2 KAWRINI 7:11 - Mara Bible RV (BSI)

¹¹ Khazohpa liata nama pachârôhna ta nâmo liata a sa papuapa hmozy he moh tua u. Phahnai ngiahna, reipasipasua hlao lei awpa khona, adona hrokhei khohna, Khazohpa china, mopathaihpazy vâna, khopasana nata ryureina dopa hmô khohna zy nâmo liata a sa papua. He kyh liata kao to liata nama pathaihzie nâmo tlai ta nama palâsa haw.

2 KAWRINI 7:11 ပူးပေါင်းရင်းမြစ်များ

NEHEMIAH 13:25

Âmo cha ra ei na ta, chhiesapa ei na ta, thokhazy cha tu ei na ta, ama sâzy phia na ta. Khazohpa moh ta bie pataihsa ei na ta, ama hnohta, “Nama sawchanôzy cha ama sawchapawzy nama pie awpa châ leipa ta, nama sawchapawzy châta tlyma, nâmo châta tlyma, ama sawchanôzy nama hnei awpa châ vei.

ZAWBÂ 42:6

Chavâta keimasasyh ta thailei a pachâ na ta, Dohlei nata buchadoh liata a tyuhpa ta ei ro haw,” tah ta.

HLAZY 119:139

Ei khakhaipazy ta na biezy ama my hapa vâta, Ei phahnai ngiahna ta eina nie khai haw.

HLAZY 130:6

Vaituhpazy ta khihdei ama hâpa hlâta tha via ta, A châ na, vaituhpazy ta khihdei ama hâpa hlâta tha viapa ta, Ei thlahpa ta ei Beipa cha a hâ.

HLAZY 145:19

Ano a chituhpazy khopa hlao patloh tyh ta, Ama awna ao thei ta a pachha tyh ei.

HLAZY 2:11

China chôta Abeipa chakao u la, Achalyuna chôta thaphapa ta y teh u.

HLAZY 35:13

Âmo ama pasa tita deikua cha, Latho poh a bu na ta; Kâhvileipa ta pasataopa ta, Ei luh a khupa ta thlah ei chhâ tyh.

HLAZY 38:9

Hy Abeipa, ei khopa hmo cha na hmiakô liata y ta, Ei hrôna chhao he nâma tawhta nyupa châ vei.

HLAZY 42:1

Sakhi vahtie ti vâpa ta a pahlapa hawhta, Hy Khazohpa, nâma vâpa ta ei hro a pahla.

HLAZY 69:9

Na o châta phahnai ei ngiahna ta na nie khai ha ta, Châ reipachhietuhpazy reipachhiena ei chô liata a tla.

BIESOZY 14:16

Asopa cha a chado kaw ta, Hmo pha leipa tao vei; Ahrupa deikua cha a riah pha kaw ta, Pachâ tua leipa ta hmo a tao tyh.

BIESOZY 28:14

Abeipa khâ a chipa chyhsa cha vânoh to aw ta, A palôh kuh khâ a pachhapa deikua cha chhiena lâ a tla aw.

HLAZY HLA 8:6

Na chachôhna liata chahnaona hawhta na soh la, Na ku liata chahnaona hawhta nâ ky mah y; Kyhpachâna cha thina tlu ta a thatlô ta, Hiatliana cha Athihkhih tlu ta â hrâh. Kyhpachâna cha meipaleih hawhta a duah ta, Meipaleih thatlô ngaitapa hawhta a duahpa a châ.

ISAI 26:8

Hy Abeipa, na lâpi dopa liata cha hâ pi ta, Na moh nata na mohphana zy he, Eima hro ta a tlaichhaipazy cha a châ.

ISAI 66:2

He hmo zydua he keima ku ta tao ta, Chatanachata he hmo zydua he a vaw ypa a châ,” Abeipa ta a tah. “A panawhpa ta a palôh liata a ngiapachhi ta, Ei bie liata a chalyupa chyhsa lâta ei mo ei padeih aw,” Abeipa ta a tah.

DÂNIAH 6:14

Abei ta cha biezy cha a thei nahta, a nôpo ngaita ta, Dâniah cha pachha awpa ta a palôh liata pathlu ta, Dâniah pachha awpa ta noh tlana taihta a theina zydua papua ta.

MÂKA 3:5

Hiehâhpa ta âmo cha moh ta, ama palôh kuhchhapa vâta a palôh pasa ngaita ta, kusypa hnohta, “Na ku pazawh teh” tah ta. A ku pazawh ta, a kusypa cha pha ha ta.

ZAWHÂNA 2:17

A pachupazy ta, “Na o châta phahnai ei ngiahna ta eina nie khai aw,” tahpa ropa bie a vaw thei ei ta.

HMOTAOPAZY 17:16

Pawla cha Atheni liata Sila nata Timawthy a hâ chhôhta, khihpi cha khazoh nothlahpa ta a bie thlâh hapa hmô ta, a palôh pasa ngaita ta.

RAWMA 11:20

 do. Âmo cha ngiapâleina vâta thliepa châ ei ta, nâ deikua cha ngiapâna vâta a duahpa na châ. Chavâta a palai leipa la, tlao chi mah y.

RAWMA 14:18

Cha hawhta Krista chakaotuhpazy cha, Khazohpa ta a pyh ta, chyhsa reithaina chhao ama hlao tyh.

RAWMA 3:5

Châhrasala keimo sialeina ta Khazohpa siana a palâsa khiahta cha, khâpa eima reih khao aw? Eima chô liata a hiehâhna a patlôsana kyh liata, Khazohpa cha sialeipa a châ ma? Cha cha chyhsapa lâ tawhta ei reipa a châ.

1 KAWRINI 12:25

Chatanachata pôhpa liata achhaihna y leipa aw ta, pachiahpazy ta â khopa ta amâ baokhâ raihrie thei aw.

1 KAWRINI 5:13

Khôtho lâta chyhsazy cha Khazohpa ta a pachia aw. Chyhsa moleipa cha nama hry tawhta papua ha muh vy.

1 KAWRINI 5:2

Nâmo deikua cha a patahtheisana ta nama hmâh cha! Mâchhiesapa ta tlao y u la, cha hawhpa hmo a taopa cha nama hry tawhta nama papua ha awpa châ vei ma?

2 KAWRINI 13:7

Hmo nama parao lei nawpa ta Khazohpa lâ thlah eima cha chhâpa tyh. Pasiana liata a tlohpa hawhta keimo eimâ lâ thei nawpa châ vei. Keimo la a tloh leipa hawhta a lâ hra sih la, nâmo chhâ ta hmo dopa nama tao thei nawpa ta a châ.

2 KAWRINI 2:6

Cha hawhpa chyhsa châna chata, chyhsa hluh via tawhta hriena â tyhpa cha â daih na.

2 KAWRINI 6:4

Khazohpa chakaotuhpazy eima châpa hawhta, kyh to liata chyhsa modypa ta eima y. Thata pasa taona liata zy, riethei taona liata zy, rairuna liata zy, pachârôhna liata zy;

2 KAWRINI 7:1

Kyhpachâ ngaitapa saih u, cha bietaizy cha eima hneipa vâta, pôhpa nata thlahpa a papuapaleipa zydua tawhta a pathai sih la, Khazohpa chipa ta pathaih pakipa ta y suh u.

2 KAWRINI 7:7

Titu vaw tlôpa vâ dei châ vei. Ano thlah nama palôhpa cha keimo thlah miah a palôhpa nama châ hra. Na vâ ngaita ei chi ta, riethei ei taona liata na taokhei ei chi ta, ei châta phahnai namâ ngiahzie zy miah chho ta, eina palysa via pachai.

2 KAWRINI 7:9

Tahmâ la ei ly kaw, pachâ parôhsapa ta nama ypa vâta châ leipa ta, ro awpa ta pachâ parôhsapa vâta a châ. Khazohpa liata pachârôhna namâ tyhpa châ ta, keimo vâta khâpa hmah pahlei veih ei chi.

2 KAWRINI 9:2

Cha chakaona raihria châta a mâ chiehpa ta nama ypa pahno na ta, Akai râh cha zâkô tawh khata a mâh chiehpa ta ama y tahpa ta Mâsidônia mo hmiakô liata ei châ palaikhei kaw ei. Nama phahnai ngiahna ta chyhsa hluhpi palôh a pahra haw.

EPHESI 4:26

Nama hiehâh sala, molei deikua molei khuh vy. Nama hiehâhna cha noh ta tlakhei leipa sala,

EPHESI 5:11

Zohna hmotaopa a pathei beih leipazy liata a hlao leipa u la, zohna hmotaopazy cha tlao palâhâh teh u.

PHILIPI 2:12

Chavâta kho ngaitapazy saih u, bie nama zyh tyhpa hawhna khata, ei y nota dei hria leipa u la, tahmâ ei y vei chhôh ta tlao hria viapa ta, chipa nata chalyupa ta nama pachhana cha hria papua teh u.

1 THYSALAWNIKA 4:6

He kyh liata ahy hmah a unawhpa chô liata moleipa ta hmopha leipa a tao awpa châ vei. Cha chho chhielie ha pi ta, a phapa ta zikyu eima châ râ hapa hawhta, Abeipa cha, cha hawhpa hmo a taotuhpa zydua chô liata phuh latuhpa a châ.

1 TIMAWTHY 5:20

Moleina taotuhpazy cha, zawpi hmiakô liata chhorei la, chatanachata mohropazy chhao ta ama chi aw.

2 TIMAWTHY 2:15

Biehmeiseihpa â do ngaitapa ta a siekheipa raihriatuhpa cha, noza awpa a châ leipa hawhta, a pyh tlâhpa ta Khazohpa hmiakô liata nâ duah thei nawpa ta, na theina zydua papua mah y.

TITU 3:8

Khazohpa a ngiapâpazy cha hmo pha taona liata a hmâh lymâ mawh ei sy, tahpa bie cha ngâ tlâhpa châ ta, cha bie cha na reih lymâ awpa ei khoh. Cha cha hmo phapa châ ta, chyhsazy ta amâ thôkhei aw.

HEBRAI 4:1

Chavâta â pahâna liata a ngia awpa bietai y thlâh ha tlôhpa ta, nama hry liata a ngia tlâh leipa nama y pathlei lei nawpa ta, chi ei suh u.

ZÂMIE 3:17

Chô lâ tawhta sona a za tlôpa deikua cha, a hmiatua ta pathaih ta, thlalôhna ta pazi ta, a nônai ta, hmo yzie pahno thai ta, zawngiahna nata thei phapa ta bie ta, khokhei viapa hnei leipa ta, so piehpiepa châ vei.

1 PITY 1:17

Khokhei viapa hnei leipa ta, chyhsa to ama hmotaopa chyu hawhta pachiatuhpa cha Paw hawhta nama pado khiahta cha, khizaw liata nama y chhôh cha khitlyhpa hawhta y u la, Paw Khazohpa cha chiza muh vy.

1 PITY 2:2

Hawsaih pih thiehpazy hawhta, thlahpa sâhpiti patapa vâ u la, chatanachata nama pachhana liata nama laiseih lymâ aw.

ZUDÂH 1:23

mohropazy mei tawhta chhu u la, pachha teh u. Ahropazy chhao china chôta thapasa u la, sapa moleina a baipa chyhsiazy taih a hao teh u.

BIEPHUAH 3:19

Kyh ei pachâpa cha pasipaao na ta, ei chhorei tyh. Chavâta phahnai a ngiah la, ro mah y.