2 KAWRINI 7:7 - Mara Bible RV (BSI)

⁷ Titu vaw tlôpa vâ dei châ vei. Ano thlah nama palôhpa cha keimo thlah miah a palôhpa nama châ hra. Na vâ ngaita ei chi ta, riethei ei taona liata na taokhei ei chi ta, ei châta phahnai namâ ngiahzie zy miah chho ta, eina palysa via pachai.

2 KAWRINI 7:7 ပူးပေါင်းရင်းမြစ်များ

HLAZY 141:5

Mosiapa ta cha na tu mawh sy, Cha cha eina khokheipa vâta a châ; Na chhorei mawh sy, Ei luh châta sathaw châ ta, Ei luh ta dytha khah sy. Chatanachôta hmo moleipa ama taopazy a dyuh na ta, Thlah ei chhâ lymâ.

HLAZY 30:5

A hiehâhna cha buakha châ deita châ ta, A khokheina deikua cha hro chhôh châta a châ. Zâ chhôh ta chana y hra sala, My ta alyna a vaw tlô tyh.

HLAZY 38:18

Ei paraona palâhâh na ta, Ei moleina vâta pei ei tah ngaita.

HLAZY 51:1

Hy Khazohpa, na kyhpachâna tleih beih leipa vâta, Na ngiachhie la; Na zawngiahna chhâ tiah leipa vâta, Ei paraonazy a ngiahthai mah y.

MATHAI 26:75

Zisu ta, “Awh kho hlâta ei thôh einâ paphasai aw chi,” a tahpa kha, Pity ta a thei ta. Pua ta, aoh tlili ta cha ta.

MATHAI 5:4

“Pachârôhpazy ama nohlao na, thlapalôhpa ta ama y awpa vâta.

LUKA 22:44

A pachârôh ngaita ta, phahnai a ngiah via heihpa ta thlahchhâ ta. A mathlai di thisaih hawhta alei liata tla ta.

HMOTAOPAZY 11:23

Bânabâ cha Antiôkâ tlô ta, Khazohpa ngiachhiena raihria a hmô nahta, a ly ngaita ta, achhuahna a ipa hneipa ta, Abeipa châta ngâchhih awpa ta âmo cha pasyu ta.

RAWMA 1:12

Chatanachata namâ ngiapâna nata ei ngiapâna hmâpa ta, eimâ ngiapâna tha eimâ patlô raihrie thei aw.

1 KAWRINI 5:2

Nâmo deikua cha a patahtheisana ta nama hmâh cha! Mâchhiesapa ta tlao y u la, cha hawhpa hmo a taopa cha nama hry tawhta nama papua ha awpa châ vei ma?

2 KAWRINI 1:14

A rakhapa ta miah nama pahnopa kha, miah nama pahno pasia ha bâ. Chavâta eima Beipa Zisu noh liata miah a palaikhei aw ei chi ta, keimo chhao eima châ palaikhei hra aw.

2 KAWRINI 1:4

Ano cha eima riethei taona zydua liata thlah miah palôhtuhpa a châ. Chatanachata keimo chhao, Khazohpa ta thlah miah a palôhna cha hmâpa ta, rietheina kheihawhpa rai a taopazy thlah eima palôh thei hra aw.

2 KAWRINI 2:9

Cha kyh vâta châ kha ei cha vaw paphao ei, kyh to liata rei namâ ngiah nata ngiah lei ei cha pasia thei nawpa ei ta.

2 KAWRINI 5:2

Vâ atobina ta a tobi awpa vâpa ta, he lei byureih liana heta eimâ rôh tyh.

2 KAWRINI 7:6

Châhrasala palôh rietheipazy thlapalôhtuhpa Khazohpa ta Titu vaw tuah ta, thlah miah a palôh haw.

2 KAWRINI 7:8

Ei châpaphaopa vâta nama pachâ ei cha parôhsa ei tahpa vaw pahno na ta, buakha chhôh pachârôhna a châpa chhao ta, ei ngiapachhi kaw. Châhrasala a ngiapachhi khao va na.

2 KAWRINI 8:16

Kei ta nama châta phahnai ei ngiahpa hawhta, Titu liata phahnai ngiahna a pahneisatuhpa Khazohpa cha reithaipa ta y mawh sy.

PHILIPI 1:20

Maophyuhpa ta y leipa aw na ta, ei pôhpa liata Krista palyupalihpa ta a y tyhpa hawhta, thina ta tlyma, hrona ta tlyma, Krista cha ei pôhpa liata palyupalihpa ta a y aw tahpa cha, tahmâ chhao riahpha ngaitapa ta ei saduthliepa nata ei hnabeiseihpa a châ.

KAOLAOSÂ 2:5

Nama hnohta ei pôhpa ta y vei hraw sah la, thlahpa ta nama hnohta y tyh na ta, namâ mohôhna siazie nata Krista ngiapâna liata namâ izie zy ei hmôpa ta eina palysa ngaita.

1 THYSALAWNIKA 3:6

Chatanachata tahmâ Timawthy cha vaw tlô ta, namâ ngiapâna nata kyhpachâna thâtih lychhihpa miah a vaw tlôkhei. Khâ miah a thei ei chi ta, cha hmô awpa eima byuh kawpa hawhta, nâmo chhao miah hmô awpa nama byuh kawna thâtihzy miah a chho.

1 THYSALAWNIKA 3:8

Abeipa liata â ipa ta namâ duapa vâta, tahmâ cha eima hro a pahâh ha bâ.

HEBRAI 2:1

Chavâta bie eima theipazy kha eima pachâ peimawh pachai awpa a châ. Chataleipatala biezy cha eimâ sysai pathlei aw na.

ZÂMIE 5:17

Elaizâh kha keimo hawhpa nôchâ a phaohpa chyhsapa châ ta, avâ suah lei awpa ta phahnai khoh ngaitapa ta thlahchhâ ta, kô thôh nata thla charu chhôh zydua alei chô liata avâ suah khao vei.

2 ZAWHÂNA 1:4

Paw ta bie miah a piepa hawhta, na saw thokhazy biehmeiseihpa liata ama ypa hmô na ta, eina palysa ngaita.

ZUDÂH 1:3

Kho ngaitapa saih u, mo to ta pachhana eima topa thâtih nama hnohta ro awpa ei kho kaw nota, mopathaihpazy hnohta chhâzaw châta ei kha piepa ngiapâna a duakhei lymâ awpa ta, nâmo lâ ahawna tao awpa â ngiahpa ta ei pahno.