2 PITY 1:1 - Mara Bible RV (BSI)

¹ Zisu Krista chakaotuhpa nata lyuhchâpa Saimaw Pity ta Zisu Krista eima Khazohpa nata Pachhatuhpa siana vâta keimo topa hawhpa ngiapâna sôh ngaitapa a to hrapazy ei châ naoh ei.

2 PITY 1:1 ပူးပေါင်းရင်းမြစ်များ

ISAI 12:2

Moh teh u, Khazohpa cha ei pachhana châ ta, Ano cha ngâ aw na ta, chi aw va na. Abeipa, Abeipa tlai cha ei tha­tlôna nata ei hla châ ta, Ano cha ei pachhana a châ.”

ZEREMIAH 33:16

Cha nohzy liata, Zudâh cha pachhapa châ aw ta, Zerusale chhao â bohpa ta a y aw. A moh cha ‘Zehôvâh Sidkenu,’ a châ aw.

MATHAI 10:2

Lyuhchâpa pahrawh hleinozy moh cha hezy he ama cha: A hmiatua chai ta, Saimaw, Pity ama bipa nata a unawhpa Adaru; Zebâdi sawchapawpa Zâmie nata a unawhpa Zawhâna;

MATHAI 4:18

Kâlili Tipo kiah liata a sie hai nota, unawh pano, Saimaw, Pity ama tahpa nata a unawhpa Adaru zy cha tilaipi liata sao ama vaw ngâpa hmô ta. Âmo cha nga patutuhpazy ama châ.

LUKA 1:47

Khazohpa nâ Pachhatuhpa liata ei thlahpa â ly,

LUKA 11:49

Chavâta Khazohpa sona chhao ta, ‘Ama hnohta hrohsopazy nata lyuhchâpazy tuah aw na ta, thokha thie aw ei ta, thokha ama taola aw,’ a tahpa kha a châ.

ZAWHÂNA 1:42

Adaru ta Saimaw cha Zisu lâ a chhi ta, Zisu ta ano cha vaw moh ta, “Zawhâna sawchapawpa Saimaw na châ, Kephâ ama cha tah ha bâ aw,” tah ta. Kephâ cha Pity tahna a châ.

ZAWHÂNA 12:26

Ahy rai eina chakao khiahta la, na zi mawh sy. Nâ chakaotuhpa cha ei yna liata a y hra aw. Ahy rai eina chakao khiahta la, ano cha Paw ta a palyupalih aw.

ZAWHÂNA 20:21

Zisu ta ama hnohta, “Nama chô liata thlalôhna y mawh sy. Paw ta kei eina tuapa hawhta, kei ta nâmo ei cha tuah ei,” tah heih ta.

HMOTAOPAZY 15:14

Khazohpa ta Zenitaizy hry tawhta ano moh a phaohpa phopi padua awpa ta, âmo lâ a tly tua nota thâtih kha Simeôna ta miah a chho haw.

RAWMA 1:1

Pawla, Zisu Krista chakaotuhpa, lyuhchâpa châ awpa ta awpa nata Khazohpa thâtihpha châta pananopa ta, he châpaphaopa he a roh.

RAWMA 1:12

Chatanachata namâ ngiapâna nata ei ngiapâna hmâpa ta, eimâ ngiapâna tha eimâ patlô raihrie thei aw.

RAWMA 1:17

“Mosiapa cha ngiapâna ta a hroh aw,” tahpa ropa hawhta, thâtihpha liana chata Khazohpa siana a vaw luah ta, cha siana cha âthaona tawhta achhâna taihta ngiapâna vâta a ypa a châ.

1 KAWRINI 1:30

Nâmo deikua cha, ano zawhzi ta Krista Zisu liata nama y. Ano cha keimo châta Khazohpa tawhta sona vaw châ ta, eima siana, pathaihna nata chatlaina a châ hra.

1 KAWRINI 15:9

Kei la lyuhchâpazy hry liata chyh chaipa châ na ta, Khazohpa Awnanopa ei taolapa vâta, lyuhchâpa ta bi tlâh chhao châ va na.

1 KAWRINI 9:1

Khotalaipa châ va na mâ? Lyuhchâpa châ va na mâ? Eima Beipa Zisu hmô ha va na mâ? Nâmo cha Abeipa liata ei raihria theilâpa châ veih ei chi mâ?

2 KAWRINI 4:13

“A ngiapâ na ta, chavâta ei reih,” tahpa ropa hawhta, keimo chhao, cha ngiapâna thlahpa cha hneipa ta, a ngiapâ pi ta, chavâta eima reih.

2 KAWRINI 5:21

Krista zawhzi ta Khazohpa siana eimâ hly thei nawpa ta, moleina rai a hnei leipa cha, Khazohpa ta keimo vâta moleipa ta a tao.

KALATIA 2:8

Chopawtaipazy lyuhchâpa Pity chakaona liata rai a hriapa Khazohpa ta, kei, Zenitaizy lyuhchâpa chakaona liata chhao a hria hra.

EPHESI 3:5

Cha thâtihpha bienyupa cha, tahmâ nota a lyuhchâpa pathaihpazy nata a hrohsopa pathaihpazy hnohta Thlahpa ta a pahnosapa hawhna heta, kha hlâta chyhsa sawzy hnohta pahnosapa châ beih vei.

EPHESI 4:11

Chatanachata thokha lyuhchâpa châ awpa ta, thokha hrohsopa châ awpa ta, thokha biechhotuhpa châ awpa ta, thokha mietaku vaituhpa châ awpa nata thokha pachutuhpa châ awpa ta Krista ta a rao ei.

EPHESI 4:5

Abeipa pakha, ngiapâna miakha, bâtina miakha nata

PHILIPI 1:1

Pawla nata Timawthy, Krista Zisu chakaotuhpazy ta Philipi khih liata a ypa Krista Zisu liata mopathaihpazy, Awnanopa chhituhpazy nata chakaotuhpazy eima châ naoh.

PHILIPI 1:29

Krista namâ ngiapâpa dei châ leipa ta, ano vâta pasa nama tao awpa chhao pasaipa châ tlôh ta.

PHILIPI 3:9

Ryhpa bie zyhpa vâta siana keima liata hnei leipa na ta, Krista ngiapâna vâta siana a hneipa ei châ. Cha siana cha Khazohpa tawhta a puapa châ ta, ngiapâna vâta hnei theipa deita a châ. Chavâta Krista liata ei y thei nawpa ta, hmo to kyna ta ei rao khai haw.

2 TIMAWTHY 1:5

Ngiapâna hmeiseihpa a hneipa na châzie ei pahno. Cha ngiapâna cha na manô Lôisi liata y tua ta, na nô Unisi liata y heih ta, tahmâ nâma liata chhao a y tahpa a siapa ta ei pahno.

TITU 1:1

Kei, Pawla he Khazohpa ta â tlyhpa chyhsazy angiapâna châta nata Khazohpa pachâna lâ a chhihthapa biehmeiseihpa pahnona châta Khazohpa chakaotuhpa nata Zisu Krista lyuhchâpa ei châ.

TITU 1:4

ngiapâna miakhapa liata ei saw hmeiseihpa Titu ei châ naoh. Paw Khazohpa nata Krista Zisu miah Pachhatuhpa tawhta ngiachhiena nata thlalôhna na hnohta y mawh sy.

TITU 2:13

eima Khazohpa rônahpa nata Pachhatuhpa Zisu Krista â vaw luahna hnabeiseihna lychhihpa hâ awpa ta miah a pachu.

ZÂMIE 1:1

Khazohpa nata Abeipa Zisu Krista chakaotuhpa Zâmie ta chi hrawh hleino paipatlapazy ei châ naoh ei.

1 PITY 1:1

Zisu Krista lyuhchâpa Pity ta Pawntu, Kalatia, Kâpadôkia, Asia nata Bithunia râhzy liata paipatlapa ta a ypa atlyhpa sahlao,

1 PITY 1:7

Chatanachata pasiapa ta a ypa namâ ngiapâna cha, mei ta pasiapa ngôh hlâta sôh viapa ngiapâna hmeiseihpa a châzie a lâ aw ta, Zisu Krista â vaw luah tita reithaina nata palyupalihna nata rônahna zy nama to aw.

1 PITY 2:7

Chavâta Krista cha nâmo, ngiapâtuhpazy châta hmo sôh ngaitapa châ ta, ngiapâleipazy châta deikua cha, “O satuhpazy kho leipa alô cha, A ki liata alô phahnai chaipa a vaw châ haw;

1 PITY 5:1

Nama hry liata Awnanopa chhituhpazy kha, kei, nama chhituh heihpa, Krista pasa taonazy a pahnotuhpa nata rônahna a vaw luah awpa a to hra awpa heta ei cha pasyu ei.

2 PITY 1:4

Chatanachata a bietai sôh ngaitapa nata rônah ngaitapazy miah pie ta, chazy zawhzi ta moleina aohraohna vâta khizaw liata paraona a ypa cha a râsaipa ta, Khazohpa nôchâ a hlytuhpazy nama vaw châ haw.

ZUDÂH 1:1

Zisu Krista chakaotuhpa nata Zâmie unawhpa Zudâh ta Paw Khazohpa liata kyhpachâpa nata Zisu Krista châta awpa nata vaipa sahlaozy ei châ naoh ei.