2 KAWRINI 9:8 - Mara Bible RV (BSI)

⁸ Khazohpa ta ngiachhiena hluhpi nama chô liata vaohei thei ta, chatanachata khati no rai ta hmo to namâ ngiahpa hawhta hnei aw ei chi ta, raihria phapa hluhpi nama hria thei aw,

2 KAWRINI 9:8 ပူးပေါင်းရင်းမြစ်များ

2 THÂTIHZYRONA 25:9

Amazia ta Khazohpa chyhsa hnohta, “Cha hawhpa khiah, Izarei pheisaihzy ei pie hapa talent 100 kha kheihta ei tao aw?” tah ta. Khazohpa chyhsa ta, “Abeipa ta kha hlâta hluh via a cha pie thei,” tah ta.

HLAZY 84:11

Zehôvâh Khazohpa cha noh nata vyhphao châ ta, Abeipa cha khokheina nata palyupalihna a pietuhpa a châ. Âdopa ta a ypazy châta cha, Hmo phapa thlyu aw vei.

BIESOZY 10:22

Abeipa byhnâ cha chyhsa pahneirôhsa ta, Pachârôhna baichha tyh vei.

BIESOZY 11:24

A saipa ta hiepatlapa cha pôh rilina châ ta, Byuhpa hleikhô ta riakhiehpa deikua cha phahlana a châ.

BIESOZY 28:27

Dyhchhiepa a pietuhpa cha a phahla leipa aw ta, A mo a pasopa deikua cha chhiesana thata â tyh aw.

BIESOZY 3:9

Na hneina ta Abeipa palyupalih la, Na kôvei a daih tuachaipa zydua ta Abeipa cha palyupalih mah y.

HÂKAI 2:8

‘Tâkâ cha kei eih châ ta, ngôh chhao kei eih a châ,’ Pheisaihzy Abeipa ta a tah.

MALAKHAI 3:10

Ei o liata nie awpa a y thei nawpa ta, su hrawh su kha zydua cha thyupakhyna o liata vaw cheih teh u. Cha hawhta nama tao khiahta cha, nama châta vârâh opyzy pahypa ta, nama so nawpa a y khao leina taihta byhnâzy ei cha vaohei ei ma, vaohei veih ei ma, na pasia teh u,” Pheisaihzy Abeipa ta a tah.

HMOTAOPAZY 9:36

Zôpâ liata Tâbi ama tahpa pachupa pakha y ta. A Krikâh moh cha Dawkâsi a châ. Cha chanô cha hmotao phapa nata hmopiepa ta chakaona kyh liata a piepasai ngaitapa châ ta.

1 KAWRINI 15:58

Chavâta unawh kho ngaitapazy saih u, â ipa ta a duah u la, papie thei lei awpa ta a pachyu teh u. Nama hriapasana cha Abeipa liata hraoleipa châ vei tahpa pahnopa ta, Abeipa raihria cha phahnai ngiah ngaitapa ta hria lymâ teh u.

2 KAWRINI 13:3

Keima hmâpa ta Krista ta bie a reih ma tahpa pasiana nama tluapa cha nama hmô aw. Ano cha nama chô liata hmotaona kyh liata chiehleipa châ vei. Hmotaothei ngaitapa ta nama hry liata a ypa a châ.

2 KAWRINI 8:19

Cha dei châ vei, Abeipa rônah nawpa nata saiheina eima hneipazy palâsa awpa ta, ngiachhie chakaona rai eima hriana liata miah sielâh awpa ta, ano cha Awnanopazy ta ama raopa a châ.

2 KAWRINI 8:2

Rietheina hluhpi ta pasiapa ama châpa chhao ta, amâ lyna khô pathlah ta; dyhchhie kawpa ta ama ypa chhao ta, amâ pasaina a bie pakhô.

2 KAWRINI 8:7

Kyh to liata nama tao pha ngaita. Ngiapâna, bie rei thaina, pahnona nata phahnai ngiahna zy liata tao pha kaw ei chi ta, kyh miah nama pachâna zy liata chhao nama tao pha ngaita. Hmopiepa ta ngiachhie chakaona raihria liata chhao tao pha a chhuah teh u.

2 KAWRINI 9:11

Kyh to liata riaphapa nama châ thei nawpa ta, kao to liata pahneirôhsapa ta y aw ei chi ta, nama riaphana chata keimo hmâpa ta Khazohpa lâ alyna biereina a sa papua aw.

EPHESI 2:10

Hmo pha tao awpa ta, Khazohpa ta Krista Zisu liata miah a tao. Cha hmo pha tao awpa cha, eima chânazie awpa ta Khazohpa ta â vaw chhuanoh chhieliepa a châ.

EPHESI 3:20

Tahmâ keimo liata a hria tyhpa hmotaotheina lymâ hawhta, eima hiapa nata pachâpa zydua hlâta tha via syulyu ta a tao theituhpa Khazohpa hnohta,

PHILIPI 4:11

Ei phahlana kyh a reihpa châ va na. Kei la kheihawhpa duahmo lia rai y aw sah la, palôhtlâh ei pao lymâ.

KAOLAOSÂ 1:10

Chatanachata Abeipa hmâ tlâhpa chyhsa châ aw ei chi ta, kyh to liata ano palôh patlâhpa ta, raihria to liata pathei aw ei chi ta, Khazohpa pahnona liata nama laiseih rili aw.

2 THYSALAWNIKA 2:17

nama palôhzy thlah cha palôh ei sala, raihria phapa nata bie phapa to châta cha padua mawh ei sy.

2 TIMAWTHY 2:21

Chavâta chyhsa ta hmobaoh sôh lei viapazy tawhta anosasyh â pathaisa khiahta cha, hmobaoh sôhpa vaw châ aw ta, hmobaoh pathaihpa châ awpa ta pananopa, Abeipa hmâ tlâhpa nata raihria phapa to châta a mâ chiehpa ta a ypa a châ aw.

2 TIMAWTHY 3:17

Chatanachata Khazohpa chyhsa cha pakipa ta y aw ta, raihria phapa to châta tobipa ta a y aw.

TITU 2:14

Ano cha paraona zydua tawhta miah chatlaituhpa châ ta, hmo pha taona kyh liata phahnai a ngiahpa, a ryuto phopi châta miah pathaisa awpa ta, anosasyh ta keimo châta a hlâpa a châ.

TITU 3:14

Eima chyhsazy cha pathei leipa ta ama y lei nawpa ta, bao ngiahpazy bao ei sala, hmo pha taona liata a hmâ lymâ awpa ta a chu mawh ei sy.

TITU 3:8

Khazohpa a ngiapâpazy cha hmo pha taona liata a hmâh lymâ mawh ei sy, tahpa bie cha ngâ tlâhpa châ ta, cha bie cha na reih lymâ awpa ei khoh. Cha cha hmo phapa châ ta, chyhsazy ta amâ thôkhei aw.

1 PITY 4:10

Chyhsa to hmopiepa to chyu ei chi ta, Khazohpa ngiachhiena nanopa nama topazy a châpa pahnopa ta, hmopiepa nama topazy cha a chakao raihrie nawpa châta hmâh teh u.