2 PITY 3:16 - Mara Bible RV (BSI)

¹⁶ A châpaphaopa zydua liata, cha biezy cha reih ta, cha hawhta a roh tyh. A bie ropazy liata thokha cha pahno ru ngaitapazy châ ei ta, chazy cha chyhsa so leipa nata a i leipazy ta, Biehrai bie hropazy ama chhopasiazie hawhta, pako pakâ ei ta, âmosasyh ta amâ pahleipadia tyh.

2 PITY 3:16 ပူးပေါင်းရင်းမြစ်များ

ÂTHAONA 49:4

Châhrasala ti hawhta a i leipa na châ; Na paw rakhô kiah chi ta, Na papuapaleipa vâta, Chônôchaina to khao aw va chi. Ei rakhô a kiapa kha!

1 ABEIZY 10:1

Abeipa moh châta a hmotaopazy kyh liata Sawlawmaw moh pathâhnazie zy Sebâ beinô ta a thei nahta, bie khiakhi ngaitapazy ta pasia a chhuahpa ta ano lâ khy ta.

HLAZY 56:5

Noh y ta ei biezy pachiahpaliahsa ei ta, Ama pachâna zydua cha ei chhie nawpa sai a châ.

PUASAINA 23:2

Hmo moleipa taona liata zawpi na zi awpa châ leipa ta, biepeipa pachiana liata bie pahnotuhpa ta nâ dua tita, ryureina dopa tleisai awpa ta zawpi na zi awpa châ vei.

PUASAINA 23:6

“Dyhchhiepa cha a biepeipa pachiana liata â dona na chhu awpa châ vei.

ZEREMIAH 23:36

Chyhsa to châta âmo bie cha âmo phaohri châ ta, Khazohpa hrohpa, Pheisaihzy Abeipa eima Khazohpa biezy anoleipa lâta nama hmâpa vâta, ‘Abeipa phaohri,’ tahpa deikua reih khao aw veih ei chi.

HABAKU 1:4

Chavâta ryhpa ta yzie hnei khao leipa ta, Pachiana dopa y khao hra vei. Moleipazy ta mosiapazy dôh ei ta, Pachiana doleipa a pua tyh.

MATHAI 15:3

Zisu ta a chhy ta, ama hnohta, “Khazia nâmo chhao ta nama taozietyhpa a tlychakapa ta Khazohpa biepiepa nama parao?

MATHAI 15:6

a tahpa maih cha, hmopiepa ta a paw tlyma, a nô tlyma, a palyupalih awpa byuh khao vei,’ nama tah tyh. Nama taozietyhpa a tlychakapa ta, Khazohpa bie cha hraoleipa ta nama tao haw.

MATHAI 22:29

Zisu ta âmo cha a chhy ta, “Biehrai nata Khazohpa hmotaotheina nama pahno leipa vâta nama pachâpasipa a châ.

RYHPACHANEINA 16:19

Adona nama charichamy awpa châ leipa ta, khokhei viapa nama hnei awpa châ vei. Panaopapana nama la awpa châ vei. Panaopapana ta asopazy mo pachao ta, mosiapazy â sia lâta bie a pareisa tyh.

PHILIPI 3:19

Cha sahlao chhâna cha leidiana châ ta, ama khazoh cha ama py châ ta, ama rônahna cha ama maophyuhna a châ. Khizaw hmozy liata palôh a sohpa ama châ.

HEBRAI 5:11

Cha kyh liata bie hluhpi rei awpa eima hnei. Nama nah a pâ hapa vâta chhopasia deikua a ru kaw.

ZÂMIE 1:8

Ano cha palôh miano a hneipa, a hmotaopa zydua liata a i leipa a châ.

1 PITY 1:1

Zisu Krista lyuhchâpa Pity ta Pawntu, Kalatia, Kâpadôkia, Asia nata Bithunia râhzy liata paipatlapa ta a ypa atlyhpa sahlao,

1 PITY 2:8

Achapiana lô vaw châ ta, Moleina lôpanô a vaw châ haw.” Bie ama zyh leipa vâta a chapia ei ta, cha hawhta y awpa ta raopa rai ama châ.

2 PITY 2:1

Chyhsazy hry liata hrohso pakheipazy ama vaw pua tyhpa hawhta, pachutuh pakheipazy chhao nama hry liata ama vaw pua aw. Âmo chatlaituhpa Abeipa tlai cha a paphasaipa ta, chyhsa a parao theipa pachuna do leipazy arulâta a vaw ngiakhei aw ei ta, âmosasyh ta ama chô liata raona thlai ama patlôsa aw.

2 PITY 2:14

Ama mokhaoh cha apheina ta bie ta, moleina hmo taona liata ama rih a bie beih leipa ama châ. Chyhsa a i leipazy sydie ei ta, karâhneina palôh phaoh ei ta, chhiesapa sawzy ama châ.

2 PITY 3:14

Chavâta kho ngaitapa saih u, cha hmozy a hâtuhpa nama châpa vâta, apuapa a bai leipa nata seina hnei leipa ta, thlalôhpa ta nama ypa a cha hmô thei nawpa ei ta, tiama papua teh u.

2 PITY 3:2

Chatanachata hrohsopa pathaihpazy biereipa nata nama lyuhchâpazy hmâpa ta Abeipa nata Pachhatuhpa biepiepa cha namâ thei thlâh ha aw.

ZUDÂH 1:4

Chyhsa thokha, kha hlâ tawhta thaileichâ awpa ta rao chiehpazy arulâta amâ vaw ngia. Cha chyhsazy cha Khazohpa a uasa leipazy châ ei ta, eima Khazohpa ngiachhiena cha parâna châta hmâh ei ta, eima Hyutuhpa nata eima Beipa hnei chhôhpa Zisu Krista a paphasaipazy ama châ.