2 PITY 2:2 - Mara Bible RV (BSI)

² Ama hrozie nozachhihpa cha chyhsa hluhpi ta a mopâ aw ei ta, âmo vâta biehmeiseihpa lâpi reipachhiepa a châ aw.

2 PITY 2:2 ပူးပေါင်းရင်းမြစ်များ

ÂTHAONA 19:5

Lawta cha awsao ei ta, “Tazâ ta na o liata a vaw tlôpa chyhsazy kha khataih liata ama y? Âmo kha kaw papua teh, eima ykhei aw,” tah ei ta.

HLAZY 18:21

Abeipa lâpizy a chhih na ta, Ei Khazohpa a heihsaipa ta moleina hmo tao beih va na.

ISAI 35:8

Cha liata lâlai y aw ta, Pathaihna Lâpi tahpa a châ aw; Pathaihna lâpi a chhihtuhpazy châta châ aw ta, Pathaih leipazy ta a chhih aw veih ei; Moleipa ahrupazy chhao, Cha liata sie aw veih ei.

ZEREMIAH 6:16

Abeipa ta hetana heta a tah: “Lâpizy liata a duahpa ta moh u la, Lâthlôh phapa yna lâhlôzy thâtih hiahri u la, Cha lâpi cha a chhih teh u; Nama thlahpa châta apahâna nama hmô aw,” tah ta. Châhrasala Izarei sawzy ta, “Cha lâpi cha a chhih aw ma pi,” tah ei ta.

MATHAI 22:16

Ama pachupazy nata Herawda py liata chyhsazy ano lâ tuah ei ta, âmo ta a hnohta, “Pachutuhpa, chyhsa dopa na châpa pahno pi ta, Khazohpa lâpi â dopa ta pachu chi ta, chyhsa pachâna la hlei leipa chi ta, chyhsa pôraoh nata hmisâ zy moh va chi tahpa eima pahno.

MATHAI 24:24

Mesia pakheipazy nata hrohso pakheipazy vaw pua aw ei ta, ngiana nata hmonoâh rônahpazy ama tao aw. Tao theipa châ sala, atlyhpazy taih ama dôvei aw.

MATHAI 7:14

Hrona lâ siena chhikao deikua cha buah ta, a sie ru ta, cha lâta a siepa cha ama chyhta.

MÂKA 12:14

A kô ama tlô nahta, a hnohta, “Pachutuhpa, chyhsa dopa châ chi ta, ahy pachâna hmahta a papeisa va chi tahpa eima pahno. Chyhsapa alânazie ta cha pahnie leipa ta, hmeiseihna kyh ta Khazohpa lâpi na pachu tyh. Kaisarâ lâ chhie piepa he ryhpa ta a pasaih ma, pasaih vei?

MÂKA 13:22

Mesia pakheipazy nata hrohso pakheipazy vaw pua aw ei ta, ngiana nata hmonoâhpazy ama tao aw. Tao theipa châ sala, atlyhpazy taih ama dôvei aw.

ZAWHÂNA 14:6

Zisu ta a hnohta, “Kei he lâpi nata biehmeiseihpa nata hrona ei châ. Kei liata a sie leipa cha ahy hmah Paw kô tlô thei aw vei.

HMOTAOPAZY 13:10

a hnohta, “Nâ, ahripa sawchapawpa, nâ, siana khakhaipa, dôveina nata nôchhiena ta a biepa, Abeipa lâpi palâpa na pakosapa he bâh aw va chi mâ?

HMOTAOPAZY 14:2

Ngiapâ khoh leipa Zuzy ta Zenitaizy pasyu ei ta, unawhzy cha pahaosa ei ta.

HMOTAOPAZY 16:17

Cha chanô chata Pawla nata keimo miah zi ta, “He chyhsazy he Chônôchai Khazohpa chakaotuhpazy ama châ, pachhana lâpi ama cha vaw chho hih,” tahpa ta awh ta.

HMOTAOPAZY 18:26

Pakhyna o liata riahpha ngaitapa ta bie reih ta. Priskilâ nata Akuilâ ta a biereipa cha ama thei nahta, ama o lâ a chhi ei ta, Khazohpa lâpi a sia viapa ta chhopasia ei ta.

HMOTAOPAZY 19:9

Châhrasala thokha cha chhorupa ta y ei ta, a ngiapâ khoh leipa ta, zawpi hmiakô liata Lâpi zyhna cha reipachhie ei ta. Chavâta âmo cha siesaipa ta, pachupazy ânano ta a chhi ta, noh chareih ta Tyrânâ pachuna o liata âmo cha Biehrai a laichadaikhei tyh ta.

HMOTAOPAZY 22:4

He Lâpi zyhna chyhsazy he thina taihta taola tyh ei na ta, a chanô chapaw ta chahry na ta, patâhna o liata ei pakhôsa tyh ei.

HMOTAOPAZY 24:14

Châhrasala he bie he na hnohta ei phuah aw. Âmo ta py ama tahpa Lâpi zyhna siezie hawhta miah pathlatuhpazy Khazohpa a chhypa châ na ta, ryhpa nata hrohsopazy châbu liata ropa zydua a ngiapâtuhpa ei châ.

RAWMA 2:24

“Nâmo vâta Khazohpa moh cha Zenitaizy hry liata reipachhiepa ta a y,” tahpa ta ropa hawhna khata a châ.

1 TIMAWTHY 5:14

Chavâta nôhmei hawti viapazy cha, dyhchâ ei sala, sawzy hneipa ta, ama chhôhkhazy mohôh ei sala, sei nawpa rypaohpa khakhaipa hnohta ama pie lei awpa ei khoh.

TITU 2:5

Khazohpa bie reipachhiepa ta a y lei nawpa ta, a sohsi theipa, chanô pathaihpa, o mohôhna rai a hriapa, nôphapa nata ama vahpazy rei a ngiahpa châ awpa ta pachu mah y.

TITU 2:8

Na bie reipa â dozie reipasipasua thei awpa a châ leizie palâsa la, miah chakhiatuhpazy ta eima moleina rei awpa pahno leipa aw ei ta, maophyuhpa ta ama y aw.

1 PITY 2:12

Zenitaizy hry liata zachhihpa ta y teh u. Chatanachata moleina hmo a taopazy hawhta ama cha reipachhiepa chhao ta, nama hmo pha taopazy hmô aw ei ta, Khazohpa ta miah a vaw tly noh ta ano cha ama palyupalih thei aw.

2 PITY 2:12

Âmo deikua cha, pachâna a hmâh thai leipa râhsa, patuapaluana a hnei leipa hmohrohneipazy hawhta châ ei ta, patu awpa nata pahleipadia awpa ta a pihpazy ama châ. Ama pahno leipa kyhzy reipachhie ei ta, râhsazy hawhta âmo chhao pahleipadiapa ama châ hra aw.

2 PITY 2:15

Lâpi dopa tleisai ei ta, ama pavia haw. Hmo doleipa taopa tawhta athôhna hmô a tlaichhaipa Beô sawchapawpa Bâlâma lâpi amâ chhih.

2 PITY 2:18

A patahtheisa kawpa ta bie hraoleipazy reih ei ta, moleipa chyhsazy tawhta a râ dyupazy cha, sapa aohraohna moleina liata ama pahluasa tyh.

2 PITY 2:21

Siana lâpi pahno ha tlôh ta, ama hnohta biepiepa pathaihpa pavaosapa a heihsai heihpa hlâta cha, siana lâpi pahno leipa ta vaw y lâlao ei sala ama châta a pha via awpa tlai.

2 PITY 2:7

Moleipazy parâ aohraohna vâta a pachâ thata a rôh tyhpa mosiapa Lawta kha, Khazohpa ta a pachha haw.

ZUDÂH 1:10

Cha chyhsazy deikua chata ama pahno leipa maih reipachhie ei ta, pachâna a hnei leipa sazy ta ama pikheipa pahnona ama zi thlâhpa hawhta, âmo chhao ama pikheipa pahnona zi hra ei ta, cha chata a pahleipadia ha ei.

ZUDÂH 1:15

Chyhsa zydua pachia aw ta, Khazohpa a uasa leipazy cha, Khazohpa kho leipa hmo ama taopa zydua vâta thailei a pachâsa aw ei. Khazohpa uasa leipa ta, Khazohpa chô liata bie pachyupa a reihpazy chhao thailei a pachâsa aw ei,” tahpa ta a vaw chhochhielie.

ZUDÂH 1:4

Chyhsa thokha, kha hlâ tawhta thaileichâ awpa ta rao chiehpazy arulâta amâ vaw ngia. Cha chyhsazy cha Khazohpa a uasa leipazy châ ei ta, eima Khazohpa ngiachhiena cha parâna châta hmâh ei ta, eima Hyutuhpa nata eima Beipa hnei chhôhpa Zisu Krista a paphasaipazy ama châ.

ZUDÂH 1:7

Sawdawmâ nata Kawmawrâ nata ama chheipâh khihpizy chhao kha, apatlana moleinazy thata tao ei ta, chanô chapaw châna hmâzie tyhpa a châ leipa, chapaw nata chapaw apatlanazy taihta ama taopa vâta, chhâzaw mei ta hriepa châ ei ta, pakhona châta hmâpa ama vaw châ haw.

BIEPHUAH 12:9

Chatawhcha drâkao lai ngaitapa, parih hlôpa, ahripa nata Sâtâ tahpa ta moh bipa, khizaw zydua a dôtuhpa cha za thy pathlah ei ta. Alei lâ za thy ei ta, a vâlyuhchâpazy chhao a hnohta za thy pâ hra ei ta.

BIEPHUAH 13:14

Sahrâhpa hmiatuapa moh ta hmonoâhpa taotheina hmotaotheina piepa a châpa hmâpa ta, alei liata a pahrâpazy dôvei ta, zaozi hmah phaoh ta a hroh heihpa sahrâhpa nothlahpa padua awpa ta a chho ei.

BIEPHUAH 13:8

Alei chô liata a pahrâpa zydua, khizaw â thao tua no tawhta thie chiehpa Mietakutaw hrona châbu liata moh ro leipa maihta ano cha amâ chhy aw.