2 PITY 3:11 - Mara Bible RV (BSI)

¹¹ Cha hawhta hmo to zydua pahleipadia khai awpa a châpa vâta, pathaihna nata Khazohpa pachâna hro ta a hrohpa chyhsazy nama châ awpa a byuh.

2 PITY 3:11 ပူးပေါင်းရင်းမြစ်များ

HLAZY 37:14

Dyhchhiepa nata phahlapa zy papao ta, Hrozie dopa thie awpa ta, Moleipa ta a zaozi phia ta, a libaw â kei tyh.

HLAZY 50:23

Alyna bierei atheihna hlâtuhpa ta na parônahsa ta, A yzie â dopa ta a vaotuhpa hnohta, Khazohpa pachhana ei pahmô aw.”

HLAZY 75:3

Alei nata a chô liata a ypa zydua â chalyu nota, A tôhzy a patutuhpa cha keima ei châ. Selah

ISAI 14:31

Hy thokhy chhikao y, thata cha la, Hy khihpi y, awh teh; Hy Philistinâ râh zydua saih u, Nama zydua ta chipa ta zao khai teh u! Maw lâ tawhta meikhuh za pua ta, A pheisaih hry liata hnôh a khawpa rai y veih ei.

ISAI 24:19

Alei cha kai ta, Alei cha zao ta, Alei cha thata â chalyu.

ISAI 34:4

Avâ liata a ypa zydua thuzao khai aw ei ta, Avâ khi châbu chatypa hawhta chatypa a châ aw; Kre zôh tawhta kre hna zôpa hawhta, Avâ liata a ypa zydua khi tla aw ei ta; Theiku kô tawhta theiku hna zôpa hawhta, Avâ liata a ypa zydua ama tla aw.

MATHAI 8:27

Chyhsazy cha ama noâh kaw ta, “He chyhsa he kheihawhpa chyhsa ma a châ tly, thlihzy nata tichatlaopazy taihta a rei amâ ngiahpa he,” tah ei ta.

RAWMA 13:11

Tahmâhlâ hmo yzie pahno ei chi ta, amôpa thyu â daih haw tahpa nama pahnopa vâta cha cha ei reih. Tahmâ cha eimâ ngiapâ tua no hlâta eima pachhana a hnia via ha tlôh ta.

RAWMA 13:12

Zâ he chhâ daihmâ ta, khih a deih daihmâ. Chavâta zohna hmotaopa zydua thy sih la, khaihna chhaichhi ta a tobi suh u.

2 KAWRINI 1:12

He he eimâ palaikhei: Khizaw sona ta châ leipa ta, Khazohpa ngiachhiena vâta, he khizaw liata nata nâmo liata pathaihna nata Khazohpa liata adona ta eima hro tyhpa kha, eima chhie na pha pahnona ta miah a pahnokhei.

PHILIPI 1:27

Khâpa rai châ sala, nama hro cha Krista thâtihpha nata a hmie tua mawh sy. Chatanachata nâmo ei châ vaw hmô ei tlyma, hmô vei ei tlyma, thlahpa miakha liata â ipa ta a duahpa ta, palôh miakha phaopa ta thâtihpha ngiapâna bie a châhkhei ei chi ta, nama tei lymâ tahpa ei vaw pahno aw.

PHILIPI 3:20

Keimo khihsana deikua cha vârâh liata y ta, vârâh tawhta Pachhatuh Abeipa Zisu Krista a zu awpa cha ngiatiah leipa ta eima hâ.

1 THYSALAWNIKA 1:5

Thâtihpha nama hnohta eima vaw tlôkheipa kha, bie dei ta vaw tlôkhei leipa pi ta, hmotaotheina nata Thlahpa Pathaihpa nata ngiapâna a i ngaitapa chhaota eima vaw tlôkheipa a châ. Nama hry liata eima y nona kha, nâmo vâta kheihta ma eima y tahpa nama pahno.

1 TIMAWTHY 3:16

Khazohpa pahnona bienyupa cha a rônah ngaita, reipasipasua awpa y vei: Sapa ta a vaw luah ta, Thlahpa ta thai pachâsa ta, Vâlyuhchâpazy ta ama hmô. Phopizy hry liata phuahpa châ ta, Khizaw ta a ngiapâ ta, Rônahpa ta chô lâ a chhipa a châ.

1 TIMAWTHY 4:12

Thyutliapa na châpa vâta ahy hmahta cha mohnao khah ei sy. Bie rei kyh liata zy, yzie kyh liata zy, kyhpachâna kyh liata zy, ngiapâna nata pathaihna kyhzy liata ngiapâtuhpazy a mopâ awpa ta tlao y mah y.

1 TIMAWTHY 6:11

Nâ, Khazohpa chyhsa y, cha hmozy cha a râsai la, siana, Khazohpa pachâna, ngiapâna, kyhpachâna, daotheina nata nônaina zy a chadai lymâ mah y.

1 TIMAWTHY 6:3

Ahy rai biezyhpa hropa pachupa ta, eima Beipa Zisu Krista biedopa nata Khazohpa khozie hawhta hroh awpa pachunazy â pyh vei khiahta cha,

1 TIMAWTHY 6:6

Khazohpa khozie hawhta hroh ta, hneipa rakha liata palôhtlâh a paohpa he athôhna rônahpa a châ.

HEBRAI 13:5

Nama hro cha tâkâ sôh tlaichhaina a hlao leipa châ sala, nama hneipa rakha liata palôhtlâh a pao muh vy. Abeipa ta, “Cha pathlua beih leipa aw ei na ta, cha siesai beih aw veih ei na,” a tah.

ZÂMIE 1:24

Pakhâta ta a moh ta, sie ta, kheihawhpa chyhsa ma a châ tahpa thlai a my ha tyh.

ZÂMIE 3:13

Nama hry liata ahy ma asopa nata novâhpa a y? A reisi ngaitapa nata so ngaitapa ta, a hmotaopazy cha hrozie phapa ta pamosa mawh sy.

1 PITY 1:15

Châ awtuhpa ei a pathaihpa hawhta, nâmo chhao nama yzie zydua liata pathaihpa ta y teh u.

1 PITY 2:12

Zenitaizy hry liata zachhihpa ta y teh u. Chatanachata moleina hmo a taopazy hawhta ama cha reipachhiepa chhao ta, nama hmo pha taopazy hmô aw ei ta, Khazohpa ta miah a vaw tly noh ta ano cha ama palyupalih thei aw.

2 PITY 1:3

Ano eima pahnona zawhzi ta, ano rônahna nata phana vâta miah awtuhpa Khazohpa hmotaotheina chata hrona nata Khazohpa pachâna hmo zydua miah a patosa.

2 PITY 1:6

pahnona liata asohsina a hlao sala, asohsina liata tiamana a hlao sala, tiamana liata Khazohpa pachâna a hlao sala,

2 PITY 3:10

Abeipa Noh cha parutuhpa hawhta vaw tlô aw ta, cha noh liata avâzy cha thata arôhna chôta leidia aw ei ta, avâ liata hmo a ypazy cha mei ta pakâpa ta pahleipadiapa châ aw ta, alei nata a chhôh liata a ypa zydua chhao a leidia khai aw.

2 PITY 3:12

Cha hawhta yna chôta Khazohpa Noh cha hâ aw ei chi ta, a vaw tlô nawpa daihti nama chatliesa aw. Cha Noh a vaw tlôpa chata avâzy khi kâpa ta pahleipadia aw ta, avâ liata a ypazy cha mei ta a pazao khai aw.