2 KAWRINI 9:7 - Mara Bible RV (BSI)

⁷ Chyhsa to pasai leina chôta pie leipa ta, pie lei thei lei awpa hawhta pachâpa ta pie hra leipa ta, ama palôh ta amâ chhuahpa hawhta pie chyu mawh ei sy. Khazohpa ta a ly ngaitapa ta a pietuhpa kyh a pachâ.

2 KAWRINI 9:7 ပူးပေါင်းရင်းမြစ်များ

1 THÂTIHZYRONA 29:17

Ei Khazohpa y, nâ cha palôh mohpasia chi ta, adona liata nâ ly tahpa ei pahno. Palôh dopa phaopa ta, he hmozy he keima lôhthai tlai ta ei vaw hlâ. He liata a ypa na chyhsazy chhao heta âmo lôhthai tlai ta, a ly ngaitapa ta ama cha vaw hlâ tahpa ei hmô.

1 THÂTIHZYRONA 29:9

Âmo khopasana tlai ta ama piepa a châpa vâta zawpizy cha amâ ly ngaita. Pathipalôh tlokhuh ta Khazohpa lâ âmo lôhthai ta ama piepa a châ. Bei Dâvi chhao â ly ngaita.

PUASAINA 25:2

“Izarei sawzy hnohta bie reih la, thyuna sôh na hlâ awpa ta âmo cha chho mah y. Pie khohna palôh hneipa ta a piepazy tawhta keima châta thyuna sôh nama la awpa a châ.

PUASAINA 35:5

Nama hry tawhta Abeipa châta thyuna vaw cheih teh u. Abeipa châta thyuna pie khohna palôh a hneipa maihta thyuna cha vaw cheih ei sala, ngôhzy, tâkâzy, dawhzy;

BIESOZY 11:25

Chyhsa riaphapa cha a dyh pha aw ta, Ti a baotuhpa cha anosasyh â baopa a châ.

BIESOZY 22:9

Chyhsa riaphapa cha sipasapazy niedo â chhaih tyhpa vâ ei ta, Vânoh a to aw.

ISAI 32:5

Ahrupa cha zachhihpa tah khao leipa aw ei ta, Moleipa chhao ngâchhihpa tah khao aw veih ei.

ISAI 32:8

Zachhihpa deikua cha, Zachhihpa hmozy pachhuahpanoh ta, Zachhihpa hmozy liata â duah tyh.

HMOTAOPAZY 20:35

Abeipa Zisu ta, ‘Pietuhpa châpa cha daotuhpa châpa hlâta byhnâ a y via,’ tahpa bie a reipa kha a thei thlâh hapa ta, cha hawhta hriapasapa ta chiehleipazy eima bao awpa a châzie, kao to ta ei cha pamosa tyh ei,” tah ta.

RAWMA 12:8

pasyutuhpa ta pasyuna bie reih sala, hmopietuhpa ta riapha ngaitapa ta pie sala, ryureituhpa ta tiamapa ta ryureih sala, ngiachhiena rai hriatuhpa ta a ly ngaitapa ta hria mawh sy.

2 KAWRINI 8:12

Pie khohna a y khiahta cha, chyhsa ta a hnei leipa châ leipa ta, a hneipa nata â phuhpa ta a piepa cha a pyh tlâh a châ.

RYHPACHANEINA 15:14

Nama mietaku zaw, nama sawhri nata nama kresawhti saohpazy tawhta mochhih leipa ta nama pie awpa a châ. Abeipa nama Khazohpa ta byhnâ a cha piepa hawh ei ta, âmo chhao nama pie hra awpa a châ.

PHILEMAW 1:14

Châhrasala na hmo pha tao awpa cha, pataosa raruahpa châ leipa ta, nâma lôhthai tlai ta a taopa na châ awpa ei khohpa vâta, na bie leipa ta khâpa hmah tao awpa khoh va na.

ZÂMIE 5:9

Unawh saih u, seipa ta nama y lei nawpa ta, nâmo nata nâmo a paphôh thlu khuh vy. Moh tua u, Ryureituhpa cha ochhi thaby liata â duah thlâh haw.

1 PITY 4:9

A pasô raihrie u la, paphôh khuh vy.