2 KAWRINI 7:3 - Mara Bible RV (BSI)

³ Cha bie cha nâmo thailei pachâsa nawpa ta ei reipa châ vei. Thi khiah thi khoh, hro khiah hroh khoh tah awpa ta, eima palôh liata khâ nama ypa kyh cha, kha hlâta ei reih haw.

2 KAWRINI 7:3 ပူးပေါင်းရင်းမြစ်များ

2 KAWRINI 11:11

Khâpa vâta maw? Kyh ei cha pachâ leipa vâ ei ta ma? Khazohpa ta a pahno!

2 KAWRINI 12:15

Kei la a ly ngaitapa ta nama thlahpa châta ei hneinazy hmâh a chhuah na ta, ei pôhpa chhao nama thlahpa châta hmâh khai ei chhuah. Thata kyh cha pachâ ei na ta, a chyhta chhâ kyh na pachâ hra aw veih ei chi ma?

2 KAWRINI 13:10

Cha vâna chata nama hnohta ei y vei nota, he biezy he ei ropa a châ. Chatanachata ei vy tita, Abeipa ta biehneina eina piepa ei hmâna kyh liata, pasa kawpa ta hmâh leipa ta ei y thei aw. Parao nawpa châta châ leipa ta, padua nawpa châta Abeipa ta biehneina eina pie.

2 KAWRINI 3:2

Nâmo he keimo châta pahnokheina châ, chyhsa zydua pahno thei awpa nata rei thei awpa ta, eima palôh liata ropa châ cha nama châ.

2 KAWRINI 7:12

Chavâta nama hnohta châpaphaopa vaw roh hraw sah la, moleina hmo a taotuhpa vâta roh leipa na ta, moleina pasa a taotuhpa vâta roh hra va na. Keimo châta phahnai namâ ngiahzie Khazohpa mohmô ta nama hnohta palâsapa ta a y thei nawpa ta ei roh.

PHILIPI 1:7

Bâlia ei kypa liata nata thâtihpha a duakheipa ta ei pa-ina kyhzy liata Khazohpa ngiachhiena ei tolâhpazy nama châpa vâta, ei palôh liata khâ nama y. Chavâta nama zydua chô liata cha hawhpa palôh ei phaopa cha, kei châta tao awpa dopa a châ.

1 THYSALAWNIKA 2:8

Eima pasôpa nata kho ngaitapa nama vaw châ hapa vâta, Khazohpa thâtihpha dei châ leipa ta, eima hrona chhao taih cha pie awpa ta eimâ mâ thlâh hapa kha.