2 KAWRINI 7:15 - Mara Bible RV (BSI)

¹⁵ Nama zydua ta reingiah ngaitapa châ ei chi ta, china nata chalyuna chôta namâ vaw lyzie â thei thlâh hapa vâta, a cha tlaichhaina ei a pôh via lymâ.

2 KAWRINI 7:15 ပူးပေါင်းရင်းမြစ်များ

ÂTHAONA 43:30

Zawsi cha a unawhpa a hmô thlâhpa cha thata a ngiahma ta, cha nawpa su tlua para ta, a chhôhpadâhpa lâ a ngia ta, cha liata cha ta.

1 ABEIZY 3:26

A sawchapaw a hrohpa nô cha, a sawchapawpa a ngiachhie ngaitapa vâta, abei hnohta, “Hy ei zibeipa y, hawti a hrohpa he ano pie thlâh ha mah y. Hawti he rie thie khah y,” tah ta. Pakhanô deikua ta, “Keima eih châ leipa sala, nâma eih chhao châ hlei hra khah sa. Tai pachhô thlâh ha teh u,” tah ta.

EZRÂ 10:9

Zudâh nata Benzami mo zydua noh thôh chhôh ta Zerusale liata a hmaohpakhy ei ta. Thla chakina, noh kihna noh ta amâ hmaohpakhy. Zawpi zydua cha Khazohpa o tlyhmia kawhpa liata a tyuh ei ta, cha biezy vâta nata vâsua ru ngaitapa vâta thata a chalyu ei ta.

EZRÂ 9:4

Cha hawhta a pachâna pahno leipa ta zâlâ atheihna hlâ daihti taihta ei tyuh thlâh nota, seichâna tawhta a vaw kuapazy paraona vâta Izarei Khazohpa bie ta a chalyupazy ei kiapâh liata a vaw hmaoh ei ta.

ZAWBÂ 21:6

Ei thei châh ta chi pathoh kaw tyh na ta, Ei pôhpa zydua â chatho khai ha tyh.

HLAZY 119:120

Ei pôhpa he nâma chipa ta a chalyu ta, Na pachianazy ei ngiaroh kaw tyh.

HLAZY 2:11

China chôta Abeipa chakao u la, Achalyuna chôta thaphapa ta y teh u.

HLAZY HLA 5:4

Ei lôhdupaw cha opy liata a ku vaw chahraoh ta, Ei chhôhso palôh eina hria ngaita.

ISAI 66:2

He hmo zydua he keima ku ta tao ta, Chatanachata he hmo zydua he a vaw ypa a châ,” Abeipa ta a tah. “A panawhpa ta a palôh liata a ngiapachhi ta, Ei bie liata a chalyupa chyhsa lâta ei mo ei padeih aw,” Abeipa ta a tah.

HÔSIA 13:1

Epharai ta bie a reih khiahta cha, Chyhsazy amâ chalyu tyh; Ano cha Izarei liata cheihchalopa a châ. Châhrasala Bâlâ vâta thailei châ ha ta, Chavâta a thi haw.

ZAWHÂNA 16:21

Chanô cha nawh â zeih nota a pachâ a rôh tyh, a daihti a tlô hapa vâta. Châhrasala nawh a pih nahta, khizaw liata chyhsa a vaw pihpa cha â ly kawpa vâta, a pachârôhna a thei khao vei.

HMOTAOPAZY 16:29

Patâhna o vaituhpa cha meiôh pado ta, thlai a ngia ta, chipa ta a chalyuna chôta Pawla nata Sila hmiakô liata â khu lâta pao ta.

1 KAWRINI 2:3

Chiehleina, china nata thata achalyuna chôta nama hry liata ei y tyh.

2 KAWRINI 2:9

Cha kyh vâta châ kha ei cha vaw paphao ei, kyh to liata rei namâ ngiah nata ngiah lei ei cha pasia thei nawpa ei ta.

2 KAWRINI 6:12

Keimo la nâmo liata khâpa hmah phih ma pi, nâmo deikua cha keimo châta a pahy veih ei chi.

EPHESI 6:5

Seizy saih u, Krista rei namâ ngiapa hawhta, palôh dopa phaopa ta, chipa nata a chalyupa ta, khizaw liata nama zibeipazy rei a ngiah teh u.

PHILIPI 1:8

Zisu Krista liata atlaichhaina ta nama zydua ei cha vânazie ei cha, Khazohpa ta eina pahnokhei.

PHILIPI 2:12

Chavâta kho ngaitapazy saih u, bie nama zyh tyhpa hawhna khata, ei y nota dei hria leipa u la, tahmâ ei y vei chhôh ta tlao hria viapa ta, chipa nata chalyupa ta nama pachhana cha hria papua teh u.

KAOLAOSÂ 3:12

Chavâta Khazohpa chyhsa atlyhpa, mopathaihpa nata kho ngaitapazy nama châpa hawhta, thapasana palôh, nôphana, areisina, nônaina nata daotheina zy ta a tobi teh u.

2 THYSALAWNIKA 3:14

Ahy rai, he châpaphaopa liata eima bie a zyh vei khiahta cha, cha chyhsa cha ngia u la, nozapa ta a y thei nawpa ta, a pahlao khuh vy.

1 ZAWHÂNA 3:17

Chyhsa ta khizaw sôh hnei thlâh ha tlôh ta, a unawhpa a phahlapa hmô sala, thapasana a hnei leipa khiahta cha, Khazohpa kyhpachâna cha ano liata kheihta a y thai aw?