2 SAMUELA 10:18 - Mara Bible RV (BSI)

¹⁸ Aramia mo cha Izarei sawzy hmiakô liata a râpai ha ei ta, Dâvi ta talailih a haohpa Aramia pheisaih 700 nata arâ pheisaih 40,000 thie ta, ama pheisaih hyutuhpa Sôbâ chhao chhawh ta, cha liata thi ha ta.

2 SAMUELA 10:18 ပူးပေါင်းရင်းမြစ်များ

2 SAMUELA 10:17

Cha thâtih cha Dâvi chho ei ta, Izarei pheisaih zydua awpakhy ta, Zawdâh chaka ei ta, Helâmi pangaipa ta sie ei ta. Aramia mo cha Dâvi a dua khâhpa ta a vaw paziah ei ta, Dâvi cha a dyuh ei ta.

2 SAMUELA 8:4

Dâvi ta arâ pheisaih 1,700 nata alei pheisaih 20,000 patu ta. Dâvi ta talailih a daophipa arâ zydua cha ama chazaw chhawh ta, talailih 100 a daophi awpa rakha pahlôh ta.

1 ABEIZY 11:24

Ano he Dâvi ta Zôbabi mo a pahnie tawhta, ano lâta chyhsazy awpakhy ta, hraotuhpa py hyutuhpa ta a ypa kha a châ. Dâmaskâ khihpi lâ sie ei ta, cha liata pahrâ ei ta, Dâmaskâ khihpi liata ano cha bei ta ama tao.

1 THÂTIHZYRONA 19:18

Aramia mo cha Izarei sawzy hmiakô liata a râpai ha ei ta. Dâvi ta Aramia mo arâ pheisaih 7,000 nata alei pheisaih 40,000 zy thie ta, pheisaih hyutuhpa Sopha chhao a thie haw.

HLAZY 18:38

Chhawh pathlah ei na ta, Thyu thei khao veih ei, Ei phei ry liata ama pao haw.

HLAZY 46:11

Pheisaihzy Abeipa eima hnohta y ta, Zakaw Khazohpa cha eimâ bohna thokhy a châ. Selah

HLAZY 68:2

Meikhuh phaoh pathlahpa ta a ypa hawhta, Âmo cha papua aw chi ta; Mei liata kheilôh a zaopa hawhta, Moleipazy cha Khazohpa hmia­kô liata ama leidia aw.

RYUREITUHPAZY 4:2

Chavâta Abeipa ta âmo cha Hâzaw liata ryu a reihpa Kâna bei Zabi hnohta a zuah ha ei. Zabi pheisaihzy hyutuhpa cha Hârôse Hâkôi liata a pahrâpa Siserâ a châ.

RYUREITUHPAZY 4:22

Bâraka ta Siserâ cha a vaw chadai ta. Zaeli cha ano dy awpa ta vaw pua ta, a hnohta, “A vy teh, na chyhsa tluapa ei cha pahmô aw,” tah ta. A hnohta vawh ta, Siserâ cha a siali liata poh o khaipâna achalohna chôta thiruapa ta â vaw zawh thlâh hapa hmô ta.

RYUREITUHPAZY 5:26

A ku râkha lâta poh o khaipâna pazapa ta, A chachâh lâta raihriatuhpa syulô chaba ta, Siserâ cha khai ta, A luh pakei ta, A siali liata a khaipahlie haw.