy tawhta ama cha vaw ka aw tahpa pahno veih ei chi ma?

2 SAMUELA 11:22

Zikyurâtuhpa cha sie ta, kei tlô ta, Zôabâ ta a hnohta a tuana chhâpa zydua Dâvi chho ta.

2 SAMUELA 3:27

Abane cha Hebraw lâ â vaw lie nahta, Zôabâ ta arulâta bie chho awpa a hneipa hawhta a reih ta, thokhy chhikao lâ a chhi ta, a unawhpa Asahe thisaih viarithô nawpa ta a py liata a chô ta, thi ha ta.

2 SAMUELA 3:34

Na ku chahrypa châ leipa ta, Na phei chhao keihrai daipa châ hra vei; Moleipa hmiakô liata paopa hawhta dia, Na vaw pao thlâh haw,” Tahpa ta chaphôh tu ta. Zawpi zydua ta Abane cha chakhei heih ei ta.

HLAZY 39:8

Ei paraona zydua tawhta na pachha la, Ahrupa mohnao awpa ta na tao khah y!

ISAI 14:10

Cha zydua chata na hnohta hetana heta ama tah aw: ‘Nâ chhao keimo hawhta chiehleipa vaw châ ha chi ta, Keimo hawhpa na vaw châ ha hra he zaw!’

RYUREITUHPAZY 6:32

Cha noh tawhta Kidia cha “Zerubâlâ” tahpa ta awpa a châ. Cha cha, “Bâlâ ta Kidia cha a dyuh mawh sy,” tahna châ ta, Bâlâ maisâh a paraopa vâta, cha hawhta reipa a châ.

RYUREITUHPAZY 7:1

Zerubâlâ ama tahpa Kidia nata a hnohta a ypa zydua cha thyu patoh ei ta, Hârôdi chavah kiapâh liata a rie ei ta. Midia mo riehmo cha ama yna tawhta maw lâ Mawre tlâh kiapâh saikao liata y ta.