2 PITY 3:7 - Mara Bible RV (BSI)

⁷ Châhrasala cha bie lilaw chata tahmâno ta avâ nata alei a ypazy he mei châta pachô ta, Khazohpa a uasa leipazy pachiana nata leidiana noh a tlô hlâlei â pakhei chy ei.

2 PITY 3:7 ပူးပေါင်းရင်းမြစ်များ

HLAZY 102:26

Chazy cha leidia aw ei ta, Chysia hawhta ama chy khai aw; Poh hawhta ri aw chi ta, Thypa ama châ aw; Nâ deikua cha na y thlâh ha aw.

HLAZY 50:3

Eima Khazohpa a vy ta, A thlih thlâh ha vei; A hmiakô liata mei thata kâ ta, A chheipâh liata thlihpi thata a pathli.

ISAI 51:6

Chô lâ avâzy khi sai u la, Ry lâta alei he moh tua u. Avâzy khi meikhuh hawhta pai aw ei ta, Alei he chysia hawhta paroh aw ta, A chhôh liata a pahrâpazy mathyupa hawhta ama thi aw. Ei pachhana deikua cha tlyzaw ta y aw ta, Ei siana chhao tleih beih aw vei.

ISAI 66:15

“Moh teh u, a pathiiana lei thlupa ta, Meipaleih ta chhorei awpa ta, Abeipa cha mei chhaota vaw tlô aw ta, A talailihzy cha khisô hawhta a châ aw.

DÂNIAH 7:9

“Ei moh thlâh ha nota, Beidyuchhaizy vaw patyu ei ta, Hlôthlâhpa cha a dyuchhai liata a vaw tyuh ta; A chysia dâhaw hawhta ngyuh ta, A luh sâ chhao sahmi naipa hawhta a châ. A beidyuchhai cha meipaleih châ ta, A tiakizy chhao mei kâ ngâpa a châ.

ZEPHANIA 3:8

Chavâta pachia awpa ta Ei duah nawpa noh vaw hâ teh u,” Abeipa ta a tah. “Phopizy pahmaoh aw na ta, Khinarâhzy ei awpakhy aw; Ei hiehâhna lei thlu aw ei na ta, Ei pathi sah ngaitapa ei lei thlu aw ei; Biechhâna ei tao haw. Ei hiatliana mei ta Khizaw zydua a kâ khai aw.”

MALAKHAI 4:1

“Moh teh u, noh cha a vaw tlô hai; patina mei hawhta a kâ aw. Apalaipazy nata moleina a taopazy cha sawphao châ aw ei ta, cha noh a vaw tlô haipa chata kâ aw ei ta, buchâh lâta a palie ha aw ei; a thari nata a chiah miakha dâhdei chhao pahlôhpa châ aw vei,” Pheisaihzy Abeipa ta a tah.

MATHAI 10:15

Hmeiseihta ta ei cha chho ei, ryureina noh liata, cha khih hlâta Sawdawmâ nata Kawmawrâ pasa taopa a zie a y via aw.

MATHAI 11:22

Châhrasala ei cha chho ei, ryureina noh liata la nâmo pasa taopa hlâta Tyre nata Sidaw pasa tao awpa a zie a y via aw.

MATHAI 11:24

Châhrasala ei cha chho ei, ryureina noh liata la, nâma pasa taopa hlâta Sawdawmâ râh pasa taopa a zie a y via aw,” tah ta.

MATHAI 12:36

Ei cha chho ei, chyhsazy ta bie pha leipa ama reipa maih cha, ryureina noh liata amâ reipasia awpa a châ.

MATHAI 24:35

Lei nata vâ a lei aw, ei biezy deikua lei aw vei.

MATHAI 25:41

“Cha khai tawhta a chavei lâta a ypazy hnohta, ‘Chhiesapa ta a ypa saih u, ahripa nata a lyuhchâpazy châta a chhuahdypa chhâzaw mei lâ na siesai teh u.

MÂKA 6:11

Châ ly leipa nata nama bie a nathlie khoh leipa khihzy cha, nama puasai tita, ama thaileichâna pahnosana châta nama phei liata buchadoh chatho thlu teh u,” tah ta.

ZAWHÂNA 12:48

Ahy rai nâ khoh leipa nata ei bie a zyh leipa cha, pachiatuhpa pakha a hnei. Ei bie reipa, kha bie tlai khata, noh chhâna noh liata ano cha a pachia aw.

RAWMA 2:5

Na palôh kuhchhana nata ro khoh leina vâta, hiehâhna noh, Khazohpa pachiana siapa â vaw luahna noh châta, nâmasasyh ta hiehâhna nâ pachôpakhy.

1 KAWRINI 3:13

mei ta pasia aw ta, Noh ta a palâhâh awpa vâta, o sapazy cha ama châna dopa â vaw lâ chyu aw. Kheihta ma ama hria tahpa mei ta a pasia aw.

PHILIPI 1:28

Khâpa kyh liata hmah châ dyuhtuhpazy chi veih ei chi tahpa chhao ei vaw pahno aw. Cha cha pahleipadia awpa ama châpa ngiana châ ta, nâmo châta deikua cha, pachha awpa nama châpa ngiana a châ. Cha pachhana cha Khazohpa tawhta a châ.

2 THYSALAWNIKA 2:3

Ahy hmahta kheihawhta hmah cha dôvei khah ei sy. Paosaina a vaw tlô ha tua leipa nata ryhpa paraotuhpa leidia sawchapawpa â vaw luah tua leipa ta cha, cha Noh cha vaw tlô aw vei.

1 TIMAWTHY 6:9

Hneirôh a chhuahpazy ta reipasaona liata a ngia ei ta, khoheih liata amâ ao tyh. Âmo a parao thei awpa hmozy khoh ei ta, hru kawpa ta hmo taopa ta, ama pao tyh. Hneirôh khona ta chyhsazy cha raona nata leidiana liata a pamôh tyh ei.

HEBRAI 12:29

eima Khazohpa he a kâ patlô theipa mei châ tlôh ta.

2 PITY 2:9

Cha hawhna chata Abeipa ta ano a pachâtuhpazy cha reipasaona tawhta a pachha nawpazie pahno ta, sialeipazy cha pachiana noh a tlô hlâlei hriena ry liata soh chy nawpazie chhao a pahno.

2 PITY 3:10

Abeipa Noh cha parutuhpa hawhta vaw tlô aw ta, cha noh liata avâzy cha thata arôhna chôta leidia aw ei ta, avâ liata hmo a ypazy cha mei ta pakâpa ta pahleipadiapa châ aw ta, alei nata a chhôh liata a ypa zydua chhao a leidia khai aw.

2 PITY 3:12

Cha hawhta yna chôta Khazohpa Noh cha hâ aw ei chi ta, a vaw tlô nawpa daihti nama chatliesa aw. Cha Noh a vaw tlôpa chata avâzy khi kâpa ta pahleipadia aw ta, avâ liata a ypazy cha mei ta a pazao khai aw.

1 ZAWHÂNA 4:17

Cha hawhna chata kyhpachâna cha keimo liata pakipa ta y ta, he khizaw liata ano lyupa ta eima ypa vâta, ryureina noh châta thlalôhna eima hnei thei haw.

ZUDÂH 1:7

Sawdawmâ nata Kawmawrâ nata ama chheipâh khihpizy chhao kha, apatlana moleinazy thata tao ei ta, chanô chapaw châna hmâzie tyhpa a châ leipa, chapaw nata chapaw apatlanazy taihta ama taopa vâta, chhâzaw mei ta hriepa châ ei ta, pakhona châta hmâpa ama vaw châ haw.

BIEPHUAH 17:11

Sahrâhpa vaw y ta, a y khao leipa kha a pachariena châ ta, châhrasala pasarizy hry liata a hlao hrapa a châ. Leidiana lâ a sie aw.

BIEPHUAH 17:8

Sahrâhpa na hmôpa kha vaw y ta, y khao heih leipa ta, aleichiepa khaohtlô tawhta kaw pua aw ta, leidiana lâ a sie aw. Chatawhcha lei liata a pahrâpazy, leilô tao tua no tawhta hrona châbu liata moh ro leipazy ta, y ha ta, a y khao heih leipa, a vy heih awpa sahrâhpa cha ama hmô tita, noâh ama tah ngaita aw.

BIEPHUAH 20:11

Chatawhcha beidyuchhai diehpa rônahpa nata a chô liata a tyuhpa hmô na ta. A hmiakô tawhta alei nata avâ a râ ei ta, âmo châta su rai y khao vei.

BIEPHUAH 21:1

Chatawhcha avâ thiehpa nata alei thiehpa hmô na ta. Avâ hmiatuapa nata alei hmiatuapa cha lei ha ta, tilaipi chhao y khao vei.