2 PITY 2:10 - Mara Bible RV (BSI)

¹⁰ Sapa aohraohna lôhrâ a patlô tyhpa nata biehneina a mohnaopazy hrie nawpa chhochhi a pahno via pachai. Hru riahphapazy châ ei ta, a palai ngaita ei ta, vâ liata rônahpazy reipachhie awpa hmah a chi leipazy ama châ.

2 PITY 2:10 ပူးပေါင်းရင်းမြစ်များ

ÂTHAONA 49:6

Ama ryureina liata ei thlahpa a hlao leipa aw ta, Ama pakhypi liata ei rônahna a hlao aw vei. Hiehâhpa ta chyhsa thie ei ta, Khotlâ ta viahchao tôhpazy ama chhawh.

2 SAMUELA 20:1

Cha liata Benzami chi Bikhari sawchapawpa a moh Sebâ ama tahpa chyhsa leilôpa pakha y ta, ano chata chiahmie tô ta, “Dâvi liata tovyuh hnei leipa pi ta, Zese sawchapawpa liata ryuto hnei ma pi; Hy Izarei, nama poh o chyu lâta a di teh u!” tah ta.

1 ABEIZY 12:16

Abei ta ama bie nathlie khoh vei tahpa Izarei saw zydua ta ama hmô nahta, zawpi ta, “Dâvi liata tovyuh hnei leipa pi ta, Zese sawchapawpa liata ryuto hnei ma pi! Hy Izarei, nama poh o chyu lâ a di teh u; Nâ Davi, na chhôhkha tlâ pachâ teh,” tahpa ta abei cha a chhy ei ta, Izarei sawzy cha ama poh o lâ chyu a di ha ei ta.

HLAZY 12:4

“Eima paleih ta pahnie aw pi ta, Eima hmaozy keimo liata y ta, Eima zibeipa cha ahy ma a châ tly?” A tahtuhpazy chhao, Abeipa ta chhawh pathlah mawh sy.

PUASAINA 22:28

“Khazohpa na rei pachhie awpa châ leipa ta, na phopi ryureituhpa chô liata bie pha leipa na reih awpa châ vei.

BIECHHOTUHPA 10:20

Abei cha chhiesapa leipa la, Na palôhrupa liata chhao chhiesapa leipa la, Na rakhô liata hneirôhpa chhiesapa hra khah y. Vâ pavawzy ta na ao a zawkhei aw ei ta, Mathlaw a hneipa hmohrohneipazy ta ama chho pathlei aw na.

ZEREMIAH 2:31

Hy Nâmo, he chhâ sawzy saih u, Abeipa bie nathlie teh u. Izarei sawzy châta râhchawhpa hawhta ei châ beih ma? Râh zoh kaluhpa hawhta ei châ beih ma? Cha ta a châ tlôh khiahta cha, Khazia ei phopi ta, ‘Khotalaina eima hmô haw, Nâ lâ a vy khao aw ma pi,’ ama tah tly?

MALUHREINA 15:30

Moleina a châ tahpa pahno thlâh hana chôta a molei raruahpa deikua cha, a râh chyhsa a châpa chhao ta, chihropa a châpa chhao ta, Abeipa a reipachhiepa châ ta, cha chyhsa cha a phopi tawhta chhawh pathlahpa a châ aw.

LUKA 11:25

A tlô nahta, o cha phi chiehpa nata paryh khaipa ta hmô ta.

LUKA 19:14

Châhrasala a khihsawzy ta ano cha a hao ei ta, ‘He chyhsa he eima bei châta khoh ma pi,’ tah awpa ta, ano hnôh lâta lyuhchâpa tuah hra ei ta.

HMOTAOPAZY 23:5

Pawla ta, “Unawh saih u, theihthai beichaipa a châ tahpa na ei pahno vei, ‘Na phopi ryureituhpa chô liata bie pha leipa rei kha,’ tahpa ropa a châ,” tah ta.

RAWMA 8:1

Chavâta tahmâ la Krista Zisu liata a ypa, sapa ta hroh leipa ta, Thlahpa ta a hrohpazy châta cha thailei pachâsana rai y khao vei.

1 KAWRINI 6:9

Moleipazy cha Khazohpa khinarâh to aw veih ei tahpa pahno veih ei chi mâ? Dôpa ta y khuh vy. Apatlapazy, nothlahpa achhypazy, apheipazy, chapaw âzuahpazy, chapaw nata chapaw apatlapazy,

2 KAWRINI 10:3

Khizaw liata y hra sih la, khizaw adyuhna hawhta a dyuh ma pi.

EPHESI 4:19

Nozana châh chhao pahno khao leipa ei ta, parâna liata âmosasyh a hlâ ei ta, karây ngaitapa ta hmo puapa to ama tao.

EPHESI 5:5

He he a siapa ta pahno teh u: Apatlana moleina a taopa tlyma, chyhsa puapa tlyma, uahvana a hneipa tlyma, cha hawhpa chyhsazy chata Krista nata Khazohpa khinarâh liata ryu to hnei aw veih ei. Uahvana a hneipa cha nothlahpa achhypa a châ.

KAOLAOSÂ 3:5

Chavâta khizaw hro nâmo liata a ypa, apatlana, puana, parâna, molei khona nata uahvana zy cha thie teh u. Uahvana cha nothlahpa achhyna a châ.

1 THYSALAWNIKA 4:7

Apuapa ta y awpa ta Khazohpa ta miah aw leipa ta, pathaih awpa ta miah a aw.

2 TIMAWTHY 3:2

Chyhsazy ta âmo kyh dei a pachâ aw ei ta, tâkâ sôh tlaichhaipazy, apalaipazy, apatahsapazy, chyhsa a taochhiepazy, nôpaw reingiah leipazy, alyna châh pahno leipazy, pathaih leipazy,

TITU 1:7

Awnanopa chhituhpa cha Khazohpa sôh mokhâhtuhpa a châpa vâta, seina hnei leipa a châ awpa a châ. Chyhsa apalaipa, pathichhiepa, kresawhti pari hmâhpa, thachahra a hmâhpa nata avyuhna ta athôhna a tluapa a châ awpa châ vei.

HEBRAI 13:4

Nôvah ahneina he chyhsa zydua hry liata palyupalihpa ta y mawh sy. Nôvah rakhô chhao papuapaleipa châ khah sy. Apatlana moleina a taopazy nata apheipazy cha Khazohpa ta a pachia aw.

2 PITY 3:3

He he pahno tua awpa a byuh. Daihti chhâna nohzy liata cha, mohnaotuhpazy ta ama moleina hmo khopazy chadaipa ta, chyhsazy mohnaona chôta a vy aw ei ta,

ZUDÂH 1:10

Cha chyhsazy deikua chata ama pahno leipa maih reipachhie ei ta, pachâna a hnei leipa sazy ta ama pikheipa pahnona ama zi thlâhpa hawhta, âmo chhao ama pikheipa pahnona zi hra ei ta, cha chata a pahleipadia ha ei.

ZUDÂH 1:16

Cha hawhpa chyhsazy cha, ama moleina hmo khopazy chadaipa ta, paphôhpalyuh thaipa nata reipasipasua a hmâhpazy châ ei ta, athôhna hmô khoh vâta khokhei viapa hneipa ta, pakah kawhpa ta a palaipazy ama châ.

ZUDÂH 1:18

Lyuhchâpazy ta, “Daihti hnôhchaipa liata cha, pasipasawh a hmâhpa, Khazohpa uasa leipa ta ama aohraohnazy a chadaipa ama y aw,” tahpa ta ama cha vaw chho haw.

ZUDÂH 1:4

Chyhsa thokha, kha hlâ tawhta thaileichâ awpa ta rao chiehpazy arulâta amâ vaw ngia. Cha chyhsazy cha Khazohpa a uasa leipazy châ ei ta, eima Khazohpa ngiachhiena cha parâna châta hmâh ei ta, eima Hyutuhpa nata eima Beipa hnei chhôhpa Zisu Krista a paphasaipazy ama châ.

1 SAMUELA 10:27

Châhrasala chyhsa dyutlaileipa thokhazy ta, “He chyhsa heta kheihta ma miah a pachha thei aw tly?” tah ei ta, ano cha khâpasaw ta reih leipa ei ta, hmosaipa chhao pie khoh veih ei. Châhrasala Sawla cha a thlih thlâh ha ta.