2 PITY 3:13 - Mara Bible RV (BSI)

¹³ Châhrasala a bietaipa hawhta, keimo la mosiapazy pahrâna avâ thiehpa nata alei thiehpa a hâtuhpazy eima châ.

2 PITY 3:13 ပူးပေါင်းရင်းမြစ်များ

ISAI 60:21

Na phopi cha ama zydua ta mosiapa châ khai aw ei ta, Râh cha tlyzaw ta ama hnei aw. Palyupalihpa ta ei y thei nawpa ta, Âmo cha chhyh thao awpa ta loh ei na ta, Ei ku raihriazy ama châ.

ISAI 65:17

“Moh teh u, avâ thiehpa nata alei thiehpa tao na ta, Hmo parohpazy kha a thei thlâh hapa châ khao aw vei; Palôh liata chhao a ngia khao aw vei.

ISAI 65:25

Changie nata mietakutaw zy Hmaohkha ta ama tlaih aw; Chakeibarôhneipa cha, Viahchao tôhpa hawhta sâhkô bâ aw ta, Dohlei cha parih pati a châ aw. Ei tlâh pathaihpa liata cha, A pasasa khao leipa aw ei ta, A parao khao aw veih ei,” Abeipa ta a tah.

ISAI 66:22

“Avâ thiehpa nata alei thiehpa ei taopazy cha, Ei hmiakô liata khâ ama y thlâh ha awpa hawhta, Nama pathlazy nata nama moh chhao khâ a y thlâh ha aw,” Abeipa ta a tah.

RAWMA 8:21

Hmotaopazy tlai chhao cha thu theina sei tawhta papuapa châ aw ei ta, Khazohpa sawzy khotalaina rônahpa liata amâ ngia hra aw.

2 PITY 1:4

Chatanachata a bietai sôh ngaitapa nata rônah ngaitapazy miah pie ta, chazy zawhzi ta moleina aohraohna vâta khizaw liata paraona a ypa cha a râsaipa ta, Khazohpa nôchâ a hlytuhpazy nama vaw châ haw.

BIEPHUAH 21:1

Chatawhcha avâ thiehpa nata alei thiehpa hmô na ta. Avâ hmiatuapa nata alei hmiatuapa cha lei ha ta, tilaipi chhao y khao vei.

BIEPHUAH 21:27

Hmo puapa deikua cha kheihawhpa hmah a ngia thei aw vei. Hmo pasichhihpa a taopa nata haipa bie a reihpa ahy hmah a ngia thei hra aw veih vei. Mietakutaw hrona châbu liata moh ropazy deita ta amâ ngia thei aw.