2 KAWRINI 7:4 - Mara Bible RV (BSI)

⁴ Nâmo hnohta la, riahpha kawpa ta bie ei reih ngâh. Châ palaikhei ngaita ei na ta, thlalôhna ta ei bie. Eima riethei taona zydua liata alyna ta ei khô pathlah.

2 KAWRINI 7:4 ပူးပေါင်းရင်းမြစ်များ

HMOTAOPAZY 5:41

Lyuhchâpazy cha ryureina tawhta pua ei ta, cha moh vâta maophyuhna a tao tlâhpa ta raopa ama châpa cha a ly ngaita ei ta.

RAWMA 5:3

Cha dei châ vei, eima rietheina liata chhao a lypa ta eima y. Rietheina ta tiamana tao ta,

1 KAWRINI 1:4

Krista Zisu liata Khazohpa ngiachhiena piepa nama châpa vâta, Khazohpa hnohta alyna bie khâ ei reih tyh.

2 KAWRINI 1:14

A rakhapa ta miah nama pahnopa kha, miah nama pahno pasia ha bâ. Chavâta eima Beipa Zisu noh liata miah a palaikhei aw ei chi ta, keimo chhao eima châ palaikhei hra aw.

2 KAWRINI 1:4

Ano cha eima riethei taona zydua liata thlah miah palôhtuhpa a châ. Chatanachata keimo chhao, Khazohpa ta thlah miah a palôhna cha hmâpa ta, rietheina kheihawhpa rai a taopazy thlah eima palôh thei hra aw.

2 KAWRINI 10:8

Nama rao nawpa châ leipa ta, nâmo taopathi nawpa ta Abeipa ta biehneina eina piepa he ei palaikhei pathlei hapa chhao ta, ei noza aw vei.

2 KAWRINI 11:21

He kyh liata, keimo la eima chiehlei kaw, a phih va na, ei no chhao a za kaw. Châhrasala chyhsa ta â palaikhei ngâhpa maih cha, ahrupa bie rei ta reih aw sah la, kei chhao ta ei palaikhei ngâh hra.

2 KAWRINI 2:14

Krista liata pahniena ta khâ miah a chhituhpa nata keimo hmâpa ta su to liata ano pahnona ropahâhpa a patheisatuhpa Khazohpa cha reithaipa ta y mawh sy.

2 KAWRINI 3:12

Cha hawhpa hnabeiseihna eima hneipa vâta, keimo la eima riah a pha ngaita.

2 KAWRINI 7:14

Ei châ palaikheina ei a hnohta reih tyh na ta, maophyuhpa ta y va na. Nama hnohta bie eima rei tyhpa zydua kha, biedopa a châpa hawhta, Titu hmiakô liata nâmo eima châ palaikheina chhao kha biedopa a châ.

2 KAWRINI 8:24

Chavâta he chyhsazy kyh nama pachâna cha, Awnanopazy hmiakô liata palâsa u la, eima châ palaikheina â dozie chhao, he chyhsazy chô liata vaw palâsa muh vy.

PHILIPI 1:14

Bâlia ei kypa heta unawh hluhpi Abeipa liata ama riah paphasa ta, chi khao leipa ta, riahpha viapa ta Khazohpa bie ama chho lymâ.

PHILIPI 1:20

Maophyuhpa ta y leipa aw na ta, ei pôhpa liata Krista palyupalihpa ta a y tyhpa hawhta, thina ta tlyma, hrona ta tlyma, Krista cha ei pôhpa liata palyupalihpa ta a y aw tahpa cha, tahmâ chhao riahpha ngaitapa ta ei saduthliepa nata ei hnabeiseihpa a châ.

PHILIPI 1:26

Nâmo lâ ei vy heih awpa vâta, Krista Zisu liata namâ lyna keima vâta a pôh rili aw.

PHILIPI 2:17

Dopa hlâna hawhta, namâ ngiapâna atheihna nata chakaona chô liata patlaipa ta y hraw sah la, a ly pyly na ta, nama zydua ta ei châ lykhei hra ei.

KAOLAOSÂ 1:24

Tahmâ cha nama châta pasa ei taonazy liata a ly na ta, a pôhpa, Awnanopa châta Krista pasa tao laibâhpa cha, ei sapa liata ei pazao lymâ.

1 THYSALAWNIKA 2:19

Eima Beipa Zisu â vy tita a hmiakô liata eima hnabeiseihna, eimâ lyna nata eima rônahna lakho a châ awpazy cha khâpa ma a châ aw? Nâmo châ veih ei chi ma?

1 THYSALAWNIKA 2:2

Nama pahnopa hawhta, Philipi khih liata riethei taopa ta nata maoh paphyuhsapa ta eima ypa chhao khata, eima Khazohpa ta riahphana miah pie ta, pakhâpadiena hluhpi hry liata nama hnohta Khazohpa thâtihpha eima cha vaw chho.

2 THYSALAWNIKA 1:4

Chavâta taolana namâ tyhna nata pasa nama taona zydua liata nama pachyuzie nata nama ngiapâna zy kha, Khazohpa Awnanopazy hry liata eima châ palaikhei kaw tyh.

PHILEMAW 1:7

Unawh y, nâma zawhzi ta mopathaihpazy palôh pathiehpa ta y ta, na kyhpachâna ta alyna nata thlalôhna thata eina pie.

ZÂMIE 1:2

Unawh saih u, kao to liata pasiana namâ tyh tita alyna ta rao khai teh u.