2 SAMUELA 1:1 - Mara Bible RV (BSI)

¹ Sawla a thi tawhta, Dâvi cha Amale mo a dyuh ta. Adyuhna lâ tawhta â vaw lie nahta, Zikalâ liata noh no a pahâ ta.

2 SAMUELA 1:1 ပူးပေါင်းရင်းမြစ်များ

ÂTHAONA 14:7

Chatawhcha kua ei ta, Emipâ tlô ei ta, Amale râh zydua nata Hâzazôtamâ liata a pahrâpa Amawri mo zydua chhao ama pahnie khai haw. Emipâ cha Kâdesâ a châ.

1 SAMUELA 27:6

Cha noh ta, Akisâ ta Dâvi cha Zikalâ khih pie ta. Chavâta Zikalâ cha tanoh taihta Zudâh beizy eih a châ pâ haw.

1 SAMUELA 30:1

A noh thôhna noh liata Dâvi nata a chyhsazy cha Zikalâ tlô ei ta. Amale mo ta Neke nata Zikalâ khihpi chho ei ta. Zikalâ cha pahnie ei ta, mei ta rao ha ei ta.

1 SAMUELA 31:4

Sawla ta a chariah chhaichhi a chabatuhpa hnohta, “Na zaozi kha phia la, nâ vaw chôsao teh, chataleipatala chopawtaileipa sahlaozy a vy aw ei ta, nâ vaw chôsao aw ei ta, einâ palai thlu pathlei aw ei na,” tah ta. Châhrasala a chariah chhaichhi chabatuhpa cha a chi ngaitapa vâta tao kho leipa ta. Sawla ta ano zaozi la ta, pao thlu ta.

1 SAMUELA 31:6

Chatanachata Sawla, a sawchapawpa pathôh, a chariah chhaichhi a chabatuhpa nata a chyhsa zydua cha, noh kha chhôh ta ama thi khai haw.