2 KAWRINI 8:7 - Mara Bible RV (BSI)

⁷ Kyh to liata nama tao pha ngaita. Ngiapâna, bie rei thaina, pahnona nata phahnai ngiahna zy liata tao pha kaw ei chi ta, kyh miah nama pachâna zy liata chhao nama tao pha ngaita. Hmopiepa ta ngiachhie chakaona raihria liata chhao tao pha a chhuah teh u.

2 KAWRINI 8:7 ပူးပေါင်းရင်းမြစ်များ

MATHAI 25:22

Talent miano a pavaosapa chhao kha a vy ta, a hnohta, ‘Ei zibeipa, talent miano eina pavaosapa chi kha, moh teh, talent hropa miano ei papôhsa,’ tah ta.

RAWMA 15:14

Unawh saih u, phana ta bie ei chi ta, sona to hnei ei chi ta, namâ pachu raihrie thei, tahpa keima tlai ta a siapa ta ei pahno.

1 KAWRINI 1:5

Ano vâta biereina kyh nata pahnona kyh zydua liata, kyh to liata pahneirôhsapa ta nama y.

1 KAWRINI 12:13

Eima zydua ta, Zuzy chhao, Krikâhzy chhao, sei chhao, khotalaipa chhao, pôhpa miakha châ awpa ta Thlahpa miakha ta bâti pachâsapa châ pi ta, Thlahpa miakha tawhta padosapa eima châ khai.

1 KAWRINI 12:8

Chyhsa pakha hnohta Thlahpa liata sona bie piepa châ ta, chyhsa hropa hnohta Thlahpa lia lilaw ta pahnona bie piepa a châ.

1 KAWRINI 13:2

Hrohsona hmopiepa hneipa ta, bienyupa zydua nata pahnona zydua hnei khai hraw sah la, tlâhzy pasie theina taihta ngiapâna pakipa hnei hraw sah la, kyhpachâna ei hnei tlôh leipa khiahta la, khâpa hmah châ va na.

1 KAWRINI 13:8

Kyhpachâna cha chhâ beih aw vei. Hrohsona biezy chhâpa ta, reihtheileipazy dia aw ta, novâhnazy a lei aw.

1 KAWRINI 14:12

Cha hawha chara nâmo chhao Thlahpa hmopiepa to awpa nama tlaichhai kawpazy cha, Awnanopa thapatlô nawpa ta tlaichhai u la, tlua muh vy.

1 KAWRINI 4:7

Ahy ma mohropazy nata ananopa ta châ tao? Na dao leipa hmo khâpa na hnei? Na daopa a châ tlôh khiahta cha, khazia daopa a châ leipa hmo hawhta nâ palaikhei?

2 KAWRINI 7:7

Titu vaw tlôpa vâ dei châ vei. Ano thlah nama palôhpa cha keimo thlah miah a palôhpa nama châ hra. Na vâ ngaita ei chi ta, riethei ei taona liata na taokhei ei chi ta, ei châta phahnai namâ ngiahzie zy miah chho ta, eina palysa via pachai.

2 KAWRINI 8:6

Chatanachata ngiachhie chakaona sôh thyuna nama hry liata a vaw pathao hapa kha, patlô awpa ta Titu eimâ haw.

2 KAWRINI 9:14

Nama chô liata Khazohpa ngiachhiena rônahpa vâta, Zerusale liata mopathaihpazy ta cha vâ kaw aw ei ta, thlah ama chhâpa tyh aw.

2 KAWRINI 9:8

Khazohpa ta ngiachhiena hluhpi nama chô liata vaohei thei ta, chatanachata khati no rai ta hmo to namâ ngiahpa hawhta hnei aw ei chi ta, raihria phapa hluhpi nama hria thei aw,

EPHESI 4:29

Bie pha leipa rai nama pakah tawhta pua khah sy. Chyhsa taopathi nawpa bie deita, a daihti nata su a hmiepa ta, nama pakah tawhta pua mawh sy. Chatanachata a theituhpazy châta ngiachhiena ama tona a châ aw.

PHILIPI 1:11

Khazohpa rônah nawpa nata reithai nawpa ta, Zisu Krista zawhzi ta a patheipa siana thei ta pabiepa nama châ aw.

PHILIPI 1:9

Nama kyhpachâna pôh via rili sala, novâhna nata pahnona zydua liata nama laiseih thei nawpa ta thlah ei chhâ tyh.

2 THYSALAWNIKA 1:3

Unawh saih u, nâmo vâta Khazohpa hnohta alyna bie khâ a reih awpa eima châ. Cha cha eima tao awpa rai a châ. Ngiapâna kyh liata thata laiseih ei chi ta, kyh namâ pachâ raihriena mo to liata a pôh rili.

2 TIMAWTHY 2:1

Chavâta nâ, ei saw y, Krista Zisu liata ngiachhiena a ypa liata thatlôpa ta y mah y.

HEBRAI 12:28

Chatanachata khinarâh a chalyu thei leipa eima topa vâna heta, alyna châh pahno sih la, a pyh tlâhpa achhyna cha, china nata zana chôta Khazohpa lâ hlâ ei suh u,

1 PITY 1:22

Unawhzy kyhpachâna hmeiseihpa hnei awpa ta biehmeiseihpa zyh ei chi ta, nama thlahpa nama pathaisa ha tawhta cha, palôh pathaihpa nata hmeiseihpa ta kyh a pachâ raihrie muh vy.

2 PITY 3:18

Eima Beipa nata Pachhatuhpa Zisu Krista ngiachhiena nata pahnona liata laiseih lymâ teh u. Tahmâ nata chhâzaw ta Abeipa hnohta rônahna y mawh sy. Amen.

BIEPHUAH 3:17

“Sôh hluhpi a pachô ha na ta, ei hneirôh haw, khâpa hmah a phahla va na,” tah chi ta, châhrasala rietheipa, ngiachhiechhihpa, dyhchhiepa, mochaopa nata thluahruapa na châ tahpa a pahno va chi.