2 SAMUELA 11:11 - Mara Bible RV (BSI)

¹¹ Uria ta Dâvi hnohta, “Byh nata Izarei nata Zudâh zy byureih liata y ei ta, ei zibeipa Zôabâ nata ei zibeipa chakaotuhpazy chhao lyurâhpa liata a rie ei ta. Cha nota kheihta ma kei cha ei o lâ a dipa ta, niepa ta doh sah la, ei lapinô ei ziakhei thei aw? Na hrona nata na thlahpa hrona reipa ta ei reih, cha hawhpa hmo cha tao beih aw va na,” tah ta.

2 SAMUELA 11:11 ပူးပေါင်းရင်းမြစ်များ

2 SAMUELA 11:10

Dâvi hnohta, “Uria cha a o lâ a di vei,” tahpa ama chho nahta, Dâvi ta Uria hnohta, “Khitlyna lâ tawhta vaw tlô va chi ma? Khazia na o lâ nâ di vei?” tah ta.

2 SAMUELA 14:19

Abei ta, “He kyh zydua liana heta Zôabâ ku â hlao ma?” tah ta. Chanô ta a chhy ta, a hnohta, “Ei zibeipa abei y, na thlahpa hrona reipa ta ei reih, ei zibeipa abei ta a rei hapa tawhta ahy hmahta chachâh lâ tlyma, chavei lâ tlyma, tlei thei aw veih ei. Châ chakaotuhpa Zôabâ ta bie na pie ta, ano ta he bie zydua he na seichanô pakah liata eina pachypa a châ.

2 SAMUELA 20:6

Dâvi ta Abisai hnohta, “Bikhari sawchapawpa Sebâ heta Absalaw hlâta eima chô liata chhiena a tlôkhei via aw. Na zibeipa chakaotuhpazy he a chhi la, a kei chadai teh. Chataleipatala thokhy hneipa khihpizy liata a ngia hmâ aw ta, eima mohmô tawhta â râ pathlah pathlei aw na,” tah ta.

2 SAMUELA 7:2

abei ta hrohsopa Nâthâ hnohta, “Pachâ tua, keima cha sidy o liata pahrâ na ta, Khazohpa Byh deikua cha poh o liata a pahrâ thlâh haw,” tah ta.

2 SAMUELA 7:6

Izarei sawzy Izi râh tawhta ei kaw chhi papua noh tawhta tanoh taihta o liata pahrâ mâh va na, poh o liata nata achhyna byureih liata ei pasiepasâ lymâ.

MALUHREINA 32:6

Mawsi ta Kâdâ pathlazy nata Rubena pathlazy hnohta, “He liata nâmo a tyuh aw ei chi ta ma, nama unawhzy adyuhna lâ ama sie aw?

ZAWHÂNA 13:14

Kei, nama Beipa nata Pachutuhpa ta nama phei ei pasi khiahta cha, nâmo chhao nama phei namâ pasipa raihrie awpa a châ.

2 TIMAWTHY 2:12

Pasa eima tao khiahta cha, A hnohta ryu eima reih hra aw; Ano eimâ paphasai khiahta cha, Ano chhao ta miah â paphasai hra aw;

1 SAMUELA 1:26

Hânâ ta, “Hy ei zibeipa! Na hrona reipa ta ei reih. Ei zibeipa y, kei he he su liata na mohmô liata a duah na ta, Abeipa lâta thlah a chhâpa chanô kha ei châ.

1 SAMUELA 14:18

Sawla ta Ahiza hnohta, “Khazohpa Byh kha he lâ vaw cheih teh u,” tah ta. Cha daihti liata cha, Khazohpa Byh Izarei sawzy hnohta a y daihti châ ta.

1 SAMUELA 17:55

Dâvi ta Philistinâ chyhsa a thyuhnaopa Sawla ta a hmô nah khata, pheisaih hyutuhpa Abane hnohta, “Abane, hao satliapa hao ahy saw maw?” tah ta. Abane ta, “Na hrona reipa ta ei reih, Hy abei y, pahno cheita va na,” tah ta.

1 SAMUELA 20:3

Dâvi ta bie a taih heih ta, Zawnathâ hnohta, “Eina ngiachhiezie chi he na paw ta pahnopasia ta, chavâta, ‘He hmo he la Zawnathâ ta pahno khah sy, chataleipatala a pachâ a rôh kaw aw na,’ a tahpa vâta a châ aw. Abeipa hrona nata nâma hrona reipa ta ei reih, hmeiseihta ta la, keima nata thina likawh he keih kha deita â hla bâ,” tah ta.

1 SAMUELA 25:26

Chavâta ei zibeipa y, tahmâ Abeipa hrona nata nâma hrona reipa ta ei reih. Abeipa ta thisaih palo awpa tawhta nata na chariahpazy chô liata nâma ku ta phuh la awpa tawhta cha pakhâ ha ta, chavâta na chariahpazy nata na chô liata hmo pha leipa tao a chhuahpazy cha Nâbâ hawhta châ mawh ei sy.

1 SAMUELA 4:4

Silô lâ cha chyhsa tuah ei ta, cherubizy likawh beidyuchhai liata patyupa Pheisaihzy Abeipa Biehrai Byh cha kei palasa ei ta. Eli sawchapawpa pano, Hôphani nata Phinehâ zy cha Khazohpa Biehrai Byh hnohta sie hra ei ta.