2 KAWRINI 9:15 - Mara Bible RV (BSI)

¹⁵ A hmosaipiepa rei tiah leipa vâta Khazohpa hnohta alyna bie y mawh sy!

2 KAWRINI 9:15 ပူးပေါင်းရင်းမြစ်များ

1 THÂTIHZYRONA 16:35

“Hy eima pachhana Khazohpa y, Miah pachha la, Râh to tawhta miah pakhy la, Miah chatlai mah y; Chatanachata na moh pathaihpa lâ alyna bie reih aw pi ta, Na rônahna eima reithai aw.

1 THÂTIHZYRONA 16:8

Abeipa lâ alyna bie hlâpa ta a moh pado u la, Phopizy hry liata a hmotaopazy pahnosa teh u!

HLAZY 30:12

Ei hrona tlokhuh ta na reithaina hla sa aw na ta, A chalih aw va na; Hy Abeipa ei Khazohpa, Tlyzaw ta alyna bie ei cha hlâ aw.

HLAZY 30:4

Hy a mopathaihpazy saih u, Abeipa reithaipa ta sa u la; A moh pathaihpa lâ alyna bie hlâ teh u.

HLAZY 92:1

Abeipa lâta alyna bie reipa cha pha ta, Hy Chônôchaipa, na moh reithaipa ta sapa cha a pha na.

ISAI 49:6

“Zakaw chizy paduapathi ta, Izarei saw pahlôhpazy a vaw chhi pakhua awpa ta, Nâ chakaotuhpa na châ awpa cha, Hmo chyhpata mah a châ tâh. Râhzy pakhaihsatuhpa ta cha tao aw na ta, Ei pachhana cha, Khizaw kaokih taihta patlôsapa a châ aw.”

ISAI 9:6

Eima châta hawti vaw pih ta, Sawchapaw piepa eima châ haw. A ngiatlâh liata ryureina pahniehpa châ aw ta, A moh cha Ryhraotuh Noâhchhihpa, Kha­zoh Thatlôpa, Chhâzaw Paw, Dyhna Beipa bipa a châ aw.

LUKA 2:14

“Khazoh Chônôchaipa hnohta rônahna y sala, Lei chô liata â lypa chyhsazy hnohta thlalôhna y mawh sy!” tah ei ta.

LUKA 2:38

Cha daihti lia tlai ta, Anâ cha a vy ta, Khazohpa lâ alyna bie reih ta, Zerusale chatlaina a hâtuhpa zydua hnohta Zisu thâtih cha chho ta.

ZAWHÂNA 1:16

Ano pakina tawhta ngiachhiena to chyu pi ta, cha cha ngiachhiena chôta ngiachhie pachhuahna a châ.

ZAWHÂNA 3:16

“Khazohpa ta khizaw kyh pachâ ngaita ta, chatanachata a Sawchapaw matlupa pie ta, ahy rai ano a ngiapâpa maih cha leidia leipa ta, chhâzaw hrona tlao ama hnei aw.

RAWMA 5:15

Châhrasala hmosaipiepa cha moleina nata a lyu vei. Chyhsa pakha moleina vâta hmahta chyhsa hluhpi ama thi khiahta cha, Khazohpa ngiachhiena nata chyhsa pakha, Zisu Krista ngiachhiena hmosaipiepa chhochhi cha, chyhsa hluhpi chô liata vaoheipa ta a y tlai aw.

RAWMA 6:23

Moleina hlao cha thina châ tlôh ta, Khazohpa hmosaipiepa deikua cha, eima Beipa Krista Zisu zawhzi ta chhâzaw hrona a châ.

RAWMA 8:32

A Sawchapawpa tlai chhao pahlôh leipa ta, eima zydua châta a pietuhpa chata, ato a saipa ta miah pie hra aw vei mâ?

1 KAWRINI 15:57

Châhrasala eima Beipa Zisu Krista zawhzi ta pahniena miah pietuhpa Khazohpa cha reithaipa ta y mawh sy.

2 KAWRINI 2:14

Krista liata pahniena ta khâ miah a chhituhpa nata keimo hmâpa ta su to liata ano pahnona ropahâhpa a patheisatuhpa Khazohpa cha reithaipa ta y mawh sy.

2 KAWRINI 9:11

Kyh to liata riaphapa nama châ thei nawpa ta, kao to liata pahneirôhsapa ta y aw ei chi ta, nama riaphana chata keimo hmâpa ta Khazohpa lâ alyna biereina a sa papua aw.

2 KAWRINI 9:14

Nama chô liata Khazohpa ngiachhiena rônahpa vâta, Zerusale liata mopathaihpazy ta cha vâ kaw aw ei ta, thlah ama chhâpa tyh aw.

EPHESI 5:20

Eima Beipa Zisu Krista moh ta, ato liata Paw Khazohpa hnohta alyna bie khâ reih u la,

ZÂMIE 1:17

Hmosaipiepa phapa nata hmosaipiepa pakipa zydua cha chô lâ tawhta a zupa châ ta, khaihpazy Paw tawhta a zupa a châ. Ano liata ananona nata nohpahlipa y vei.

BIEPHUAH 4:9

Hmohrohneipazy ta beidyuchhai liata atyuhpa, chhâzaw nata tlyzaw ta a hroh thlâhpa cha parônahsapa ta palyupalih ei ta, alyna bie ama reina maihta,