2 KAWRINI 8:1 - Mara Bible RV (BSI)

¹ Unawh saih u, Mâsidônia Awnanopazy hry liata Khazohpa ngiachhiena ama topa kyh nama pahno awpa eima khoh.

2 KAWRINI 8:1 ပူးပေါင်းရင်းမြစ်များ

MATHAI 25:22

Talent miano a pavaosapa chhao kha a vy ta, a hnohta, ‘Ei zibeipa, talent miano eina pavaosapa chi kha, moh teh, talent hropa miano ei papôhsa,’ tah ta.

HMOTAOPAZY 11:23

Bânabâ cha Antiôkâ tlô ta, Khazohpa ngiachhiena raihria a hmô nahta, a ly ngaita ta, achhuahna a ipa hneipa ta, Abeipa châta ngâchhih awpa ta âmo cha pasyu ta.

HMOTAOPAZY 16:9

Zâ ta Pawla ta aluahna hmô ta. Mâsidônia chyhsa pakha a vaw duah thlâh ha ta, ano chata, “Masidônia râh lâ a vy la, miah vaw bao teh,” tahpa ta a haw ta.

HMOTAOPAZY 24:17

Kô hluhpi a khô tawhta, ei chiheihzy deichhyna hmo pie awpa nata atheihna hlâ awpa ta a vy na ta.

RAWMA 15:26

Mâsidônia nata Akai râhzy ta, a ly kawpa ta Zerusale liata mopathaihpa dyhchhiepazy châta thyupakhy ei ta.

1 KAWRINI 15:10

Châhrasala Khazohpa ngiachhiena vâ deita ta, he ei châna he a to theipa ei châ. A ngiachhiena eina piepa cha hraoleipa châ vei. Cha dei châ leipa ta, lyuhchâpa zydua hlâta hriapasa via na ta, cha chhao cha keima hriapa châ leipa ta, Khazohpa ngiachhiena ei hnohta a ypa ta a hriapa tlao a châ.

2 KAWRINI 11:9

Nama hnohta y na ta, ei phahla nota ahy phaohri hmah châ beih va na. Mâsidônia râh tawhta a vypa unawhzy ta ei phahlanazy liata eina deichhy lymâ ei. Nama phao cha pahri lei awpa a chhuah na ta, cha hawhta ei tao lymâ aw.

2 KAWRINI 9:12

Cha deichhy chakaona raihria cha, mopathaihpazy phahlana pazaona dei châ leipa ta, Khazohpa lâta alyna biereina hluhpi a paysatuhpa a châ hra.

2 KAWRINI 9:2

Cha chakaona raihria châta a mâ chiehpa ta nama ypa pahno na ta, Akai râh cha zâkô tawh khata a mâh chiehpa ta ama y tahpa ta Mâsidônia mo hmiakô liata ei châ palaikhei kaw ei. Nama phahnai ngiahna ta chyhsa hluhpi palôh a pahra haw.

2 KAWRINI 9:4

Chataleipatala Mâsidônia mo ta na vaw zi ei sala, namâ mâ leipa ama cha hmô khiahta cha, eima cha ngâpa hawhta a châ leipa vâta, nâmo maophyuh leipa aw ei chi ta, keimo maophyuhna a châ aw.

EPHESI 3:8

Mopathaihpa chyh chaipa hlâta chyh viapa châ hraw sah la, pahno khai thei leipa Krista hneirôna cha, Zenitaizy hnohta chho awpa ta, cha ngiachhiena cha piepa ei châ.

KAOLAOSÂ 1:29

Cha châna chata hriapasa na ta, kei liata thatlô ngaitapa ta a hriatuhpa thatlôna zydua hmâpa ta ei tei lymâ.

1 THYSALAWNIKA 4:10

Cha tlai cha Mâsidônia râh liata unawh zydua chô liata nama taopa kha a châ. Châhrasala unawh saih u, kyhpachâna rai hria via lymâ awpa ta eima châ haw.