2 KAWRINI 9:11 - Mara Bible RV (BSI)

¹¹ Kyh to liata riaphapa nama châ thei nawpa ta, kao to liata pahneirôhsapa ta y aw ei chi ta, nama riaphana chata keimo hmâpa ta Khazohpa lâ alyna biereina a sa papua aw.

2 KAWRINI 9:11 ပူးပေါင်းရင်းမြစ်များ

2 THÂTIHZYRONA 31:10

Zadô pathla, theihthai beipa Azariah ta a chhy ta, “Zawpizy ta thyunazy Abeipa o lâ ama vaw chei tua noh tawhta nie awpa hnei lymâ pi ta, ativy kawpa ta y pi ta, laibâhpa chhao a hluhpi a y. Abeipa ta a phopi byhnâ pie ta, chavâta nie laibâhpa hluhpi eima hnei,” tah ta.

MATHAI 20:15

Kei eih châ ta, kei eih cha ei khozie hawhta tao thei va na ma? Ei riaphapa ma na hiatlia kaw?’ tah ta.

MATHAI 25:17

Cha hawhna hra chata talent miano a vaotuhpa chhao, talent miano papôhsa ta.

RAWMA 12:8

pasyutuhpa ta pasyuna bie reih sala, hmopietuhpa ta riapha ngaitapa ta pie sala, ryureituhpa ta tiamapa ta ryureih sala, ngiachhiena rai hriatuhpa ta a ly ngaitapa ta hria mawh sy.

1 KAWRINI 1:5

Ano vâta biereina kyh nata pahnona kyh zydua liata, kyh to liata pahneirôhsapa ta nama y.

2 KAWRINI 1:11

Chyhsa hluhpi thlahchhâna vâta byhnâ to pi ta, chyhsa hluhpi ta keimo vyuhpa ta alyna bie ama rei thei nawpa ta, thlahchhâ miah bao muh vy.

2 KAWRINI 4:15

Cha zydua cha nama pha nawpa châ ta, chatanachata ngiachhiena cha chyhsazy hry liata pôh via lymâ aw ta, Khazohpa rônah nawpa ta alyna bie reina chhao a pôh via rili aw.

2 KAWRINI 8:16

Kei ta nama châta phahnai ei ngiahpa hawhta, Titu liata phahnai ngiahna a pahneisatuhpa Khazohpa cha reithaipa ta y mawh sy.

2 KAWRINI 8:19

Cha dei châ vei, Abeipa rônah nawpa nata saiheina eima hneipazy palâsa awpa ta, ngiachhie chakaona rai eima hriana liata miah sielâh awpa ta, ano cha Awnanopazy ta ama raopa a châ.

2 KAWRINI 9:12

Cha deichhy chakaona raihria cha, mopathaihpazy phahlana pazaona dei châ leipa ta, Khazohpa lâta alyna biereina hluhpi a paysatuhpa a châ hra.