2 PITY 1:7 - Mara Bible RV (BSI)

⁷ Khazohpa pachâna liata unawhzy atlaichhaina a hlao sala, unawhzy atlaichhaina liata kyhpachâna a hlao mawh sy.

2 PITY 1:7 ပူးပေါင်းရင်းမြစ်များ

RAWMA 12:10

Unawh kyhpachâna ta kyh a pachâ raihrie u la, a palyupalih raihrie muh vy.

KALATIA 6:10

Chavâta rypaohna eima hneipa hawhta, chyhsa zydua chô liata hmopha tao sih la, ngiapâtuhpa chhôhkhazy chô liata tao pachai suh u.

KAOLAOSÂ 3:14

Cha zydua hlâta a peimawh chaipa cha, kyhpachâna ta a tobi teh u. Kyhpachâna cha ato zydua a ryh ngaitapa ta a chahry pabaohtuhpa a châ.

1 THYSALAWNIKA 3:12

Kyh eima cha pachâpa hawhna heta, nâmo chhao chyhsa to kyh nama pachâ thei nawpa nata nâmo nata nâmo kyh namâ pachâ raihrie thei nawpa ta, Abeipa ta nama kyhpachâna papôhsa sala, kyhpachâna liata cha pahneirôhsa mawh ei sy.

1 THYSALAWNIKA 5:15

Moleina cha moleina ta viarithô leipa u la, hmopha a taopa raihriepa ta, chyhsa to chô liata hmopha tao teh u.

HEBRAI 13:1

Unawh kyhpachâna y lymâ mawh sy.

1 PITY 1:22

Unawhzy kyhpachâna hmeiseihpa hnei awpa ta biehmeiseihpa zyh ei chi ta, nama thlahpa nama pathaisa ha tawhta cha, palôh pathaihpa nata hmeiseihpa ta kyh a pachâ raihrie muh vy.

1 PITY 2:17

Chyhsa zydua za u la, unawhzy kyhpachâ u la, Khazohpa chi u la, abei cha za teh u.

1 PITY 3:8

A chhâ chaina ta cha, nama zydua ta palôh miakha phaohpa ta y u la, tha a pasa raihrie teh u. Unawh hawhta kyh a pachâ u la, a ngiachhie raihriepa ta, areisipa ta y teh u.

1 ZAWHÂNA 3:14

Unawhzy kyh eima pachâpa vâta thina tawhta pua pi ta, hrona liata eimâ ngia haw tahpa eima pahno. Ahy rai kyhpachâna a hnei leipa cha thina liata a y thlâh haw.

1 ZAWHÂNA 3:16

He liana heta kyhpachâna cha khâpa ma a châ tahpa eima pahno: Krista ta keimo châta a hrona a piepa hawhta, keimo chhao unawhzy châta eima hrona eima pie hra awpa a châ.

1 ZAWHÂNA 4:21

He biepiepa he Khazohpa tawhta eima daopa a châ: Khazohpa kyh a pachâpa cha, a unawhpa chhao kyhpachâ hra mawh sy.