2 PITY 2:15 - Mara Bible RV (BSI)

¹⁵ Lâpi dopa tleisai ei ta, ama pavia haw. Hmo doleipa taopa tawhta athôhna hmô a tlaichhaipa Beô sawchapawpa Bâlâma lâpi amâ chhih.

2 PITY 2:15 ပူးပေါင်းရင်းမြစ်များ

1 ABEIZY 18:18

Elaizâh ta, “Kei ta Izarei nô papo va na, nâma nata na paw chhôhkha ta Abeipa biepiepazy tleisaipa ta, Bâlâ nama pazipa vâta, Izarei nô nama papopa a châ.

1 ABEIZY 19:10

Elaizâh ta, “Abeipa, Pheisaihzy Khazohpa châta phahnai a ngiah ngaita tyh na ta. Izarei sawzy hra ta na biehrai tleisai ei ta, na maisâhzy pacho ei ta, na hrohsopazy zaozi ta chhawhsao ei ta, keima, keima deita he a laibâhpa y na ta, keima chhao he ei hrona na la amâ chhuah,” tah ta.

NEHEMIAH 13:2

Izarei sawzy Izi râh tawhta ama kaw pua nona khata, viahchhâ nata ti zy ta vaw dy leipa ei ta, Izarei sawzy chô liata Bâlâma chhie ama pasasapa vâta a châ. Châhrasala eima Khazohpa ta ama chhiesana cha byhnâ ta tlao a pachâsa haw.

BIESOZY 28:4

Ryhpa a heihsaituhpazy cha moleipazy reithai tyh ei ta, Ryhpa a zyhtuhpazy deikua ta cha moleipazy amâ dyuh tyh.

EZEKIA 9:10

Chavâta kei chhao ta pahlôh leipa aw ei na ta, ngiachhie aw veih ei na. Ama hmotaopazy ama luh chô liata ei vaw patlôsa aw,” tah ta.

HÔSIA 14:8

“Hy Epharai, Nothlahpazy cha khâpa ma ei taona aw? Kei he châ chyh-eituhpa cha châ na ta, Châ mohôhtuhpa ei châ. Meisah tho hrohpa hawhta châ na ta, Keima tawhta na theizy na hmô.

MIKÂ 6:5

Hy ei phopi, Môabâ bei Bâlâka ta Nama chô liata tao â chhuahpazy kha a thei u la, Beô sawchapawpa Bâlâma ta  chhynazy chhao kha a thei teh u; Siti tawhta Kilkal taihta Hmo tlôpazy kha a thei teh u; Chatanachata Abeipa ta Siana ta hmo a taopazy nama pahno thei aw.”

MALUHREINA 22:23

Alâ ta Abeipa vâlyuhchâpa cha zaozi chabapa ta lâpi liata â duapa hmô ta. Chavâta alâ cha lâpi tleipa ta lyurâhpa lâ sie ta. Bâlâma ta alâ cha lâpi lâ pakuasa a chhuahpa ta chhei ta.

MALUHREINA 22:28

Abeipa ta alâ pakah pahy ta, Bâlâma hnohta, “Na chô liata khâpa hmo tao na ta ma, ei thôh dua eina chhei chi?” tah ta.

MALUHREINA 22:32

Abeipa vâlyuhchâpa ta Bâlâma hnohta, “Khazia na alâ kha ei thôh dua na chhei? Pachâ teh, na siena chhâpa kha ei hmiakô liata raona a châpa vâta, cha pakhâ awpa ta ei vaw pua.

MALUHREINA 31:16

Pachâ teh u, âmo kha Bâlâma ryhraona ta Peô liata Izarei sawzy Abeipa chô liata paraona a pataosatuhpazy châ ei ta, âmo vâta Abeipa chyhsazy chô liata potlana a vaw tlôpa kha.

MATHAI 26:9

He sathaw he a mâ hluhpi ta zuapa ta, dyhchhiepazy piepa châ sala a phahnai via awpa tlai,” tah ei ta.

HMOTAOPAZY 1:18

Cha chyhsa chata a moleina lymâ a daopa hmâpa ta râh chalei ta, cha liata â khu lâta pao ta, a py kaichheih ta, a rih zydua pua khai ha ta.

HMOTAOPAZY 13:10

a hnohta, “Nâ, ahripa sawchapawpa, nâ, siana khakhaipa, dôveina nata nôchhiena ta a biepa, Abeipa lâpi palâpa na pakosapa he bâh aw va chi mâ?

2 PITY 2:13

Chyhsa ama pasasapa ty hmôpa ta âmo chhao pasasapa ama châ aw. Nohchhô sawhvaw pi ta haosai daihti a hmâh tyhpazy châ ei ta, nama kyhchhi ama châ hlao nota chhao, haosai sai pachâ ei ta, apuapa a kiapa nata seina a hneipazy ama châ.

ZUDÂH 1:11

Ama hu a po na! Kaina lâpi a chhih ei ta, athôhna hmô awpa ta Bâlâma moleina lâpi liata a râ ei ta, Kôrâ adyuhna liata ama leidia.

BIEPHUAH 2:14

Châhrasala pasina chyhta ei cha hnei. Nama hry liata chyhsa thokha Bâlâma pachuna khâchâ a patupazy y ei ta. Bâlâma cha Izarei sawzy hmiakô liata achapiana lô so awpa ta Bâlâka a pachutuhpa châ ta, Izarei sawzy cha nothlahpa lâta hlâpa niedozy paniesa ta, apatlana moleina pataosa a chhuahpa kha a châ.

1 SAMUELA 12:23

Cha dei châ vei, nâmo châta thlah ei chhâ leipa vâta Abeipa chô liata ei molei awpa cha, kei ta la tao cheita aw va na. Lâpi phapa nata lâpi dopa tlao ei cha pahmô lymâ aw ei.