2 SAMUELA 1:19 - Mara Bible RV (BSI)

¹⁹ “Hy Izarei, na rônahna cha, Na su sâhpazy liata a thi haw! Kheihtazieta ma pasaiphazy ama pao thlâh ha tly!

2 SAMUELA 1:19 ပူးပေါင်းရင်းမြစ်များ

2 SAMUELA 1:23

“Sawla nata Zawnathâ kha, Kho a chhih ei ta amâ ngia ngaita dia! Hro chhôh ta a kao ei ta, Thina liata chhao a chhaih veih ei; Pahmôhpi hlâta chatlie via ei ta, Chakeibarôhneipa hlâta ama tha a tlô via.

2 SAMUELA 1:25

“Kheihtazieta ma a dyuh lichih ta Pasaiphazy ama pao thlâh ha tly! Zawnathâ cha na su sâhpazy liata Athipa ta â zia hih!

2 SAMUELA 1:27

“Kheihtazieta ma pasaiphazy pao ei ta, Chariah chhaichhizy a leidia thlâh ha tly!”

ISAI 4:2

Cha noh liata, Abeipa chiah cha a ngia ngaitapa ta rônah ngaita aw ta, râh theizy cha Izarei laibâhpazy châta amâ palaikheipa nata ama rônahna a châ aw.

ISAI 53:2

Ano cha tho daw hawhta Abeipa hmiakô liata laiseih ta, Alei hipa liata tho thari hawhta a laiseih. Mo khoh kaw awpa pizie phana hnei leipa ta, Chhithaina hnei vei; Eima tlaichhai kaw awpa Angiana hnei hra vei.

CHAPHÔHTUNA 2:1

Abeipa ta a pathiiana ta Zaio sawchanô cha meihdo ta a khu ha he zaw! Izarei chhithaina chhao, Avâ tawhta alei lâ a za thy ha hih; A hiehâhna noh liata la, A pheitlyna chhao a thei khao vei.

CHAPHÔHTUNA 5:16

Eima luh tawhta lakho tla ha ta, Molei ha pi ta, eima hu a po kaw dia!

ZEKARIA 11:10

Chatawhcha ei chôchahrei Khokhei cha la na ta, phopi zydua hnohta biehrai ei taopa ei phiena châta bo no ta thlie pachhô na ta.

ZEKARIA 11:7

Chavâta thie awpa ta raopa sahroh zaw cha pasa ei na ta, sahroh tlâhleipazy cha ei mohôh pachai ei. Chatawhcha chôchahrei miano la na ta, miakhapa cha a moh “Khokhei” bi na ta, ahropa cha “Pôhkha” ei bi. Cha hawhna chata sahroh zaw cha ei mohôh ei.

1 SAMUELA 31:8

A mylâ ta Philistinâ mo cha ama chariah thiepazy chysia pahluh awpa ta vawh ei ta. Sawla nata a sawchapawpa pathôhzy cha athipa ta Kibô Tlâh liata kei hmô ei ta.