2 PITY 3:12 - Mara Bible RV (BSI)

¹² Cha hawhta yna chôta Khazohpa Noh cha hâ aw ei chi ta, a vaw tlô nawpa daihti nama chatliesa aw. Cha Noh a vaw tlôpa chata avâzy khi kâpa ta pahleipadia aw ta, avâ liata a ypazy cha mei ta a pazao khai aw.

2 PITY 3:12 ပူးပေါင်းရင်းမြစ်များ

HLAZY 50:3

Eima Khazohpa a vy ta, A thlih thlâh ha vei; A hmiakô liata mei thata kâ ta, A chheipâh liata thlihpi thata a pathli.

ISAI 24:19

Alei cha kai ta, Alei cha zao ta, Alei cha thata â chalyu.

ISAI 34:4

Avâ liata a ypa zydua thuzao khai aw ei ta, Avâ khi châbu chatypa hawhta chatypa a châ aw; Kre zôh tawhta kre hna zôpa hawhta, Avâ liata a ypa zydua khi tla aw ei ta; Theiku kô tawhta theiku hna zôpa hawhta, Avâ liata a ypa zydua ama tla aw.

MIKÂ 1:4

Mei liata kheihlôh a zaopa hawhta, Pâdawhpa liata ti a chakhaopa hawhta, Tlâhpizy cha ano ry liata zao aw ei ta, Saikaozy ama kaichheih aw.

MATHAI 16:27

Chyhsa Sawchapawpa cha a Paw rônahna ta a vâlyuhchâpazy chhaota a zu tlôh aw ta, chyhsa to ama hmotaopa hawhta a thô aw ei.

MATHAI 16:28

Hmeiseihta ta ei cha chho ei, he liata a duahpazy hry liana heta, Chyhsa Sawchapawpa he a khinarâh liata â zupa ama hmô hlâlei cha, thina a padi lei awpa ama y,” tah ta.

PHILIPI 1:6

Nâmo liata raihria phapa a pathaotuhpa khata, Zisu Krista noh liata a pangoh aw tahpa ei ngiapâ.

TITU 2:13

eima Khazohpa rônahpa nata Pachhatuhpa Zisu Krista â vaw luahna hnabeiseihna lychhihpa hâ awpa ta miah a pachu.

2 PITY 3:10

Abeipa Noh cha parutuhpa hawhta vaw tlô aw ta, cha noh liata avâzy cha thata arôhna chôta leidia aw ei ta, avâ liata hmo a ypazy cha mei ta pakâpa ta pahleipadiapa châ aw ta, alei nata a chhôh liata a ypa zydua chhao a leidia khai aw.

2 PITY 3:11

Cha hawhta hmo to zydua pahleipadia khai awpa a châpa vâta, pathaihna nata Khazohpa pachâna hro ta a hrohpa chyhsazy nama châ awpa a byuh.

2 PITY 3:4

“Â vy heihna bietai cha khataih liata a y haw? Pathlatuhzy amâ mô tawh chhao ta, hmotaopazy tao tua nota ama yzie ualua ta hmo to zydua ama y thlâh he zaw” ama tah aw.

2 PITY 3:7

Châhrasala cha bie lilaw chata tahmâno ta avâ nata alei a ypazy he mei châta pachô ta, Khazohpa a uasa leipazy pachiana nata leidiana noh a tlô hlâlei â pakhei chy ei.

ZUDÂH 1:21

Khazohpa kyhpachâna liata a pabohsa u la, eima Beipa Zisu Krista ngiachhiena, chhâzaw hrona lâ a chhi theipa cha hâ muh vy.