2 PITY 1:12 - Mara Bible RV (BSI)

¹² Chavâta cha hmozy cha pahnopa ta, biehmeiseihpa nama hneipa liata namâ i ha tarawpa ta, cha chânazy cha cha pahnosa chanei tyh awpa ei, ei chhuah.

2 PITY 1:12 ပူးပေါင်းရင်းမြစ်များ

HMOTAOPAZY 16:5

Chatanachata Awnanopazy cha ngiapâna liata thapatlôpa ta y ei ta, noh charei ta pôh via lymâ ei ta.

PHILIPI 3:1

Achhâna ta cha, unawh saih u, Abeipa liata a ly teh u. Bie hmopa nama hnohta ro chaneipa he, namâ boh nawpa a châpa vâta, kei châta noaichhihpa châ vei.

KAOLAOSÂ 1:5

vârâh liata nama châta hnabeiseihna sopa a châpa vâta, nâmo vâta Khazohpa lâta alyna bie khâ eima reih tyh. Cha hnabeiseihna cha thâtihpha biehmeiseihpa tawhta nama theipa kha a châ.

KAOLAOSÂ 2:7

ano liata thari thlapa ta a duah u la, pachuna nama daopa hawhna khata ngiapâna liata â i ngaitapa ta ypa ta, alyna bie reih tyh muh vy.

1 TIMAWTHY 4:6

Chazy cha unawhzy na pahnosa khiahta cha, Krista Zisu chakaotuhpa phapa, ngiapâna bie nata biezyhpa phapa pachuna liata a laiseihpa na châ aw.

2 TIMAWTHY 1:6

Cha vâna chata na chô liata ei ku pahniehpa ta Khazohpa hmopiepa nâ liata a ypa kha, pa-ia awpa ta ei cha pahnosa heih.

HEBRAI 10:32

Châhrasala nama daihti hmiatuapa liata, nopavâhsapa ta nama y khai tawhta thata pasa nama taona nohzy kha a thei tyh muh vy.

HEBRAI 13:9

Pachuna nanopa nata noâhchhihpazy ta paviasapa ta y khuh vy. Palôh he niedo ta thapatlô awpa châ leipa ta, ngiachhiena ta thapatlô awpa tlao a châ. Niedo kyh sai ta a tymâkheipazy châta niedo ta athôhna tlôkhei hlei vei.

1 PITY 5:10

Ngiachhiena zydua Khazohpa, a chhâzaw rônahna to awpa ta Krista liata châ awtuhpa ei chata, bohpi leipa pasa nama tao khai tawhta, cha paduapathi aw ei ta, cha pa-ipa ta tha cha patlô aw ei ta, a cha padua aw ei.

1 PITY 5:12

Unawh ngâchhihpa ta ei pachâpa Silvanâ baona ta nâmo lâ pasyuna châ chyuta vaw roh na ta, cha cha Khazohpa ngiachhiena hmeiseihpa a châ tahpa ei reih. Cha liana chata â ipa ta a duah muh vy.

2 PITY 1:13

Sapa pôhpa ta ei y chhôh zydua cha, cha pahnosa chanei tyh ta, nama tha cha pathyu awpa cha, hmo phapa a châpa ta ei pahno.

2 PITY 1:15

Ei sie tawh chhao ta, cha hmozy cha khâ namâ thei thlâh nawpa ta ei tei lylia aw.

2 PITY 3:1

Kho ngaitapa saih u, he he nama hnohta châpaphaopa ei no ei vaw rona a châ haw. A miano ta, nama pahno chiehpa pahno heih ta, nama palôh pathaihpa tha pathyu nawpa ta ei ropa a châ.

2 PITY 3:17

Chavâta kho ngaitapa saih u, nâmo la, cha bie cha nama pahno hapa vâta a vaih teh u. Chataleipatala ryhpa papeisaleituhpazy paraona liata a chhipa châ aw ei chi ta, nama duahmo a ipa nama paosai pathlei aw.

1 ZAWHÂNA 2:21

Biehmeiseihpa nama pahno leipa vâta, nâmo lâ châ a vaw rohpa châ leipa na ta, biehmeiseihpa pahno ei chi ta, biehmeiseihpa tawhta haipa a pua beih leipa vâta ei vaw ropa a châ.

2 ZAWHÂNA 1:2

Biehmeiseihpa cha keimo liata y ta, chhâzaw ta eima hnohta a y aw.

ZUDÂH 1:17

Kho ngaitapa saih u, nâmo deikua la, eima Beipa Zisu Krista lyuhchâpazy bie chhochhieliepa kha a thei thlâh ha muh vy.

ZUDÂH 1:3

Kho ngaitapa saih u, mo to ta pachhana eima topa thâtih nama hnohta ro awpa ei kho kaw nota, mopathaihpazy hnohta chhâzaw châta ei kha piepa ngiapâna a duakhei lymâ awpa ta, nâmo lâ ahawna tao awpa â ngiahpa ta ei pahno.

ZUDÂH 1:5

Nama pahno chiehpa a châ tarawpa ta, he bie he ei cha chho chanei khoh heih ei. Phopi miakha cha Zisu ta Izi râh tawhta pachha papua ta, a hnôhlâ ta a ngiapâleipazy a pahleipadia lilaw ei.