2 PITY 1:3 - Mara Bible RV (BSI)

³ Ano eima pahnona zawhzi ta, ano rônahna nata phana vâta miah awtuhpa Khazohpa hmotaotheina chata hrona nata Khazohpa pachâna hmo zydua miah a patosa.

2 PITY 1:3 ပူးပေါင်းရင်းမြစ်များ

HLAZY 110:3

Hrâ na sie noh ta, Âmo lôhthai ta na phopi châ vaw hlâ aw ei ta; Pathaihna nata rônahna ta a tobipa ta, My diati tlapa hawhta, Na thyutliazy tha thiehpa ta nâ lâ amâ vy aw.

HLAZY 84:11

Zehôvâh Khazohpa cha noh nata vyhphao châ ta, Abeipa cha khokheina nata palyupalihna a pietuhpa a châ. Âdopa ta a ypazy châta cha, Hmo phapa thlyu aw vei.

BIESOZY 12:4

Chanô phapa cha a vahpa châta lakho châ ta, Nozana a vaw tlôkheipa chanô deikua cha, A vahpa ru a pahmytuhpa a châ.

BIESOZY 31:10

Lapinô phapa ahy ma a hmô thei aw? Lapinô phapa cha lôsôhpazy hlâta a sôh via syulyu.

BIESOZY 31:29

“Chanô hluhpi tao pha kaw sai ei ta, Châhrasala na ly khai ha ei,” a tah.

MATHAI 28:18

Zisu cha âmo lâ a vy ta, ama hnohta, “Avâ nata alei liata biehneina zydua ei hnohta piepa a châ haw.

RAWMA 8:32

A Sawchapawpa tlai chhao pahlôh leipa ta, eima zydua châta a pietuhpa chata, ato a saipa ta miah pie hra aw vei mâ?

RAWMA 9:24

Cha ngiachhiena beihzy cha, keimo, Zuzy hry tawhta a awpazy dei châ leipa pi ta, Zenitaizy hry tawhta a awpazy chhao eima châ hra.

1 KAWRINI 1:9

A Sawchapawpa eima Beipa Zisu Krista akaona liata nâmo châ awtuhpa Khazohpa cha ngâchhihpa a châ.

2 KAWRINI 12:9

Châhrasala Abeipa ta, “Ei ngiachhiena na châta â daih na, ei hmotaotheina he chiehleina liata pakipa ta a y tyh,” eina tah haw. Chavâta Krista hmotaotheina ei chô liata a y thei nawpa ta, ei chiehleinazy he a ly ngaitapa ta ei palaikhei via lymâ aw.

EPHESI 4:1

Chavâta a cha awna ei nata â phuhpa ta y awpa ta, kei Abeipa châta atâhpa heta ei châ haw ei.

EPHESI 4:4

Pôhpa miakha nata Thlahpa pakha dei y ta, cha hawhna chata, awpa nama châ nona kha, hnabeiseihna miakha hnei awpa ta awpa nama châ.

PHILIPI 3:8

Cha dei châ vei, ei Beipa Zisu Krista pahnopa cha hmo hropa zydua hlâta sôh via ta, chavâta hmo to kyna ta ei rao khai. Krista cha ei thôhkhei thei nawpa ta, ano vâta hmo to ky na ta, hmo hropa zydua cha hnaihny hawh dei ta ei rao.

PHILIPI 4:8

Achhâna ta cha, unawh saih u, adopa maih zy, zachhihpa maih zy, asiapa maih zy, pathaihpa maih zy, khochhihpa maih nata pasâhsa a chhihpa maih zy cha, phana hneipa ta, reithai tlâh a châ khiahta cha, chazy cha pachâ teh u.

KAOLAOSÂ 1:16

Ano ta ato tao ta, avâ liata a ypazy, alei liata a ypazy, hmô theipazy, hmô thei leipazy, beidyuchhaizy, biehneinazy, ryureituhpazy nata biehneituhpazy a tao. Ato ano vâta taopa châ ta, ano châta taopa a châ.

1 THYSALAWNIKA 2:12

A khinarâh nata a rônahna lâta nâmo châ awtuhpa Khazohpa chyhsa tlâh nama châ thei nawpa ta, cha pasyu pi ta, nama tha cha patlô pi ta, bie eima cha pie.

1 THYSALAWNIKA 4:7

Apuapa ta y awpa ta Khazohpa ta miah aw leipa ta, pathaih awpa ta miah a aw.

2 THYSALAWNIKA 2:14

Eima Beipa Zisu Krista rônahna nama to thei nawpa ta, Khazohpa ta eima thâtihpha hmâpa ta a cha aw ei.

1 TIMAWTHY 4:8

Pôhpa a hriepa he phahnaina rakha hnei ta, Khazohpa chyhsa châna deikua cha, tahmâ hro nata hro a vaw y awpa châta bietai a hneipa a châpa vâta, kyh to liata a phahnai.

2 TIMAWTHY 1:9

Ano cha eima hmotaopazy vâta châ leipa ta, a hmochhuahpa nata a ngiachhiena vâta miah pachha ta, awna pathaihpa ta miah awtuhpa a châ. Cha ngiachhiena cha khizaw y hlâta Krista Zisu liata miah a pie haw.

HEBRAI 1:3

Ano cha Khazohpa rônahna khaihpaliepa nata Khazohpa chhichâna a hneipa châ ta, a bie hmotaotheina bie ta ato a pabohsa. Moleinazy a pathaisa khai tawhta, chô lâ Beichaipa chachâh lâta a tyuh ha ta.

1 PITY 1:15

Châ awtuhpa ei a pathaihpa hawhta, nâmo chhao nama yzie zydua liata pathaihpa ta y teh u.

1 PITY 1:5

Daihti hnôhchaipa liata palâhâh awpa ta a mâ chiehpa ta a ypa ngiapâna vâta pachhana nama hmô thei nawpa ta, Khazohpa hmotaotheina ta vaipa nama châ.

1 PITY 2:21

Krista kha nâmo châta pasa a taopa vâta, nâmo chhao pasa tao awpa ta awpa châ ei chi ta, a pheihnie nama pazi thei nawpa ta a mopâ awpa a cha sopa ei.

1 PITY 2:9

Nâmo deikua la, zohna tawhta puapa ta khaihna noâhpa liata a ngia awpa ta châ awtuhpa ei phana cha nama phuah thei nawpa ta, phopi atlyhpa, abei chi theihthaipa, phopi pathaihpa, Khazohpa ryuto phopi nama châ.

1 PITY 3:9

Moleina cha moleina ta viarithô leipa u la, reipachhiena chhao reipachhiena ta viarithô hra leipa u la, byhnâ tlao awpa teh u. Cha hawhta taopa ta byhnâ to awpa ta awpa nama châ.

1 PITY 5:10

Ngiachhiena zydua Khazohpa, a chhâzaw rônahna to awpa ta Krista liata châ awtuhpa ei chata, bohpi leipa pasa nama tao khai tawhta, cha paduapathi aw ei ta, cha pa-ipa ta tha cha patlô aw ei ta, a cha padua aw ei.

2 PITY 1:10

Chavâta unawh saih u, a cha awna ei nata a châ tlyhna ei cha, pa-i awpa ta tiama papua rili teh u. Chazy nama tao khiahta cha pao beih aw veih ei chi.

2 PITY 1:2

Khazohpa nata eima Beipa Zisu pahnona liata ngiachhiena nata thlalôhna nama chô liata pôh rili mawh sy.

2 PITY 1:5

Cha vâna tlai chata nama theina zydua papua u la, namâ ngiapâna liata adona a hlao sala, adona liata pahnona a hlao sala,

2 PITY 1:6

pahnona liata asohsina a hlao sala, asohsina liata tiamana a hlao sala, tiamana liata Khazohpa pachâna a hlao sala,

2 PITY 1:8

Cha chânazy cha hnei u la, a pôh lymâ khiahta cha, eima Beipa Zisu Krista pahnona kyh liata hmotaotheina hnei leipa nata pathei leipa ta y aw veih ei chi.

2 PITY 2:20

Eima Beipa nata Pachhatuhpa Zisu Krista ama pahnopa vâta, khizaw puanazy amâ râsai ha tawhta, cha lilaw liata a tâh heihpa ta, pahniepa ta ama y heih khiahta cha, hnôhlâ ta ama yzie cha hmialâ ta ama yzie hlâta a chhie via ha tyh.

2 PITY 3:18

Eima Beipa nata Pachhatuhpa Zisu Krista ngiachhiena nata pahnona liata laiseih lymâ teh u. Tahmâ nata chhâzaw ta Abeipa hnohta rônahna y mawh sy. Amen.

RUTHI 3:11

Chavâta ei saw­chanô y, chi khah y, na reipa zydua cha na châta ei tao aw, eima khih chyhsa zydua ta chanô sia ngaitapa na châzie ama pahno khai.