2 SAMUELA 11:1 - Mara Bible RV (BSI)

¹ Beizy hrâ ama sie tyhna châhvâ daihti liata, Dâvi ta Zôabâ cha, a chakaotuhpazy nata Izarei pheisaih zydua chhaota hrâsie awpa ta tuah ta. Amawna mo cha chho ei ta, ama khihpi Râbâ cha dôh ei ta. Dâvi deikua cha Zerusale liata y thlâh ha ta.

2 SAMUELA 11:1 ပူးပေါင်းရင်းမြစ်များ

2 SAMUELA 10:14

Aramia mo amâ râpai hapa Amawna mo ta ama hmô nahta, âmo chhao cha Abisai hmiakô liata a râpai ei ta, khihpi liata amâ ngia haw. Chatawhcha Zôabâ cha Amawna mo adyuhna tawhta a lie ta, Zerusale lâ sie ha ta.

1 ABEIZY 20:22

Hrohsopa ta Izarei bei cha a kei hnia ta, a hnohta, “Na tha a patlô rili la, na taozie awpa pachâ mah y. Hâhkô châhvâ a vaw chhi tita, Aramia bei he a cha za siehnao heih aw,” tah ta.

1 ABEIZY 20:26

A kô heihpa châhvâ daihti liata, Benhadâ cha Aramia pheisaihzy pakhy ta, Izarei a dyuh awpa ta Aphe khih lâ khy ta.

1 THÂTIHZYRONA 20:1

Beizy hrâ ama sie tyhna châhvâ daihti liata, Zôabâ cha pheisaih hluhpi a chhipa ta hrâsiena lâ pua ta. Amawna râh parao ta, sie ta Râbâ khihpi dôh ta. Dâvi deikua cha Zerusale liata y ta. Zôabâ ta Râbâ khihpi cha a dyuh ta, pahnie ta.

2 THÂTIHZYRONA 36:10

Châhvâ daihti liata, Bei Nebukaneza ta Zerusale lâ chyhsa tuah ta, Abeipa o liata hmobaoh sôhpazy chhaota Bei Zehôkhi cha Babylaw lâ ama siekhei haw. Nebukaneza ta Zehôkhi unawhpa Zedekia cha Zudâh nata Zerusale bei ta a tao.

HLAZY 60:9

Ahy ma thokhy khihpi lâ nâ chhi aw? Ahy ma Edômâ lâ nâ chhihtha aw?

BIECHHOTUHPA 3:8

Kyhpachâ daihti y ta, a hao daihti a y; A dyuh daihti y ta, a dyh daihti a y.

ZEREMIAH 49:2

Chavâta moh teh u, Amawna mo yna Râbâ khihpi a dyuh awpa ta, Apahôpahâna pyu thei awpa ta Ri tao nawpa nohzy a vaw tlô hai,” Abeipa ta a tah. “Râbâ khihpi cha, Raona apathluna khihpi châ aw ta; A khichapeihzy chhao, Mei ta raopa a châ aw; Ano a photuhpazy cha, Izarei ta a pho aw ei,” Abeipa ta a tah.

ZEREMIAH 49:3

“Hy Hesbaw, sâh teh, Ai khihpi paraopa ta a y ha hih! Râbâ sawchanôzy saih u, cha teh u! Mikô cha seichâna lâ a sie aw, A theihthaipazy nata a beimachâzy chhaota. Chavâta latho poh a bupa ta chaphôh tu u la, Thokhyzy chhôh liata a râhreih teh u!

EZEKIA 21:20

Amawna mo khihpi Râbâ lâ zaozi vaw tlô nawpa lâpi pahnona tao la, Zudâh râh Zerusale thokhy khihpi lâpi pahnona chhao tao mah y.

AMÔSÂ 1:14

Chavâta Râbâ thokhy chô liata mei patih aw na ta, Adyuhna noh ta awhsâhpa pyu hry liata, Khisô nata thlihpipa hry liata, Abei ozy a kâ khai aw.

ZEKARIA 14:3

Cha khai tawhta Abeipa cha vaw pua aw ta, adyuhna noh liata â dyuh tyhpa hawhta, phopizy cha â dyuh aw ei.

RYHPACHANEINA 3:11

Bâsanâ bei Ôkâ deita cha Rephai chi a y chhôhpa châ ta, a rakhô cha thua rakhô châ ta, a doh lâ dy chaki seih ta, a hâ lâ dy palih a kawh. Cha cha tahmâ taihta Amawna pathlazy khihpi Râbâ liata a y thlâh ha.

1 SAMUELA 18:30

Philistinâ pheisaih hyutuhpazy ta a dyuh awpa ta vaw pua tyh ei ta, ama vaw puana maihta Dâvi cha Sawla chakaotuhpa zydua hlâta a hlaotloh via lymâ ta, chavâta a moh pathâh ngaita ta.