2 PITY 2:14 - Mara Bible RV (BSI)

¹⁴ Ama mokhaoh cha apheina ta bie ta, moleina hmo taona liata ama rih a bie beih leipa ama châ. Chyhsa a i leipazy sydie ei ta, karâhneina palôh phaoh ei ta, chhiesapa sawzy ama châ.

2 PITY 2:14 ပူးပေါင်းရင်းမြစ်များ

ZAWBÂ 31:7

Ei phei ta lâpi tleisai sala, Ei palôh ta ei mo zipa ta, Ei kuzy liata avyhpa â bai khiahta cha,

ZAWBÂ 31:9

“Ei palôh he chanô liata reipasaopa ta ypa ta, Ei opa ochhi liata â byhpa ei châ khiahta cha,

BIESOZY 5:6

Hrona lâpi kyh pachâ leipa ta, A lâthlôhzy pavia ta, Khataih lâ ma a sie tahpa pahno vei.

BIESOZY 6:25

A chhithaina cha na palôh ta tlaichhai leipa sala, A mopadei ta a cha patu awpa a pasaih khah y.

ISAI 1:16

Nama ngai a sipa ta a pathai u la, Hmo moleipa nama taopazy ei mohmô tawhta pahlei teh u; Hmo pha leipa tao khao leipa u la,

ISAI 34:5

Dâhphi paina taihta, Ei zaozi ta avâ liata doh ha ta; Moh teh u, Edômâ pachia awpa ta za chô ta, Pahleipadia awpa ta ei raopa phopi chô liata a za chô.

ISAI 65:20

Cha liata hawsaih thina y khao leipa aw ta, Chhâ a palo leipa ta a thipa y khao aw veih ei. Kô za kha ta a thipa cha, Thyutlia daihti ta a thipa hawhta pachâpa châ aw ta; Kô za kha a tlô leipa cha, Chhiesa thlupa moleipa hawhta pachâpa a châ aw.

ZEREMIAH 13:23

Kusi chyhsa ta a vo panano thei aw ma? Keichhoh ta a chei a panano thei aw ma? Cha hawhna hra chata, Nâmo, hmo chhiepa taopa liata nama tlai a châ hapazy chhao, Hmo phapa tao thei aw veih ei chi.

EZEKIA 13:18

Ama hnohta, ‘Abeipa Zehôvâh ta hetana heta a tah: Chyhsa zydua ku liata pachaopadâhna lâkyu a pakysatuhpa nata chyhsazy pa-ao nawpa ta chyhsa to châta luhkhunazy a taotuhpa chanôzy cha nôpopa ta y mawh ei sy. Ei phopi chyhsa hronazy pahlei aw ei chi ta ma, nâmo hrona deikua cha nama pabohsa aw?

MATHAI 12:34

Vâzi pathlazy saih u, nâmo moleipazy ta kheihta hmo phapa nama reih thei aw? Palôh liata a bie pakhôpa cha pakah ta a reih papua tyh.

MATHAI 23:14

“Nâmo, ryhpa pachutuhpa nata Phârisaih phapakheipazy saih u, nama hu a po na! Nôhmeizy o nie khai ei chi ta, a pakheipa ta a pasi pi thlah nama chhâ tyh. Chavâta thailei pachâsa via pachaipa nama châ aw.

MATHAI 25:41

“Cha khai tawhta a chavei lâta a ypazy hnohta, ‘Chhiesapa ta a ypa saih u, ahripa nata a lyuhchâpazy châta a chhuahdypa chhâzaw mei lâ na siesai teh u.

MATHAI 5:28

Châhrasala ei cha chho ei, ahy rai aohraohpa ta chanô a mohpa cha, a palôh ta chanô liata â phei haw.

MÂKA 13:22

Mesia pakheipazy nata hrohso pakheipazy vaw pua aw ei ta, ngiana nata hmonoâhpazy ama tao aw. Tao theipa châ sala, atlyhpazy taih ama dôvei aw.

ZAWHÂNA 5:44

Nâmo nata nâmo a reithai raihrie ei chi ta, Khazohpa hmeiseihpa a y chhôhpa tawhta â vypa reithaina hmâchhâh nama tlua vei khiahta cha, kheihta namâ ngiapâ thei aw?

RAWMA 16:18

Cha hawhpa chyhsazy cha, eima Beipa Zisu Krista chakao leipa ei ta, âmo py a chakaopa tlao châ ei ta, reikah pahniapa nata papyupahly thainazy ta chyhsa pha molopazy ama dôvei tyh.

1 KAWRINI 11:19

Nama hry liata a hmeiseihpazy amâ lâ thei nawpa ta, py achhaihna chhao cha a y awpa rai a châ.

EPHESI 2:3

Keimo chhao eikhano cha, reingiah leipazy hry liata eima vaw y hra. Eima sapa aohraohnazy papitlohsapa ta, sapa nata palôh khopazy vaw tao tyh pi ta, chyhsa hropazy hawhta hiehâhna saw ta a vaw pihpa eima châ.

EPHESI 4:14

Chatanachata chyhsa so piehpiena nata dôthaina hmotaopa tichatlaopazy ta hao lâ he lâ a chatlaopa nata pachuna ziza to ta a phao pahaipa hawtipa châ khao aw ma pi.

KAOLAOSÂ 2:18

Ahy hmahta areisina pakheipa nata vâlyuhchâpazy achhyna a duakheipa ta, nama lymâ hmô thei lei awpa ta cha tao khah ei sy. Cha hawpa chyhsa cha aluahna a hmôpazy kyh â kichopa ta reih tyh ta, a chhâpa y leipa ta sapa palôh ta thata â palai tyh.

ZÂMIE 1:8

Ano cha palôh miano a hneipa, a hmotaopa zydua liata a i leipa a châ.

2 PITY 2:18

A patahtheisa kawpa ta bie hraoleipazy reih ei ta, moleipa chyhsazy tawhta a râ dyupazy cha, sapa aohraohna moleina liata ama pahluasa tyh.

2 PITY 2:3

Sôh tlaichhaina vâta haipa biezy reih aw ei ta, sôhpalie nawpa ta ama cha hmâh aw. Ama thaileichâna cha hlâno tawhta y chakhyh thlâh ha leipa ta, ama leidiana chhao a mô vei.

2 PITY 3:16

A châpaphaopa zydua liata, cha biezy cha reih ta, cha hawhta a roh tyh. A bie ropazy liata thokha cha pahno ru ngaitapazy châ ei ta, chazy cha chyhsa so leipa nata a i leipazy ta, Biehrai bie hropazy ama chhopasiazie hawhta, pako pakâ ei ta, âmosasyh ta amâ pahleipadia tyh.

1 ZAWHÂNA 2:16

Khizaw liata hmo a ypa zydua, sapa aohraohna, mokhaoh aohraohna nata hro chhôh hneirôna a palaikheina zy he Paw tawhta a puapa châ leipa ta, khizaw tawhta a puapa a châ.

ZUDÂH 1:11

Ama hu a po na! Kaina lâpi a chhih ei ta, athôhna hmô awpa ta Bâlâma moleina lâpi liata a râ ei ta, Kôrâ adyuhna liata ama leidia.

BIEPHUAH 12:9

Chatawhcha drâkao lai ngaitapa, parih hlôpa, ahripa nata Sâtâ tahpa ta moh bipa, khizaw zydua a dôtuhpa cha za thy pathlah ei ta. Alei lâ za thy ei ta, a vâlyuhchâpazy chhao a hnohta za thy pâ hra ei ta.