2 SAMUELA 10:6 - Mara Bible RV (BSI)

⁶ Amawna mo cha Dâvi hmia liata ama roh a chhie haw tahpa ama pahno nahta, Amawna mo ta Berô nata Zôbâ liata Aramia alei pheisaih 20,000 bieta ei ta, Mâkâ bei lâta 1,000 nata Tôbâ mo lâta 12,000 bieta hra ei ta.

2 SAMUELA 10:6 ပူးပေါင်းရင်းမြစ်များ

ÂTHAONA 34:30

Zakaw ta Simeôna nata Livai hnohta, “Nâmo vâta rairuna ei tyh ha hih. Râh liata a pahrâpa, Kâna mo nata Perizi mo hmia liata ei roh nama pachhie haw. Kei cha chyhsa chyhta dei ei hnei hih. A awpakhy ei sala, einâ dyuh khiah ei ta cha, kei nata ei o liata a ypa zydua pahleipadiapa eima châ aw,” tah ta.

2 SAMUELA 10:5

Cha kyh cha Dâvi chho ei ta, a chyhsa tuapazy ama no a za ngaitapa vâta, Dâvi cha âmo dy awpa ta chyhsa tuah ta. Abei ta, “Nama kâhhmi a seih hlâlei cha Zerikô liata vaw y chy u la, cha khai tawhta a vy lah vâ ei chi,” tah ta.

2 SAMUELA 10:7

Cha thâtih cha Dâvi ta a thei nahta, Zôabâ nata pheisaih riahphapa zydua tuah ta.

2 SAMUELA 16:21

Ahitôphe ta Absalaw hnohta, “Na paw ta o hâ awpa ta a sopa a nôthozy lâ a kei ngia teh, chatanachata Izarei zydua ta na paw châta roh chhiepa ta nâ tao haw tahpa vaw pahno aw ei ta, na chhâh a châpa zydua ku thapatlôpa ta a y aw,” tah ta.

2 SAMUELA 23:34

Mâkâ chyhsa Ahâsabai sawchapawpa Eliphele, Kilô chyhsa Ahitôphe sawchapawpa Eliami,

2 SAMUELA 8:12

Cha hraona sôhzy cha Aramia tawhta zy, Môabâ tawhta zy, Amawna mo tawhta zy, Philistinâ mo tawhta zy, Amale tawhta nata Rehô sawchapawpa Zôbâ bei Hadâdeze tawhta ama lapazy a châ.

2 SAMUELA 8:3

Dâvi cha Ufrâti chavah liata a biehneina padua awpa ta a siena liata, Rehô sawchapawpa Zôbâ bei Hadâdeze chhao pahnie ta.

2 SAMUELA 8:5

Dâmaskâ liata Aramia mo ta Zôbâ bei Hadâdeze pachha awpa ta a vy ei ta, Dâvi ta Aramia pheisaih 22,000 thie ta.

1 ABEIZY 11:24

Ano he Dâvi ta Zôbabi mo a pahnie tawhta, ano lâta chyhsazy awpakhy ta, hraotuhpa py hyutuhpa ta a ypa kha a châ. Dâmaskâ khihpi lâ sie ei ta, cha liata pahrâ ei ta, Dâmaskâ khihpi liata ano cha bei ta ama tao.

2 ABEIZY 7:6

Abeipa ta Aramia pheisaihzy cha talailih pyuzy, arâ pyuzy, pheisaih hluhpi pyuzy patheisa ta, chavâta âmo nata âmo a chho ei ta, “Pachâ teh u, keimo miah siehnao awpa ta, Izarei bei ta Hiti beizy nata Izi beizy a hrua ha ei hih,” tah ei ta.

HLAZY 48:4

Moh teh u, beizy a awpakhy ei ta, Hmaohkha ta ama vaw sie.

PUASAINA 5:21

ama hnohta, “Abeipa ta cha moh ei sala, cha pachia mawh ei sy. Phiraoh nata a chakaotuhpazy mohmô liata roh chhiepa ta miah tao ei chi ta, miah thie awpa ta ama ku liata zaozi nama chabasa ha hih,” tah ei ta.

BIESOZY 25:8

Ryureina liata chyhsa leih awpa a para khah y, A chhâna lâta na vaih ta maoh cha paphyuh aw ta, Tao awpa pahno leipa ta na y pathlei aw na.

ZEREMIAH 40:8

Nethaniah sawchapawpa Ismela, Kariah sawchapawpa Zôhanâ nata Zawnathâ, Tâhume sawchapawpa Seriah, Netôpha khihpa Ephai sawchapawzy nata Mâkâ khihpa sawchapawpa Zezaniah nata ama sahlaozy ta Mizpâ liata a ypa Kedaliah cha a kei hmô ei ta.

ZEREMIAH 46:21

Ama rao nawpa noh ama chô liata vaw tlô ha ta, Âmo hrie nawpa daihti a vaw tlô haw; Chavâta ama hry liata hlao hneipa pheisaihzy chhao, Viahchao dawpa pathawhpa hawh dei châ ei ta; Chariah hnôhchhypa ta, Â raohpa ta amâ râ khai haw; A duah thei veih ei.

RYHPACHANEINA 3:14

Manase pathla Zairâ ta Akaw râh zydua cha, Kesuri mo nata Mâkathai mo râhri taihta la ta, ano moh pachyuhpa ta Havôzairâ bi ta, chavâta Bâsanâ cha tanoh taihta Havôzairâ tahpa ta pahnopa a châ.

RYUREITUHPAZY 11:3

Chatanachata Zephathâ cha a unawhzy tawhta a râ ta, Tôbâ râh liata pahrâ ta, chyhsa pha leipazy a hnohta a vy ei ta, Zephathâ cha pazi ei ta.

RYUREITUHPAZY 11:5

Amawna mo ta Izarei amâ vaw dyuh nahta, Kilia machâzy cha Tôbâ râ tawhta Zephathâ a vaw chhi awpa ta sie ei ta.

RYUREITUHPAZY 18:28

Laisâh khih he Sidaw tawhta â hla kawpa vâta nata a pazaopa rai ama hnei leipa vâta, a pachha awpa y veih ei. He khih he Berehô saikao liata a ypa a châ. Khihpi cha paduapathi ei ta, cha liata pahrâ ei ta.

1 SAMUELA 13:4

Sawla ta Philistinâ pheisaih su a dyuh ta a pahniepa thâtih nata Izarei cha anosasyh ta Philistinâ mo khakhaipa ta â tao haw tahpa thâtihzy Izarei zydua ta thei ei ta. Izarei phopi cha Sawla hnohta Kilkal liata a hmaohpakhy ei ta.

1 SAMUELA 27:12

Akisâ ta Dâvi cha ngâ kaw ta, “A chiheih Izarei sawzy ta amâ hao awpa ta anosasyh ta â tao ha hih. Chavâta nâ chakaotuhpa ta chhâzaw ta a y bâ aw,” tahpa ta pachâ ta.