2 SAMUELA 1:23 - Mara Bible RV (BSI)

²³ “Sawla nata Zawnathâ kha, Kho a chhih ei ta amâ ngia ngaita dia! Hro chhôh ta a kao ei ta, Thina liata chhao a chhaih veih ei; Pahmôhpi hlâta chatlie via ei ta, Chakeibarôhneipa hlâta ama tha a tlô via.

2 SAMUELA 1:23 ပူးပေါင်းရင်းမြစ်များ

2 SAMUELA 1:24

“Hy Izarei zuahzy saih u, Sawla chakhei teh u; Ano ta poh saih ngiapazy cha pabu ei ta, Nama chysiazy ngôh ta a tobi.

2 SAMUELA 2:18

Cha liata Zeru sawchapawpa pathôh, Zôabâ, Abisai nata Asahe zy y ei ta. Asahe cha sakhih tlu ta phei chatliepa a châ.

2 SAMUELA 23:20

Zehôdâ sawchapawpa Benai cha Kâbaze chyhsa riahphapa châ ta, hmo rônahpazy a taotuhpa a châ. Môabâ chyhsa riahphapa pano thie ta, dâhaw tla daihti liata zu ta, khaohtlô liata chakeibarôhneipa a thiepa a châ.

1 THÂTIHZYRONA 12:8

Kâdâ chi liata pasaipha thatlôpa nata chariah a dyuh thaipazy ta râhchawhpa thokhy liata a ypa Dâvi lâ amâ kei bai hra. Âmo cha vyhphao nata asei a hmâh thaipa châ ei ta, chakeibarôhneipa hmia phaoh ei ta, tlâh sakhihzy hawhta a chatliepa ama châ.

ZAWBÂ 9:26

Lohthi balyh hawhta chatlie ei ta, Pahmôh ta a la awpa â pathlô thlupa hawhta ama chatlie.

BIESOZY 30:30

Chakeibarôhneipa cha râhsazy hry liata thatlô chaipa châ ta, Khâpa ta hmahta pasysa thei vei.

HLAZY HLA 5:16

Ano cha a reikah a thlôh chaipa châ ta, Kho a pao chaipa a châ. Hy Zerusale zuahzy saih u, Ei lôhdupaw cha ano cha châ ta, Ei viasapa cha ano cha na a châ.

ZEREMIAH 4:13

“Moh tua, meihdozy hawhta â khy huh; A talailihzy khisô lyu ta, A arâzy pahmôhpi hlâta ama chatlie via. Paraopa ta eima y ha hih, Eima hu a po kaw dia!

CHAPHÔHTUNA 4:19

Miah a chadaituhpazy cha Avâ pahmôhpizy hlâta ama chatlie via; Tlâhpizy liata miah a chadai ei ta, Râhchawhpazy liata miah amâ byh.

RYHPACHANEINA 28:49

“Abeipa ta nâmo châ dyuh awpa ta, khizaw chhâna lâhlapi tawhta phopi miakha pahmôhpi a pathlôpa hawhta vaw tuah aw ta, cha phopi cha a reih nama thei leipa,

RYUREITUHPAZY 14:18

A noh sarina noh, noh a tla hlâta, cha khih chyhsazy ta Sâsawna hnohta, “Kheihti hlâta khâpa ma a thlôh via? Chakeibarôhneipa hlâta khâpa ma a thatlô via?” tah ei ta. Sâsawna ta ama hnohta, “Ei viahchao zeinô heta lei palie vei mawh ei chi sala cha, Ei phôh zuapa pahno tiarâh aw veih ei chi,” tah ta.

1 SAMUELA 18:1

Dâvi ta Sawla hnohta bie a rei khaipa nahta, Zawnathâ hro cha Dâvi hro nata phie a zao ha ta. Zawnathâ ta ano hrona kyh â pachâpa tlu ta Dâvi cha a kyh pachâ ta.

1 SAMUELA 20:2

Zawnathâ ta a hnohta, “Châ bao vâ! Thi cheita aw va chi. Moh teh, ei paw heta keima na pahnosa ha tua leipa ta khâpa hmahta, a laipa tlyma, a chyhpa tlyma, tao beih vei. Khazia ei paw ta he hmo he eina phih aw? Na phi cheita aw vei,” tah ta.