2 PITY 1:2 - Mara Bible RV (BSI)

² Khazohpa nata eima Beipa Zisu pahnona liata ngiachhiena nata thlalôhna nama chô liata pôh rili mawh sy.

2 PITY 1:2 ပူးပေါင်းရင်းမြစ်များ

ISAI 53:11

Pasataona khô lâta hrona khaihna hmô aw ta, Palôhtlâh ngaitapa ta a y aw. Nâ chakaotuhpa chyhsa siapa cha, A pahnona hmâpa ta chyhsa hluhpi thai pachâsa aw ta, Ama paraonazy a phaopa aw ei.

DÂNIAH 4:1

Bei Nebukaneza ta, khizaw zydua liata a pahrâpa phopi to, râh to nata reih to hnohta hetana heta tah ta: Thlalôhna nama chô liata pôh lymâ mawh sy!

DÂNIAH 6:25

Chatawhcha Bei Dâria ta khizaw zydua liata a pahrâpa phopi to, râh to nata reih to lâta châ paphao ta, “Thlalôhna nama chô liata pôh mawh sy!

LUKA 10:22

Ei Paw ta ato zydua eina hlâ haw. Paw dei leipa ta cha, Sawchapawpa he ahy ma a châ tahpa ahy hmahta pahno veih ei. Paw he ahy ma a châ tahpa chhao, Sawchapawpa nata Sawchapawpa ta ama hnohta phuah awpa ta â tlyhpazy dei leipa ta cha, ahy hmahta pahno veih ei,” tah ta.

ZAWHÂNA 17:3

He he chhâzaw hrona a châ: Nâ, Khazoh hmeiseihpa deita nata na tuapa Zisu Krista pahnopa hih.

RAWMA 1:7

Rawma khihpi liata Khazohpa kyhpachâpazy nata a mopathaihpazy châ awpa ta a awpa zydua ei châ naoh ei. Khazohpa eima Paw nata Abeipa Zisu Krista tawhta ngiachhiena nata thlalôhna nama hnohta y mawh sy.

2 KAWRINI 4:6

“Zohna tawhta khaihna vaw khaih mawh sy,” a tahtuhpa Khazohpa ta, Khazohpa rônahna pahnona khaihna cha miah pie awpa ta, Zisu Krista hmia liata eima palôh a pakhaihsa haw.

PHILIPI 3:8

Cha dei châ vei, ei Beipa Zisu Krista pahnopa cha hmo hropa zydua hlâta sôh via ta, chavâta hmo to kyna ta ei rao khai. Krista cha ei thôhkhei thei nawpa ta, ano vâta hmo to ky na ta, hmo hropa zydua cha hnaihny hawh dei ta ei rao.

1 PITY 1:2

Paw Khazohpa pahno chhieliepa hawhta atlyhpazy, Zisu Krista rei a ngiah awpa nata a thisaih ta thia awpa ta Thlahpa ta pathaisapazy ei cha naoh ei. Nama chô liata ngiachhiena nata thlalôhna papôhsapa ta y mawh sy.

2 PITY 1:3

Ano eima pahnona zawhzi ta, ano rônahna nata phana vâta miah awtuhpa Khazohpa hmotaotheina chata hrona nata Khazohpa pachâna hmo zydua miah a patosa.

2 PITY 1:5

Cha vâna tlai chata nama theina zydua papua u la, namâ ngiapâna liata adona a hlao sala, adona liata pahnona a hlao sala,

2 PITY 1:8

Cha chânazy cha hnei u la, a pôh lymâ khiahta cha, eima Beipa Zisu Krista pahnona kyh liata hmotaotheina hnei leipa nata pathei leipa ta y aw veih ei chi.

2 PITY 2:20

Eima Beipa nata Pachhatuhpa Zisu Krista ama pahnopa vâta, khizaw puanazy amâ râsai ha tawhta, cha lilaw liata a tâh heihpa ta, pahniepa ta ama y heih khiahta cha, hnôhlâ ta ama yzie cha hmialâ ta ama yzie hlâta a chhie via ha tyh.

2 PITY 3:18

Eima Beipa nata Pachhatuhpa Zisu Krista ngiachhiena nata pahnona liata laiseih lymâ teh u. Tahmâ nata chhâzaw ta Abeipa hnohta rônahna y mawh sy. Amen.

ZUDÂH 1:2

Zawngiahna zy, thlalôhna zy, kyhpachâna zy nama chô liata pôh rili mawh sy.

BIEPHUAH 1:4

Kei, Zawhâna ta Asia râh liata awnanopa hlao sarizy ei châ naoh ei. Khazohpa a y haipa, a y hapa nata a vaw y awpa tawhta nata a beidyuchhai hmiakô liata thlahpa miasari a ypazy tawhta ngiachhiena nata thlalôhna nama hnohta y sala,