2 PITY 2:18 - Mara Bible RV (BSI)

¹⁸ A patahtheisa kawpa ta bie hraoleipazy reih ei ta, moleipa chyhsazy tawhta a râ dyupazy cha, sapa aohraohna moleina liata ama pahluasa tyh.

2 PITY 2:18 ပူးပေါင်းရင်းမြစ်များ

1 ABEIZY 13:19

Chatanachata Khazohpa chyhsa cha hrohsopa hnohna chata a lie ha ta. A o liata viahchhâ zy niepa ta, ti zy doh ta.

EZEKIA 35:13

Na pakah ta ei chô liata nâ palai thlupa ta, keima chakhiana bie hluhpi reih chi ta, ei thei khai haw.

DÂNIAH 11:36

“Chatawhcha abei cha a khopa hawhta tao aw ta, anosasyh ta a pasâhsapa ta, khazoh to hlâta rônah viapa ta a tao aw ta, khazohzy Khazohpa a dyuhpa ta hmo anano ngaitapazy reih aw ta, hiehâhna daihti pakipa a châ hlâlei cha hmotaotheina a hnei aw, rao chiehpa hmo cha a tlô tlai awpa a châpa vâta.

DÂNIAH 4:30

abei cha patuapalua ta, hetana heta tah ta, “He Babylaw rônahpa he keima hmotaotheina nata thatlôna tlai ta abei pahrâna o châta nata ei beina rônahna châta ei paduapa châ vei mâ?” tah ta.

HMOTAOPAZY 2:40

Bie hropa hluhpi ta Zisu cha a châhkhei lymâpa ta zawpizy cha pasyu ta, ama hnohta, “He chhâ moleipa tawhna heta a pabohsa teh u,” tah ta.

HMOTAOPAZY 8:9

Chyhsa pakha a moh Saimaw ama tahpa y ta. Ano cha dyu hmâpa ta, chyhsa rônahpa pakha hawhta a reih ta, Samâri khihsawzy noâh ngaitapa ta a vaw paysa tyhpa a châ.

RAWMA 13:13

Nohchhô ta ypa hawhta â ngia ngaitapa ta y sih la, apatlapa nata sahma paripa ta y leipa ta, parâpa nata apheipa ta y hra leipa ta, ahryuchhiapa nata hiatliapa ta y khah ei suh u.

EPHESI 4:17

He he Abeipa liata reih na ta, ei cha chho ei: Pachâna hraoleipa a hneipa Zenitaizy hawhta nama y khao awpa châ vei.

2 THYSALAWNIKA 2:4

Ano cha khazoh moh bipa nata a chhypa maih a dyuhpa ta, anosasyh â palyupalih aw. Khazohpa hawhta a phuah aw ta, Khazohpa Achhyna o liata a tyuh aw ta, Khazohpa hawhta â chaluah aw.

ZÂMIE 5:5

Khizaw liana heta sapa palysapa ta phasapa ta hroh ei chi ta, thina noh zy lia taihta nama palôh namâ palysa.

2 PITY 1:4

Chatanachata a bietai sôh ngaitapa nata rônah ngaitapazy miah pie ta, chazy zawhzi ta moleina aohraohna vâta khizaw liata paraona a ypa cha a râsaipa ta, Khazohpa nôchâ a hlytuhpazy nama vaw châ haw.

2 PITY 2:14

Ama mokhaoh cha apheina ta bie ta, moleina hmo taona liata ama rih a bie beih leipa ama châ. Chyhsa a i leipazy sydie ei ta, karâhneina palôh phaoh ei ta, chhiesapa sawzy ama châ.

2 PITY 2:2

Ama hrozie nozachhihpa cha chyhsa hluhpi ta a mopâ aw ei ta, âmo vâta biehmeiseihpa lâpi reipachhiepa a châ aw.

2 PITY 2:20

Eima Beipa nata Pachhatuhpa Zisu Krista ama pahnopa vâta, khizaw puanazy amâ râsai ha tawhta, cha lilaw liata a tâh heihpa ta, pahniepa ta ama y heih khiahta cha, hnôhlâ ta ama yzie cha hmialâ ta ama yzie hlâta a chhie via ha tyh.

2 PITY 2:7

Moleipazy parâ aohraohna vâta a pachâ thata a rôh tyhpa mosiapa Lawta kha, Khazohpa ta a pachha haw.

2 PITY 3:17

Chavâta kho ngaitapa saih u, nâmo la, cha bie cha nama pahno hapa vâta a vaih teh u. Chataleipatala ryhpa papeisaleituhpazy paraona liata a chhipa châ aw ei chi ta, nama duahmo a ipa nama paosai pathlei aw.

ZUDÂH 1:13

Tilaipi chatlaopa a pathluahpa, âmo maophyuhna buchaphy a papuapazy châ ei ta, awhsi viavipa, zoh kaluhpa liata chhâzaw ta a y awpazy ama châ.

BIEPHUAH 13:11

Chatawhcha sahrâhpa hropa alei tawhta a vaw puapa hmô na ta. Mietakutaw hawhta ki no hnei ta, drâkao reih pathliezie hawhta a reih a pathlie.